YOHANES 7:11 - Allah Wene Fano Wene Hupla Inane

¹¹ Andoma pisikhesik werek kwelek, it ap kaindek Yahudi mene seni isatunem logolik Yesus ebe herasuogeluk heinok wanhi logolik he, ”At ebe koma werek?” iluk isukwama,

YOHANES 7:11 ပူးပေါင်းရင်းမြစ်များ

YOHANES 1:19

At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.

YOHANES 11:56

Andogotukwasik werek kwelek, it ap Allah eisewerek mene inogogwi kaindek mene inom, Farisi mene inomen wene mel isukwa: ”It afuni ekhe Yesus ebe werek inelu halok he, niren at ebe fakfouwageluk yaganisa wesuago,” iluk weim yonggo wulakfisasukwama andi nen he, it afuni omanogo Allah awi wuri'mo logolik, Yesus herarik it-it heinok wanhi logolik he, ”At he seni isatunem yi wesigin anggikhi lageba? Lega,” iluk ikhi lagaukwa.

YOHANES 7:1

Wene a'nogo arat yagaisasikhesik he, it ap kaindek Yahudi mene nen, Yesus ebe wasuogeluk weim abok ikhi lagaukwa andi nen he, at ebe o Yudea pimbik nikhi logou abiren he, o Galilea tonggwe andoma nikhi lagaikhe.

YOHANES 7:13

A'nogo isukwa meneat he, it ap kaindek Yahudi mene inailo nen he, inane weinamhogo Yesus abok igi'lek, we nguluk habuk enek isukwa andi.

YOHANES 7:15

Yagaisugunem he, it ap kaindek Yahudi mene nen he, mel isukwa: ”Egi! Nailo e. Ap yi sekolah hilingiti'lek meneat he, yi wene ti wene yoma ninggi'nogo nen elu aga anggegep,” iluk isukwama,

YOHANES 9:12

iren yagati logolik he, ”Ap andi ebe koma werek,” iluk isukwama, aren he, ”An nonggoro,” iluk yagaisasikhe.