YOHANES 7:10 - Allah Wene Fano Wene Hupla Inane

¹⁰ A'nogo kamo isikhemo, at agaila'lak omanogo nek seni a'nogo isatunem arat pisukwama nen, at Yesus hobuk afuni inonggot werek kwelek hinagaisogo pisikhe.

YOHANES 7:10 ပူးပေါင်းရင်းမြစ်များ

MAZMUR 26:8

Tuhan neisena, an he Hat hebe handungdang logolik welagen oba, Hat awi wuri'mo andoma nendawi hundik hilingiti lagi o, neisena.

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

AMOS 5:13

Hit hinobabut weak mondok hilingiti lagep andi nen, it ap inendawimo kagalek mene andi nen anggikhi logolik he, ’Weak a'nogo hilingitunem andi re, nit he ninane legat logouwok,’ iluk anggagarek andi.

MATIUS 10:16

A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.

MATIUS 12:46

At Yesus afuni hokhorogo inom logolik wene yagaisugunem he, at agaisa inom, agoromi inom, wene yagasuogeluk oba wagaukwasik he, olulu welagaukwa.

MATIUS 3:15

Yagatikhemo re, at Yesus nen he, ”An pelaknabigin aro. At Allah nenat yi mene ti mene faget a'nogo hilingisuageluk anggikherek higithogoat hilingnabigin o,” iluk isikhemo re, ”I o,” iluk

MARKUS 3:21

A'nogo hilinglagaikhemo, afuni ekhe nen he, ”At endawinggen samban etesik werego,” ugunem, it Yesus agaisalak inom, agoromi inom inesanggo holfuluk, at ebe wanuogeluk wagaukwa.

YOHANES 11:54

A'nogo isukwa andi nen he, Yesus o Yudea andoma ap Yahudi mene ineilhanem ebe weinamhogo nikhi lagaikhe lek. We, hinak-hinak nikhi lagaikhesik he, o andoma herakfisaluk, o leimo afuni le'ma era'lu o sili enu Efraim lagaikhesik, at agoromi ane wanhi lagaukwa mene omanogo inom andoma welagaukwa.

YOHANES 7:3

A'nogo horogasi wagaikhemo logolik, at Yesus onggwarek agaila'lak mene ogo re, inendawinggen at oba eberogoat himbiret figi'lek welagaukwa andi nen he, mel yagatukwa: ”Hat hagoromi hane wili'lagwi mene omanogo nen, hat hilingitendek mene hilingitunem ineilenggen heowagen, o yoma herakfuluk o Yudea pino. Ap inenu werek asuogeluk anggikhi logolik halok he, hinagaisogo hilingitarek lego. Halok he, hat hilingiti lagen andi, afuni kweangma mene inebe mondogat inelu asuageluk weinamhogo hilingisi pin o,” iluk yagatukwa.

YOHANES 7:9

iluk yagaisasikhesik, at o Galilea andoma kamo isikhe.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.