YOHANES 6:57 - Allah Wene Fano Wene Hupla Inane

⁵⁷ An neisena eluk mondok welagarek mene nen laknobagai wagaikhemo wagagi a'nogo, at eluk welagarek andi nen an neluk welagirek hak, ap sa nen, an nebe ningge halok, an neluk welagirek andi nen, at elugat logogin o.

YOHANES 6:57 ပူးပေါင်းရင်းမြစ်များ

MAZMUR 18:46

It inailo lekhogo hilingitarek mene a'nogo mondogat lek agunem he, inoak leikhogo re it mene inawi sili eroma a'nogo nen wulifarek.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

MATIUS 16:16

at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

YOHANES 14:19

Ninenggi endebat logombik he, afuni kweangma mene ineilenggen neogoin mondok lek meneat he, hit enek he, an nelugat logogin. Nen hit hobuk hinelugat logogun andi nen he, hineilenggen neogoin o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 17:21

Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.

YOHANES 3:17

Nen, an Allah amlogo kweangma yoma laknobagai wagaikhe andi re, yi afuni ti afuni wene inoba fuluk weagerinabuageluk laknobagai wagaikhe fuk. We, inebe telinabuageluk laknobagai wagaikhe o.

YOHANES 5:26

Ineluk mondok welagaikharek mene ero an neisena onggwarek eise welagarek andi hak, an amlogo nenggiba fikhemo eisewerek welagi o.

YOHANES 6:29

at Yesus nen he, mel yagaisasikhe: ”Allah endawimo anggikherek mene hiren hilingisugun andi ebe re yi. Hinendawinggen an Allah nen laknobagai wagaikhemo wagagi mene yi noba himbiret fogoin andi aro,” iluk yagaisasikhemo.

1 KORINTUS 15:22

At Adam ninom hundik logolik he, ninebe mondogat wa'lagorek andi hak, nit Kristus ninom hundik were'ma re, Allah nen ninebe mondogat nineluget ninabigin aro.

1 KORINTUS 15:45

Wene a'nogo iluk, Allah ane lisu palhi logolik he: ”Ap Adam attak mene andi, ebe eluk mene elalhikhe,” iluk lisu palogo fesukwa. Meneat he, ap Adam hobuk mene andi, Areagun nen inelugerinaferek mene wagaikhe.

2 KORINTUS 13:4

At Kristus ebe lebelek were'ma eba menfuluk watukwa meneat he, at Allah omameba eluget fesikhemo elugat welagarek. Andi hagat he, nit at ni nom hundik logolik lebelek welago meneat he, at Kristus ninom hundik nineluk logolik he, Allah omameba hit faget hilingisi wesugun o.

GALATIA 2:20

Nen, yogondak nebe neluk welagi yi re, nonggwarek nomameba neluk welagi fuk. We, at Kristus at nendawimo logolik eluk welagarego. At ebe Allah amlogoat logolik, nebe endawi nen an fagerat, ”Noasuak,” iluk anggasikheba ebe watukwa andi. Nen, an nendawinggen at oba himbirik were'ma re, at ebe nendawimo were'ma, neluk welagirek andi.

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.

1 YOHANES 4:9

Mene re, Allah nen, ”Hit hinebe nendawi welagi,” iluk fakhogo sele'mat feigeluk, amlogo misigat tago a'nogo nen, nineluget ninabuageluk kweangma pelabi wagaikhe andi.