YOHANES 6:51 - Allah Wene Fano Wene Hupla Inane

⁵¹ Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

YOHANES 6:51 ပူးပေါင်းရင်းမြစ်များ

LUKAS 22:19

A'nogo yagaisasikhesik, hobuk sumburu roti mene enggim wanhikhesik he, Allah hai warogo nen ebe kurogo re, agoromi sumburisikhi logolik he, mel yagaisasikhe: ”Yi an nebe aro. [An nebe hit faget noatunem wa'lasigin andi, an noba eberek logobagaigen he, yi'nogoat ninggi logoino,” iluk yagaisasikhemo,

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 11:26

Nen, afuni ineluk logolik inendawinggen an noba eberogoat himbiret fagarek mene nek inebe lombok wa'lagi'lek ineluk mondok logogun o. Wene andi eberogoat iluk futfegen a?” iluk yagati lagaikhemo.

YOHANES 3:13

A'nogo yagatikhesik mel isikhe: ”Ap ekhe kweangma nen pogoroba mondok lagagi'lek. We an pogoroba nen abat ta'lasi pi wagagi andi aro.

YOHANES 3:14

Nen, ap Musa o leimo afuni le'ma andoma logolik kisu hangge hilingisogo eba menfesikhe andi hak, it afuni yoma inendawinggen an abat ta'lasi wagagi mene yi noba himbiret fogoin mene nek he, inebe lombok ineluk mondok logouwageluk, an a'nogoat mennobagagun obaat mennobagagun aro.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 3:36

Halok he, sa nen endawinggen Allah amlogo oba eberogoat himbiret fili'logo halok ineluk logogun mene eise agasik werego. Meneat he, sa nen, at amlogo andi ane holhi'lek obakhe nene herakfisili'logo halok, ineluk mondok logogun mene andi eise asigin lek. We Allah a'mage oba fembik logogin o.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

YOHANES 6:35

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

YOHANES 6:41

At Yesus nen a'nogo yagaisikhi logolik, ”Sumburu roti pogoroba mene andi re, an nebeat pi wagagi o,” iluk yagaisasikhe andi nen, it ap Yahudi mene nen, at abok nguluk-habuk palhi logolik,

YOHANES 6:47

Ap sa nen endawinggen an noba eberogo nen himbiret fugu halok he, ineluk mondok welagaikharek mene eise agasik werego, iluk, eberogoat yagahisigi,” iluk yagaisasikhe.

YOHANES 6:48

Wene ekhe mel yagaisasikhe: ”Sumburu inelugerinafirek mene andi re, an nebe aro.

YOHANES 6:50

A'nogo wa'lagaukwa meneat he, sumburu ebe mene pogoroba nen pi wagaikhe andi. A'nogo pi wagaikhemo re, at sa nen sumburu andi mene nunggu halok, at ebe wa'lagi'lek eluk mondok logogin o.

YOHANES 7:38

Nen, ap sa nen endawinggen an noba eberogoat himbiret fikhe halok he i inelugerinaferek mene at endawimo nen elesi fuluk-fuluk palogo wulifi logogin o, iluk Allah ane lisu palek oba isukwa hagat hilinglasigin o.”

2 KORINTUS 5:19

Wene ninoba fesikhe andi ebe re yi. At Kristus ebe hulisanem logolik hilingitikhe andiba, Allah nen yi afuni ti afuni mondogat at onggwarek inom lambukhogo ninobagasikhe. Aren a'nogo ninobagakhi logolik, nit afuni nen weak hilingitorek mene wene ninoba figi'lek sebelogo herakfisasikhe andi. Aren a'nogo hilingitikhe wene andi niren yagaisilik nikhi logouwageluk ninoba fesikhe.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.

EFESUS 5:25

At Kristus nen nit Allah againafuri ninebe endawit ninafikhesik he, ”It faget noasuago,” iluk anggasikheba ebe watukwama wa'lagaikhe hak, hit aben ogo re, hinagagwi a'nogoat hinendawirogo hilingiti logoino o.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

IBRANI 10:20

Nit a'nogo kugun andi re, o hulu su meneba huli warek andi, at Yesus ebeat. Mene re, nit afuni nineluget ninabigin oba kuageluk, kwe at Yesus ebe wa'lagaikhe andiba, kwe ket mene nit faget yatikhe.

1 PETRUS 2:4

At ebe helep hangge eluk welagarek mene iluk he, oba we'no. Afuni nen he, ”Helep andi weak,” iluk hebisasukwa meneat he, Allah nen he, ”Helep yi mondok fano meneat,” iluk wenagaisogo esinet fesikhe.

1 YOHANES 2:2

At ebe a'nogo logolik, nit yi weak ti weak hilingitorek mene sebelogo legetfisaluk, ho'ninaferek. A'nogo hilingiterek andi re, nit weak hilingitorek mene faget enek fuk. Athe, yi afuni ti afuni kweangma mene mondogat weak hilingitarek mene faget ninomat ho'ninaferego.

1 YOHANES 4:10

It ekhe inendawirinafarek andi ebe re, niren Allah ninendawiratugu fuk, lego. We, at Allah nen nit endawitninafikhesik, aren nit weak hilingitorek mene sebelogo legetfisaluk ho'ninabuageluk, amlogo ninoba pelakfei wagaikhe andi.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.