YOHANES 6:44 - Allah Wene Fano Wene Hupla Inane

⁴⁴ An Neisena laknobagai wagaikhe mene a'nogo nen, afuni lithigik an noba woginarek wagi'lek halok, noba wesugun elo'lego. We, aren it ekhe lit-lit woginarek wagunem noba wesugun halok o wurep oba an nen inelugerinabigin aro.

YOHANES 6:44 ပူးပေါင်းရင်းမြစ်များ

KIDUNG AGUNG 1:4

Raja neisena, an nebe wo'narek o senggelek hat nogokhi lagen oba andoma weak-weakhogo kwilan o. Hat faget nit mondogaren ninagaiyegeti lago, Hendawi hundik hilingiti lagen mene andi re anggur agai sebelek hak oba nen andi nek he mondok esin hilingi'mo re, helime silerigen hat hobaget inendawinggen nunggunem hoba eiselek mondok werek andi re hilingisu hak hilingiri'lagwi o.

YEREMIA 13:23

Afuni inagap sing mene re inagap elokhe amu mene inom agam esumo re elok nogo, athe no harimau esi lel fenggenek mene andoma leget foumo re eloga? Mondok elo'lego! Andi higit he hit hinaniniba nek hilingiti lagep mene andoma re fano mene hilingisu re elo'lek welagebo.

YEREMIA 31:3

An nebe yatma nen it inoba weinam asi wagagi. Hit afuni Israel mene yi sani, An he o endamen engge hit hinoba nendawi hundik hilinghinafi lagimo re, hobuk mondok-mondok faget nendawi hundik hilinghinafi logolik logogin mene a'nogo inuk hisikhi logogin o.

HOSEA 11:4

An nen at ebe nendawirati lagarik, noba lomborogo logouwageluk fei wagagisik, oba enggin-fenggin were'ma An nen lebethigik, nendawi sakhoregen at nunggungge ninggi logouwageluk wogotik, ikhi lagi meneat he,

MATIUS 12:34

Hit hinebe kisu nen tagongge mene yoma sani! Afuni nen yi wene ti wene inambeba nen agarek andi re, inendawimo peterek logolik kagalogo lagai wagunem agarek andi nen he, hit he, hinobabut weagat logolik wene fano mene ikhi logogun nogo? Elo'lego.

MATIUS 16:17

A'nogo yagatikhemo, at Yesus nen he, ”Simon Yona amlogo nagore. Afuni nen yagahetama egen lego. We, an neisena pogoroba mene nen yagahetemo egen higi o. Halok he, hendawimo hagaiyek hikhi logoino.

YOHANES 12:32

An nebe kweangma yoma mennobagaumo re, an nen afuni mondogat lithigik woginarek nonggwarek noba fisa wesigin o,” iluk yagaisasikhe.

YOHANES 5:44

Allah alegat etok mondok welagarek andi nen fogerasuogeluk hilingiti'lek logolik he, hit-hirat hat ekhe nen fogeratik, hat ekhe nen fogeratik fogerakhikhi lagep andi nen, hinendawinggen an noba ninggi'nogo himbiret fogoin anggegep? Mondok elo'lego.

YOHANES 6:43

at Yesus nen he, ”Hit-hit nabok nguluk-habuk palhi lagep andi, palu fugo.

YOHANES 6:45

Wene andi faget it ap Allah ane yagaisikhi lagaukwa mene omanogo nen lisu palogo fikhi logolik mel isukwa: It afuni mondogat Allah nenat wene yagaisikhi logogin o, iluk lisu palogo fesukwa andi hagat, afuni an neisena ane inesanggo holfuluk, aren yagaisugunem wanhu halok, inebe lombok an noba wagaikharegaro.

YOHANES 6:65

A'nogo yagaisasikhesik he, wene ekhe mel yagaisasikhe: ”A'nogo iluk, an nen he, afuni Allah nen inendawimo kagalhi'lek halok an noba wesugun he elo'lek iluk yagahisigi andi,” iluk yagaisasikhe.

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.

FILIPI 1:29

At Allah obabut fano nen, hit hinendawinggen Kristus oba himbiret fouwageluk enek hinayonggo fesikhe fuk. Lego. At faget yi enggin ti enggin hikhi logouwageluk hinayonggo fesikhe aro.

KOLOSE 2:12

At Kristus wa'lagaikhemo ebe warek salhukwa hak, hit ima pelakhinafi logolik, hinom hundigat salhinafukwao. Nen, at hinom hundik warek were'ma, Allah omameba eluget fesikhe, iluk, hinendawinggen at omameba himbiret fesigip andi nen, ima nen yegelogo liakhinafunem he, at hinom hundigat hineluget hinafikhe o.