YOHANES 6:32 - Allah Wene Fano Wene Hupla Inane

^32-33 A'nogo yagatukwama, aren he, mel yagaisasikhe: ”An nen wene ekhe yagahisak. Sumburu pogoroba nen pelak hisa waga lagaikhe andi re, at Musa nen fuk. Lego. Athe, sumburu ebe mene andi re, an Neisena nen afuni kweangma mene inelugerinabuageluk an nebe pogoroba nen pi wagagi andiaro,” iluk yagaisasikhe.

YOHANES 6:32 ပူးပေါင်းရင်းမြစ်များ

MAZMUR 78:23

A'nogo hilingiti logoligenat he, Aren o hena pogot kwe husuageluk mimingiti lagaikhe.

KELUARAN 16:4

A'nogo yagaisasukwama, At Tuhan nen Musa mel yagatikhe: ”An nen hit mondogat faget sumburu hokhorogo oba heilarogo ninggi logobagaik iluk pogoroba nen meiso higit pelakhisa wesigin o. A'nogo pelakhisa wagi halok, o hinenggi linggene misik oba nogoin mene higithogoat andogoti logoino o. A'nogo pelakhisa wagunem hilingiti logogun andiba, iren he, an nen komorogo, yi'nogo hilingi'no, ti'nogo hilingi'no, iluk yagaisagain mene andi higithogo hilingisugun a? Lega, iluk inobabut paligin o.

KELUARAN 16:8

Hit hina'mage lagaluk ninoba wene fikhi lagep andi, eberogoat he, nineisena Tuhan oba wene fikhi lagebo. Wene ikhi lagep mene andi re, nineisena Tuhan esanggo arat holhe andi nen he, aren hit nogoin mene faget hu'mokwe re, sue wokhisigik, ohealekwe re, sumburu roti hangge mene wokhisigik, ugunem hinalabut ninghogo ninggi logogun o, iluk eberogoat yagahisogo,” iluk yagaisasukwa.

YOHANES 1:9

At selek mene andi, kweangma yoma waga logolik, nit afuni mondogat ninebe lombok ninendawimo seleget ninabi wagaikhe.

YOHANES 15:1

At Yesus nen wene a'nogo yagaisasikhesik, hobuk ekhe mel yagaisasikhe: ”Hele anggur ero ebe mene re, an nebe aro. Nen ebe eisewerek he, an neisena aro.

YOHANES 6:31

Ninombalak o leimo afuni le'ma logolik sumburu na hak, enu mana mene ninggi lagaukwa iluk, Allah aneba lisu palek werek: It inamburu ninggi logouwageluk, ebearen pogoroba nen pelakfei waga lagaikhe, iluk lisu palek werek higithogo ninggi lagaukwa,” iluk yagatukwa.

YOHANES 6:35

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

YOHANES 6:41

At Yesus nen a'nogo yagaisikhi logolik, ”Sumburu roti pogoroba mene andi re, an nebeat pi wagagi o,” iluk yagaisasikhe andi nen, it ap Yahudi mene nen, at abok nguluk-habuk palhi logolik,

YOHANES 6:50

A'nogo wa'lagaukwa meneat he, sumburu ebe mene pogoroba nen pi wagaikhe andi. A'nogo pi wagaikhemo re, at sa nen sumburu andi mene nunggu halok, at ebe wa'lagi'lek eluk mondok logogin o.

YOHANES 6:55

An nebe inom namep inom, andi re, hinamburu hinagai ebe mene aro.

YOHANES 6:58

Nen, sumburu pogoroba nen pi wagaikhe mene yi re, hit hinombalak ninggi lagaukwa mene inebe wa'laga lagaukwa andi hangge re lek, meneat he, ap sa nen sumburu ebe mene yi nunggu halok, eluk mondok logogin o,” iluk yagaisasikhe.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.