YOHANES 6:11 - Allah Wene Fano Wene Hupla Inane

¹¹ A'nogo hu'larik lagaukwama re, at Yesus nen sumburu roti mene aremnogo enggimo wanhikhesik he, ”Allah neisena,” iluk hai warogo afuni hokhorogo hu'lagaukwa mene omanogo sumburisasikhesik he, ikan aremnogo a'nogoat sumburisasikhe. Sumburisasikhemo it inendawimo nen, nelo anggasukwa hagat inalabut ninghogo nasukwa.

YOHANES 6:11 ပူးပေါင်းရင်းမြစ်များ

MATIUS 15:36

Yagaisasikhesik he, sumburu roti mene 7 nen aremnogo inom, ikan aremnogo inom, enggim wanhikhesik, Allah hai warogo re, enggi nen sumburu roti mene aremnogo kurogo afuni hokhorogo omanogo sumburisoageluk, at agoromi ane wanhi lagaukwa mene omanogo wogisasikhemo, sumburisasukwa.

LUKAS 24:30

Kwisukwasik inom sumburu nuogeluk he, hu'lagaikhesik sumburu roti mene enggimo wanhikhesik he, Allah hai warogo kurogo it aremnogo sumburisasikhe.

YOHANES 21:10

A'nogo hasukwama, at Yesus nen he, mel yagaisasikhe: ”Nagoromi. Ikan kerat wanhep omanogo fenakwe waluk we'ni o,” iluk yagaisasikhemo,

YOHANES 21:13

A'nogo kamo isukwasik werek kwelek, at Yesus nen hobuk inoba horokhogo higilha lagaikhesik he, sumburu roti mene a'nogo wanhikhesik it sumburisasikhesik he, ikan a'nogoat sumburisasikhe.

YOHANES 21:9

Arat wulibi wagaukwasik e so elema nen pi wagaukwa hak he, ikan inom, sumburu roti mene inom, werago endu enggen oba louksek were'ma ineilenggen hasukwa.

YOHANES 6:23

hobuk e so hunogoat mene ekhe afuni o enu Tiberias mene nen warik, ninoe Enupogot Yesus nen samban Allah hai warogo nen sumburu roti mene sumburisasikhemo nasukwaba a'nogo wulifukwasik were'ma, ineilenggen hasukwa.

YOHANES 6:9

”Noe. Yoma abo yenggerek mene ekhe sumburu roti logomhigik werogo mene fuaben, nen ikan pire inom fisogo werek meneat he, ap esa hokhorogo hilingi'mo higithogo na hak no go? Elo'lego,” iluk yagaisasikhemo,

KISAH PARA RASUL 27:35

A'nogo yagaisasikhesik, sumburu roti mene ekhe enggim wanhikhesik he, it mondogat ineilhanem Allah hai warogo, at tak kurogo nasikhe.

ROMA 14:6

It ekhe nen he: ”O yogondak yi sambul enek he, yi mene ti mene hilingisugun lek,” iluk agarek mene andi, At Tuhan fagerat anggagarego. Nen, it ekhe yi mene ti mene hesanggeat nenggarek mene andi re, At Tuhan fagerat ninggi logolik he, Allah hai watarek andi. Nen, it nenggarek lek mene andi, At Tuhan fagerat ninggi'lek logolik he, Allah hai wataregat andi.

1 KORINTUS 10:31

an nen yi'nogo yagahisak. Sumburu inom, i inom ninggik, yi mene ti mene hilingitik, a'nogo mondogat ikhi logolik he, afuni nen Allah fogerasuagelugat hilingiti logoino o.

1 TESALONIKA 5:18

Allah endawimo nen he: ”Hit Kristus Yesus hinom hundik logolik yi mene ti mene mondogat faget an hai wa'nafi logoguno,” iluk anggikherek andi nen he, a'nogoat hilingiti logoino.