YOHANES 5:9 - Allah Wene Fano Wene Hupla Inane

⁹ yagatu kwelek aremnogoat ap a'nogo ou fano agaikhesik he, alit talek a'nogo helaluk lagaikhe. At Yesus nen ap ou higitikhe andi re, it afuni Yahudi mene inenggi sabit oba Allah faget weat welagaikharek a'nogoba higitikhe.

YOHANES 5:9 ပူးပေါင်းရင်းမြစ်များ

YESAYA 35:6

I elesi fulogoumhogo o leikwe wagik, nen i lagu agai mene o walkwe lagik hilingitunem afuni ineisok hambelek mene re no rusa nen huksombo lagagik pigik hilingiterek hak hilingiti logogun, nen inane lek mene re inagaiyegen inanggilugeti logogun.

YEREMIA 17:21

Haren ikhi logolik, ”Hit wa'lasugun hinabit welagep halok he hiren hinasungge hinenggi sabit meneba salma'luk kwi waga logou fuk, athe o Yerusalem kwe ambe palekwe andoma nen kwi waga logogun legat.

MARKUS 1:31

Yagatukwama re, he a'nogo era'lu horokhogo lagaikhesik he, enggi fagaisogo menfesikhe. Menfugunem he, oba ou aganhan a'nogo legagaikhe. Ou legagaikhemo re, arenat leberisikhi lagaikhe.

MARKUS 1:42

Yagatu kwelek, aremnogoat oumo henanggo hangge a'nogo legagaikhesik oba fano agaikhe.

MARKUS 10:52

at Yesus nen he, mel yagatikhe: ”Hendawinggen noba eberogoat himbiret fegen andibaat fano agen o. Halok he, lan o,” iluk yagatu kwelek aremnogoat eilenggen mum mene a'nogo fano agaikhesik he, Yesus ebekwe lagunem ombo'ne inomat lagaukwa.

MARKUS 5:29

Enggi fakhugu kwelek aremnogoat, amep a'nogo eroba nen palagaikhemo, endawimo nen he: ”I. An ou weagat welagi a'nogo, higitnafe higi,” iluk endawimo futfesikhe.

YOHANES 5:14

A'nogo hilingitukwasik oba nen, hobuk at Yesus Allah awi wuri'mo ap a'nogo emberek ambi agaukwasik he, mel yagatikhe: ”Neisena. Yogondak hat hoba arat fano agen andi re, hobuk weak hokho mene ekhe hoba asinogo nen he, weak mene ekhe hilingitun o,” iluk yagatikhe.

YOHANES 7:23

Nen, wene Allah nen komotninafikhe wene at Musa nen wokhisasikhe andi sagalinogo iluk, inenggi sabit oba Allah faget weat logolik ap inenggalimo mene inap palinafep meneat he, an nen ninenggi sabit oba Allah faget weat logolik, ap ekhe ebe mondok fano hilingiti meneat he, hiren nenahalok wena'neti lagep?

YOHANES 9:14

Andi sambul he, at Yesus nen kweang enggi nen piselogo lebeleget fesikhesik ap eilenggen mum mene fano higitikhe andi.