YOHANES 5:39 - Allah Wene Fano Wene Hupla Inane

³⁹ Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

YOHANES 5:39 ပူးပေါင်းရင်းမြစ်များ

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 133:3

athe lilengge tom Hermon oba nen o Sion punukwe pi wagarek higit werek. Andoma mondogat he ineluk mondok-mondok logogun mene faget At Tuhan nen fanot fisikherek.

MAZMUR 16:11

Haren he an kwe ineluk mondok logouwageluk lagaikharekwe yaganeti lagen. Hat helokhoma an nendawimo nagaiyek hokho pokhorogo hikhi logogin mene inom, nen Henggi ebekwe re mondok fanorogo logouwageluk inom hilingnobagakhi lagen.

MAZMUR 21:4

Hat hebe waga logolik hangge yi mene ti mene at oba fanot fei wagik, at ungguloba kware-kware emas oba hilingik engge puget fei wagik, isigin.

MAZMUR 36:9

Hat hailoba nen nunggu mene mondok hokho pokhorogo wogisikhi lagen andiba it mondogat inoba homot fisikherek, nen inagai re Hat agai meneat eil mondok wurik fano mene wogisikhi lagen andiba homot fisikherek.

AMSAL 6:23

Hagaisa heisena nen yi'nogo ti'nogo iluk yagaheri'lagwi mene andi re, esage ibilhafu mene faget, iren wenakheri'lagwi mene andi re haren fanorogo holfuluk heluk higithogo werek mene faget yagaheri'lagwi.

YESAYA 34:16

Buku Tuhan nen mene heragaisogo pilingi'ni: Yi mene ti mene mondogat andoma we misik iluk ogo ekhe longgo igin lek, nen wutsek mene andoma ekhe taganet lasigin legat. A'nogo logogin iluk Tuhan nen awene melalogo fikhemo re At amu nenat it inebe andogorogo fisagain.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

YEREMIA 8:9

Ap inawenggelek inap inom, inelu mondok welagaikharek inap inom hit hinanggelekwe welagaikharek inap andoma re inenggali asugun o. It he wenggelharek mene andi longgo umore inenggali asimbik niknang ugun. An nen komorinafirek mene omanogo wanhi'lek logolik inabit mondok werek andoma re yogondak iren ninggi'nogo mene hilingisuogeluk werek he?

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

MATIUS 22:29

at Yesus nen he, mel yagaisasikhe: ”Hit he, Allah ane lisu palek andi inom, Allah omame andi inom, hinonggot logolik, hinane weak egep andi.

MARKUS 10:3

Heinok a'nogo wanhukwama, at Yesus nen he mel yagaisasikhe: ”At Musa nen wene ninggi'nogo komothinafikhe nogo,” iluk isikhemo,

MARKUS 12:10

Hiren Allah ane lisu yi'nogo palogo fesukwama enu salhi'lek welagagip nogo? Iren he: It ap tukang helep oba wutarek mene nen o ebe wuti logolik he, ”Helep yi weak,” iluk herakfisasukwa mene andi obuleat ya'lagama o.

LUKAS 16:29

aren he, mel yagatikhe: It andi Musa wene andi inom, ap Allah ane yagaisikhi lagaukwa mene omanogo inane andi inom, fisogo weregaro. Halok he, wene andiat holhi logouwago, iluk yagatikhemo,

LUKAS 16:31

at Abraham en he, mel yagatikhe: It hoe hagot andoma Musa wene inom, it ap Allah ane yagaisikhi lagaukwa mene inane andi inom, inesanggo holhi'lek halok he, ap ekhe wa'la'luk lagaikharek oba nen eluk a'luk yagaisa lamo, it andi inendawimo nen he, eberogoat anggaluk inesanggo holugun elo'lek aro, iluk yagatikhe,” iluk Yesus nen yagaisasikhe.

LUKAS 24:25

A'nogo yagatukwama, at Yesus nen he, ”Eige! Hinebe kembu a? Ap Allah ane yagaisikhi lagaukwa mene omanogo nen wene mondogat yagaisikhi lagaukwa a'nogo eberogoat iluk hit weak-weak futfigi'lek welagep yi ri!

LUKAS 24:27

A'nogo yagaisasikhesik he, at onggwarek faget Musa nen lisu palhikhe mene omanogo huli nen pikhit he, it ap Allah ane yagaisikhi lagaukwa mene nen lisu palhukwa omanogo mondogat furogo pilingisogo yagaisasikhe.

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

YOHANES 1:45

Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,

YOHANES 5:32

A'nogo meneat he, an nebe futnobagauwageluk, neisena nen nabok pilingisogo yagahisili'logo andi, eberogoat yagahisili'logo iluk an nelu o.

YOHANES 5:36

an nebe futnobagauwageluk, aren nabok pilingisogo yagahisikhi lagaikhe meneat he, elo'lek hak. Athe, an neisena nen, neabu ando ekhe figi'lek felelenghogo hilingi'no, iluk, nayonggo fesikhemo hilingiti lagi andiba nek he, afuni nen, At ebe eisena nen lakfei wagaikhemo iluk nabok ugunem inesanggo holfuluk nebe futnobagau hagat futnobagagun o.

YOHANES 5:40

hinebe hineluget hinabuageluk an noba wesu re, hinabiro.

YOHANES 5:46

An nabok hinelu asuageluk, at Musa nen lisu palogo fesikhe andi nen he, aren lisu palhikhe mene andi eberogoat iluk futfikhi logoilepma re, Yesus eberogoat, iluk fut nobagailebaro.

YOHANES 7:52

iren at mel yagatukwa: ”Hat ogo re, hawiba o Galilea mene nogo? Ap Allah ane yagaisagarek mene ekhe o Galilea nen wesigin iluk Allah aneba lisu palek were'ma heilenggen hagain mondok lek a'naga re, heilenggen fanorogo hikhi logoino o,”

KISAH PARA RASUL 13:27

Wene lakfei waga mene andi, it afuni o Yerusalem mene inogogwi kaindek inom enat he, Yesus ebe futfesukwa lek. Futfigi'lek logolik, attagaren it ap Allah ane yagaisikhi lagaukwa mene omanogo nen wene lisu palogo fesukwa mene were'ma, samban hundik-handik ikhi logolik enu salhunem inesanggo holharek meneat he, wene ebe futfikhi lagaukwa lek. A'nogo futfigi'lek logolik, Yesus wene oba fuluk ebe watukwa andiba, wene attagat isukwa mene andi oba tibisikhe andi.

KISAH PARA RASUL 17:11

It afuni Yahudi o Berea mene inobabut he, afuni o Tesalonika mene inendawimo puk welagaukwa andi hak he, lek. We, it he, wene anggilukhogo wanhi logolik, ”Wene ikhe andi eberogoara? Lega,” iluk, Allah ane lisu palogo fesukwa mene a'nogo hundik-handigat enu salogo furogo kumuthikhi lagaukwa.

KISAH PARA RASUL 26:27

Agripa noe. Wene it ap Allah ane yagaisikhi lagaukwa mene nen isukwa andi, eberogoat iluk anggikhi lagen lek nogo? Eberogoat iluk anggikhi lagen aro. An nelu,” iluk yagatikhe.

ROMA 1:2

Attagat Allah nen: ”Wene fano wene andi, hobuk weinam asigin o,” iluk abok it ap at ane yagaisikhi lagaukwa mene omanogo yagaisugunem, iren Allah ane palek a'nogoba lisu palogo fikhi lagaukwa.

ROMA 3:2

Andi re, yi mene ti mene faget mondogat fano nek. Wene andi ebe furogo yagahisak. Ekhe re, Allah nen he, ”An nane it elok fisogo logogun,” iluk, irat yagaisikhi lagaikhe.

ULANGAN 18:15

We, an nen At ane yagahisigirek andi hak yagahisikhi logouwagaluk, Aren ap ekhe unggulenu nit mene ayonggo fembik hinoba lakfei wesigin o. A'nogo hinoba lakfei waga halok, hiren At ane hologo hilingiti logoino o.

ULANGAN 18:18

Andi nen he, ap it mene ekhe haren An nane yagaisegendek andi hak yagaisikhi logouwagaluk ayonggo fembik inoba lakfei wesigin o. A'nogo lakfei wesimbik, wene afuni andi yagaisikhi logouwagaluk An nenat yagasigin o. A'nogo yagasumo, aren wene An nen, yi'nogo yagaisano, ti'nogo yagaisano, iluk yagahesigin mene andi mondogat it afuni andi yagaisikhi logogin o.

ULANGAN 29:29

Wene fena At nineisena Tuhan Allah nen hinagaisogo fikhe mene werek oba nen he, awene melalek nit ninoba weinamhogo nit inom, niren tagomangge mene inom faget yaganisikhemo niren hologo hundik-handik hilingiti logogun o,” Iiuk yagaisasikhe.

ULANGAN 32:47

Wene komotninafikhe wene andi ebe lek ineranen wene mene fuk. Eberogoat hinelugethinafi logogin mene o. Hinenggi welagi'legat, o i Yordan palogo sebeli kugun oba andoma kwimbik, hinebe umur uanhogo logoubagaigen he, aren, Yi'nogo hilingiti logoino, ti'nogo hilingiti logoino, iluk komothinafe wene andi mondogat hologo hilingiti logoino o,” iluk yagaisasikhe.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.

IBRANI 11:35

it hemi ekhe ineagwi warek mene hobuk inelugerinafunem woginafik, hilingirik waga lagaukwa. A'nogo hilingirik wagu kwelek, it ekhe re, inebe hobuk fano logogun mene Allah nen inelugerinabuageluk, afuni ekhe nen inebe wiik-weakhogo hilinginafu kwelek, inagap elele heligi'lek welagaukwa.

YOSUA 1:8

Haren he, wene An Allah nen, yi'nogo hilingi'no, ti'nogo hilingi'no, iluk isigi mene lisu palek werek andi, mondogat higithogo hilingiti logoinogen iluk, wene ebe lisu palek mene andi, linggene nen hubanggo nen enu salhu mondok logoino o. A'nogo hilingiti logolik, wene lisu palek werek mene andi mondogat An nagainafuri ineilhanem enu salhu mondok logoino o. Haren a'nogo mondogat hilingiti logogin halok, hat hebe fano logolik, yi mene ti mene faget ugunem elok enek hilinglaga logogin o.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.