Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANES 5:24 - Allah Wene Fano Wene Hupla Inane

24 ”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

အခန်းကိုကြည့်ပါ။ ကော်ပီ




YOHANES 5:24
28 ပူးပေါင်းရင်းမြစ်များ  

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.


Yagaisilik lagunem he, it afuni ekhe nen wene andi eberogoat iluk anggogoin mene ima pelaginabugun mene halok, Allah nen telinabigin meneat he, it ekhe wene andi eberogoat iluk wanugun lek mene halok, Allah nen wene inoba fembik weagerinabigin o.


Nen, afuni ineluk logolik inendawinggen an noba eberogoat himbiret fagarek mene nek inebe lombok wa'lagi'lek ineluk mondok logogun o. Wene andi eberogoat iluk futfegen a?” iluk yagati lagaikhemo.


It a'nogo hilingiti lagaukwa meneat he, at Yesus nen ane hokhorogo yagaisikhi logolik he, mel yagaisasikhe: ”At sa nen endawinggen an noba himbiret fagain halok he, an noba himbiret fagain fuk. Lego. We, an laknobagai wagaikhe mene a'nogo oba endawinggen himbiret fagain o.


A'nogo meneat he, lisu palek werek yi mondogat he, hiren he, Yesus andi Allah amlogo, nit afuni telninabuageluk wenagaisogo lakfei wagaikhe a'nogo eberogoat iluk futfuluk hinendawinggen at oba eberogoat himbiret fuluk At enu hombuk palhunem hineluk mondok logobagaigeniluk lisu palogo figi o.


Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.


Halok, sa nen endawinggen an noba eberogoat himbiret fikhe halok he, Allah nen wene oba fuluk weaget fagain lek meneat he, sa nen endawinggen an Allah amlogo misigat tago mene yi noba eberogoat himbiret figi'lek andi nenat weaget fagain mene wene arat oba fikhemo werego.


Halok he, sa nen endawinggen Allah amlogo oba eberogoat himbiret fili'logo halok ineluk logogun mene eise agasik werego. Meneat he, sa nen, at amlogo andi ane holhi'lek obakhe nene herakfisili'logo halok, ineluk mondok logogun mene andi eise asigin lek. We Allah a'mage oba fembik logogin o.


Ebe arat palhu halok he, ap ekhe awi yaterek mene inom, nen, ekhe enggen palherek mene inom, emberek inendawimo inagaiyek hoageluk, yogondak at ekhe enggen pali'logo mene andi onggo helili'logo andi ebe re, enggen palogo andogorogo fagarek hak, afuni ineluk mondok logouwageluk andogorogo fisili'logo andi aro.


neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.


Ap sa nen endawinggen an noba eberogo nen himbiret fugu halok he, ineluk mondok welagaikharek mene eise agasik werego, iluk, eberogoat yagahisigi,” iluk yagaisasikhe.


A'nogo wa'lagaukwa meneat he, sumburu ebe mene pogoroba nen pi wagaikhe andi. A'nogo pi wagaikhemo re, at sa nen sumburu andi mene nunggu halok, at ebe wa'lagi'lek eluk mondok logogin o.


Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.


Nen, sumburu pogoroba nen pi wagaikhe mene yi re, hit hinombalak ninggi lagaukwa mene inebe wa'laga lagaukwa andi hangge re lek, meneat he, ap sa nen sumburu ebe mene yi nunggu halok, eluk mondok logogin o,” iluk yagaisasikhe.


Nen, ap sa nen an nane hologo hilingiti logogin halok he, wa'lagi'lek eluk mondok logogin o, iluk eberogoat yagahisigi,” iluk, yagaisikhi lagaikhemo,


Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.


Allah a'mage, nit ninoba fuluk weagetninabigeluk wena'ninafikhe lek. We, ninoe Enupogot Yesus Kristus nen telogo fanotninabuageluk wena'ninafikhe o.


Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.


Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.


Allah nen ninebe wa'lagaikhare'ma nen wo'ninafikhesik, ineluk welagaikhare'ma ninobagaikhemo welago iluk, nit-nit ninerugwi ninagaila'lak ninom nendawi-hendawirogo welago andi nen futfikhi lago o. Halok he, sa nen afuni ekhe endawirogo welagi'lek, abit welagarek mene andi ebe wa'lagaikhare'ma andomaat werego.


Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ