YOHANES 5:19 - Allah Wene Fano Wene Hupla Inane

¹⁹ Weim abok a'nogo isukwama, at Yesus nen he, ap omanogo wene yi'nogo yagaisasikhe: ”Yi mene ti mene an neisena nen hilingitunem neilenggen higi'lek, we, an nendawimo nen kagalogo hilingisu elo'lek andi nen he, an neisena hilingiterek meneat higithogo hilingiti lagi o, iluk eberogoat yagahisigi.

YOHANES 5:19 ပူးပေါင်းရင်းမြစ်များ

KEJADIAN 1:1

O eroba Allah nen he, pogot inom, kweang inom, elalhikhe

KEJADIAN 1:26

Hobuk Allah nen he, mel isikhe: ”Niren afuni nit ninebe higit, ninobabut higit ekhe elal inabuogo. A'nogo elalogo fisamo iren, yi ikan ti ikan i laut yenggele'ma logogin mene inom, yirue-tirue pogot ebene tarogo nikhi logogin mene inom, yi mene ti mene eil ena mene eil polok mene ebe hokhondek mene inom magendek mene inom, kweanggwe pololangerik nikhi logogin mene inom, mondogat it inenggiba logouwageluk elalinabuogo,” iluk isikhe.

MAZMUR 138:3

An nen Hat hoba nane kwetunem he, Haren hane onggo yaganeti lagen, Haren an nendawinggen omamet fugunem he, an nailo lek mene aga lagi.

MAZMUR 27:14

Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe.

MAZMUR 50:6

Pogoren fageti logolik he, At Allah ebe afuni wene inoba figik kotik ugu mene logolik, Aren it againafuri omanogo inawene katokhogo tegeterek.

KELUARAN 4:11

A'nogo yagatikhemo, at Tuhan nen ikhi logolik he, ”Sa nen afuni inambe hilingisogo fikherek nogo? Nen, sa nen inane unggut lugulugwit figik, inesanggo tagumet figik, ikherek nogo? Nen, sa nen ineilenggen puget figik, fenggen figik, ikherek nogo? An Hineisena Tuhan nen hilinginafirek lek nogo?

AMSAL 2:6

At Tuhan nenat inendawinggen kagalek mene wogisikherek, nen Arenat afuni inelu agarek mene inom, wenggelharek mene inom wogisikherek.

YESAYA 44:24

Tuhan hinagap telhinaferek mene, hagaisa alabutmo oan werek kwelek pugun hafe mene a'nogo nen ikhi logolik, ”An hineisena Tuhan Allah nen yi mene ti mene andoma mondogat elalogo fesigi, An namu nenat pogot tiaganet figik, nen it ekhe nen lebetniigi'lek kwelek, kweang elalogo figik, isigi.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

MATIUS 26:39

at ale'ma horogat lagaikhesik elokhe sagaum weing lagaikhesik he, Allah ayonggo fikhi logolik, mel yagatikhe: ”Neisena! An weagetnabugun andi telnabigin halok he, telnabino,” iluk u hak, ”Amusu hinago noageluk wo'nesugun andi, wokhagain halok he, wokhano. Nen, lek halok he, an nendawimo anggigi mene andi lego. We, hat hendawimo anggegen mene andiat hilingnabino o,” iluk samban isikhe.

YOHANES 10:18

An nen wa'lasigin anggigi le'maat, it afuni ekhe nen obakheba noasumo elo'lego. We, An nonggwarek nendawimo nenat, nebe wa'lasigin anggagain obaat wa'lasigin o. Wa'lasumo, hobuk nambotkwe neluk asigin andi nonggwarek nendawimo nen anggagain oba aro. A'nogo hilingisuageluk neisena nen laknobagai wagaikhe meneat hilingisigin o, iluk eberogoat yagahisigi,” iluk yagaisasikhe.

YOHANES 12:49

an nendawimo nen kagalogo yagahisikhi lagi fuk. Lego. We, an nen yagahisoageluk an neisena laknobagai wagaikhe mene a'nogo nenat, yi'nogo in, ti'nogo in iluk, yaganetu kwelegat yagahisikhi lagi o.

YOHANES 12:50

Nen, aren wene komorogo, yi'nogo hilingi'no, ti'nogo hilingi'no iluk yaganisikherek andi nit nineluk logouwageluk yaganisikherek, iluk an nelu o. An neisena nen wene yaganeri'logo meneat yagahisikhi lagi o,” iluk yagaisasikhe.

YOHANES 14:10

An nen neisena nemberek hundik, nen, neisena nen an nemberek hundik, welagorek andi, hat futfikhi lagen lega?” iluk yagatikhesik he, it mondogat yagaisikhi logolik, ”An nen wene yagahisigirek andi, an nendawimo nen kagalogo yagahisigirek fuk. Lego. We an neisena nemberek hundik logolik, an naneba nen igik, nenggiba nen hilingitik, igirek mene andi, at onggwaregenat hilingiri'logo o.

YOHANES 2:19

A'nogo wenagetukwama, at Yesus nen he, mel yagaisasikhe: ”Allah awi wurik yi meisalini o. Arat meisalumo re, an nen hobuk nenggi pireba wuti logombik nenggi ekheba nen arat wusigin o,” iluk yagaisasikhe.

YOHANES 3:3

A'nogo yagatikhemo, at Yesus nen he, mel yagatikhe: ”Afuni Allah nen inebe hobuk inambotkwe taginafi'lek halok he, at awe a'ma fisikherek oba andoma ineilenggen hogoin mondok lego, iluk nane eberogoat yagaheti lagi,” iluk yagatikhemo,

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

YOHANES 8:28

A'nogo futfigi'lek werek kwelek, aren he, mel yagaisasikhe: ”An abat ta'lasi wagagi a'nogo, hiren an nebe legeisogo nobagagun andi sambul hiren he: Etok mondok welagarek mene a'nogo ebe yiaro. Aren wene yaganisikhi logolik he, endawimo nen kagalogo igi'lek. We, at eisena nen yagaterek mene nek, yaganisikhi lagama, iluk, hinelu asugun o.

YOHANES 9:4

ekhe mel yagaisasikhe: ”Hobuk o mum asigin o. A'nogo mum agunem, afuni ekhe nen yi mene ti mene hilingisu lek hak asigin andi nen he, At laknobagai wagaikhe mene hilingiterek mene andi, o yogondak o selek werek kwelek yagaat hilingiti logouwogo.

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

ROMA 6:4

Ima pelakninafi logolik he, at ebe warek salhukwa hak, nit at ninom hundigat were'ma warogo ninobagasukwa. Nen, at Kristus wa'lagaikhesi'mo nen, Eisena omame hokho fogeratarek mene a'nogo nen eluget fesikhe hak, nit yogondak ninelugetninafemo ninobabut ket mene hilingiti logouwogo.

ROMA 8:11

At Allah nen he, Kristus Yesus wa'lagaikhemo eluget fesikhemo re, at Areagun hinendawimo logolik he, hinebe hinagap wa'laga lagep mene yi hinelugethinabiginat. Andi re, at Areagun en Kristus ebe wa'lagaikhemo eluget fesikhe a'nogo hinendawimo welagarek andi nen hinelugethinabigin o.

1 KORINTUS 15:12

At Kristus wa'lagaikhemo nen, hobuk Allah nen eluget fesikhe, iluk yagahisikhi lago meneat he, hit ekhe nen he, ”Afuni wa'lagunem en Allah nen inelugerinabigin lego,” iluk ikhi lagep andi nenahalok?

2 KORINTUS 4:14

A'nogo yagaisikhi logolik, ninendawimo yi'nogo anggikhi lago. At Allah nen he, ninoe Enupogot Yesus ambotkwe eluget fesikhe andi hak, nit at ninom higithogoat nineluget ninafikhesik he, hit ninomat Yesus oba ninobagai lagain iluk ninelu.

EFESUS 2:5

Nit weak hilingiti lagagu andiba, ninendawinggen faget ninebe warek hangge were'ma, Allah obabut fano enago nen Kristus ninom hunogo ninobagasikhesik ninomat nineluget ninafikhe. Mene re, hirat At obabut fano nenat telhinafikhe andi.

EFESUS 3:16

At Allah yi mene ti mene mondok fano mene enggi werek iluk u hak, fogeratu welagaikharek a'nogo nen, Areagun oba hinomamerogo hinendawinggen wuriget hinabuageluk ayonggo fikhi lagiat.

FILIPI 3:21

Andi ebe wesimbik he, nit ninebe ninomame lek logolik, ninagap fili agarek mene yi herakfisaluk obali'mo re at onggwarek agap hak fogeratarek mene a'nogo nirogo a'nogoat ninagap ket mene hilingninobagagin. At omameba yi mene ti mene mondogat at awe a'ma fisagain andi nen he, at ebe fogeratarek hak, nit ninebe fogetninabugun mene hilingisogo ninobagagino.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

KOLOSE 1:11

Nineisena Allah omame hokho fogeratarek mene a'nogo nen hinomamet hinafunem, hit hinomamerogo mondok logobagaigeluk ayonggo fikhi lagiat. A'nogo hinomamet hinafunem yi mene ti mene enggin hinoba agu kwelek, hinendawimo puk agi'lek hinafe morogo logolik, hinendawimo hinagaiyek higik,

1 TESALONIKA 4:14

At Yesus ebe wa'lagaikhesigen eluk agaikhe andi eberogoat iluk futfikhi lago. Andi nen, afuni at inom hundik logolik wa'lari'lagwi mene hobuk Allah nen inelugerinabimbik, Yesus inom mondok logouwageluk eberogoat woginabigin iluk futfikhi logouwagaro.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.