YOHANES 5:18 - Allah Wene Fano Wene Hupla Inane

¹⁸ it ap kaindek Yahudi mene omanogo nen inenggi sabit oba Allah faget weat logolik, Yesus nen ou higisu lek mene higitikhe andiba nek ebe wasuogeluk isukwa fuk. Athe, aren, ”An nebe Allah nemberek higit,” u hak he, ”An neisena ebe Allah aro,” iluk isikhe andi nen ebe wasuogeluk ebenagai'mo weim abok isukwa.

YOHANES 5:18 ပူးပေါင်းရင်းမြစ်များ

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

MATIUS 12:5

Nen, ninenggi sabit oba Allah faget weat logolik yi mene ti mene hilingiti'lek weat logogun meneat he, it ap Allah eisewerek mene nek, Allah awi wuri'mo kuluk, it hilingisu mene hilingitunem wene inoba fagarek lek, iluk Allah ane lisu palek werek a'nogo enu salhi'lek welagep nogo?

YOHANES 1:19

At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.

YOHANES 10:30

”Neisena nemberek ninebe re, misigaro,” iluk yagaisikhi lagaikhemo,

YOHANES 10:33

iren he, mel yagatukwa: ”Hat fano hilingiti lagen andiba helep oba hoasuogeluk ikhi lago fuk. We, hat hebe afuni meneat he, Allah enu weagerogo, mel ikhi lagen: An Allah nemberek higit, iluk ikhi lagen andi nenat hoasuogeluk ikhi lago,” iluk yagati lagaukwama,

YOHANES 14:23

at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.

YOHANES 14:9

at Yesus nen he, mel yagatikhe: ”Filipus nagore. An o endamat a'lima nenat ninom welago meneat he, haren an nebe futnobabagagi'lek welagenma higi, i a? At sa nen an eilenggen niikhe andi re, An Neisena eilenggen hikhe o. A'nogo meneat he, haren, Heisena andi yaganisan o, iluk egen andi ninggi'nogo nen egen.

YOHANES 19:7

it ap Yahudi mene omanogo nen he, mel yagatukwa: ”Aren ikhi logolik, An nebe Allah amlogo, isikhe andi nen, wene Allah nen komotninafikhe wene, niren hilingitorek andi higithogoat ebe wasu higit aro. Halok he, wasugun anggikhi lago,” iluk yagatukwa.

YOHANES 5:15

A'nogo yagatikhemo, at ap a'nogo it ap kaindek Yahudi mene inoba lagaikhesik he, wene mel yagaisasikhe: ”Ap an ou higitnafe igi a'nogo re, Yesus nenat higitnafemo o,” iluk yagaisasikhe.

YOHANES 5:16

A'nogo yagaisasikhemo re, it afuni Yahudi mene inenggi sabit oba Allah faget weat werek kwelek, Yesus nen ap a'nogo ou fano higitikhe andi nen, at Yesus ebe weaget fouwogeluk isukwa.

YOHANES 5:17

A'nogo isukwa meneat he, at Yesus nen wene mel yagaisasikhe: ”An neisena enggi ekhe kamo igi'lek, o yogondak yi inomat hilingnafu mondok welagarek hak, an a'nogoat higirinafu welagi o,” iluk yagaisasikhemo,

YOHANES 7:1

Wene a'nogo arat yagaisasikhesik he, it ap kaindek Yahudi mene nen, Yesus ebe wasuogeluk weim abok ikhi lagaukwa andi nen he, at ebe o Yudea pimbik nikhi logou abiren he, o Galilea tonggwe andoma nikhi lagaikhe.

YOHANES 7:19

Nen, wene Allah nen komotninafikhe wene andi, Musa nen lisu palogo wokhisasikhe lek nogo? Arenat wokhisasikhe anggigi. Meneat he, ap hit mene ekhe nen, wene andi higithogo hilingiti'lek logolik an noasuageluk weim abok ikhi lagep andi nenahalok?” iluk yagaisasikhemo,

YOHANES 8:54

aren he, mel yagaisasikhe: ”An nonggwaregen fogerakhikhi logoilema re, we tulemat fogerakhikhi logoile o. Athe, an neisena ebe nelu mene andi, hiren, at ebe futfigi'lek logolik, nit nineisena Allah iluk ikhi lagep a'nogo, at ebe nenat, fogetnabi'logo. An nen, At ebe nonggot, iluk ilema re, hit hinera nen ikhi lagep hagat ile o. Menere, at ebe nelu andi nen he, at ane hologo hilingiti lagi o.

YOHANES 8:58

aren he, mel yagaisasikhe: ”An nane eberogo yagahisago. Ap Abraham andi ebe oan ta'lagi'lek werek kwelek, an netok mondogat welagirego,” iluk yagaisasikhe

FILIPI 2:6

At ebe re, Allah meneat logolik, endawimo nen he: ”An Allah ninom higithogo welagi yi, yi higirat mondok logogin,” iluk anggigi'lek,

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,

WAHYU 22:3

Nen, attak Allah nen afuni inom, yi mene ti mene inom, homan fisasikhe mene a'nogo wokhasikhemo andi nen he, hobuk o andi homan oba kotemo welaga higi. Allah inom, Domba Eak inom, emberek kain welagaikharek inobulu'mo a'nogo, o kota andoma tulem werek kwelek, it afuni Allah amingmingengge mene inendawinggen at oba eberogoat himbirik logolik, at faget hilingiti logogun isigi.