YOHANES 5:16 - Allah Wene Fano Wene Hupla Inane

¹⁶ A'nogo yagaisasikhemo re, it afuni Yahudi mene inenggi sabit oba Allah faget weat werek kwelek, Yesus nen ap a'nogo ou fano higitikhe andi nen, at Yesus ebe weaget fouwogeluk isukwa.

YOHANES 5:16 ပူးပေါင်းရင်းမြစ်များ

MATIUS 12:13

A'nogo yagaisasikhesik he, ap a'nogo mel yagatikhe: ”Henggi pisathan,” iluk yagatikhemo, enggi a'nogo pisat hugunem he, enggi fenakwe emberek higirat fano mondok agaikhe.

MARKUS 3:6

Enggi a'nogo higiret fesikhemo re, it ap Farisi mene omanogo wulifukwasik weak-weagat Herodes agoromi inoba lagaukwasik he: ”Yesus ninggi'nogo wasuok,” iluk inom weim abok isukwa.

LUKAS 6:11

A'nogo higitikhemo, it ap Allah ane lisu palek inelu mene omanogo inom, it Farisi mene omanogo inom, ina'mage hokho mene lagasukwasik he, ”At Yesus ninggi'nogo hilingisuok he,” iluk, it-it abok palhi lagaukwa.

YOHANES 1:19

At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.

YOHANES 10:39

iren he, at Yesus ebe fakfouwogeluk isukwa meneat he, inenggi nen hap waregengge lagaikhe.

YOHANES 15:20

Nen, ap kain ekhe inawe a'ma hak werek kwelek, at amingmingengge mene esin hak welagarek lego, iluk yagahisasigi a'nogo hinendawimo ebe'ni o. Iren an weagetnafa halok he, hit a'nogoat weaget hinabugun aro. Nen iren an nane hologo hilingita halok he, hit hinane hologo hilingisugun aro.

YOHANES 5:10

A'nogo weat werek kwelek higitikhemo lagunem he, it ap kaindek Yahudi mene nen ineilenggen hasukwasik he, ap ou kerat fano aga mene a'nogo mel yagatukwa: ”Nagot yi. O yogondak he, ninenggi sabit oba Allah faget weat logolik, hat halit andi waluk la lek mene waluk laga lagen o,” iluk yagatukwa.

YOHANES 5:13

at Yesus inebe hokhorogo welagaukwa mene omanogo inanggele'ma longgosikhemo re, ap oba ou fano higitikhe mene a'nogo nen he, ”Sa nen higitnafesik yaganete heat,” iluk obakhe palagaikhesik welagaikhe.

YOHANES 5:15

A'nogo yagatikhemo, at ap a'nogo it ap kaindek Yahudi mene inoba lagaikhesik he, wene mel yagaisasikhe: ”Ap an ou higitnafe igi a'nogo re, Yesus nenat higitnafemo o,” iluk yagaisasikhe.

YOHANES 5:17

A'nogo isukwa meneat he, at Yesus nen wene mel yagaisasikhe: ”An neisena enggi ekhe kamo igi'lek, o yogondak yi inomat hilingnafu mondok welagarek hak, an a'nogoat higirinafu welagi o,” iluk yagaisasikhemo,

YOHANES 5:18

it ap kaindek Yahudi mene omanogo nen inenggi sabit oba Allah faget weat logolik, Yesus nen ou higisu lek mene higitikhe andiba nek ebe wasuogeluk isukwa fuk. Athe, aren, ”An nebe Allah nemberek higit,” u hak he, ”An neisena ebe Allah aro,” iluk isikhe andi nen ebe wasuogeluk ebenagai'mo weim abok isukwa.

YOHANES 7:21

at Yesus nen mel yagaisasikhe: ”An nen he, ninenggi sabit oba Allah faget weat logolik elalin hilingisu lek mene misigam hilingiti mene re, hit mondogaren he, eige! iluk hinailo agep andi.

YOHANES 7:25

At Yesus nen wene a'nogo yagaisugu were'ma, it afuni o Yerusalem mene inebe fena nen mel ikhi lagaukwa: ”Ap wasugun iluk abok pali'lagwi a'nogo, ebe ari lek nogo? Ebe ari aro.