YOHANES 5:13 - Allah Wene Fano Wene Hupla Inane

¹³ at Yesus inebe hokhorogo welagaukwa mene omanogo inanggele'ma longgosikhemo re, ap oba ou fano higitikhe mene a'nogo nen he, ”Sa nen higitnafesik yaganete heat,” iluk obakhe palagaikhesik welagaikhe.

YOHANES 5:13 ပူးပေါင်းရင်းမြစ်များ

LUKAS 24:31

A'nogo hilingitunem, it aremnogo weak-weak ineil afumak salagaikhe mene selek agaikhesik he, enegat futfesukwa. Enegat futfesukwa meneat he, at ebe it inanggele'ma nen ka laga heat longgosikhe.

LUKAS 4:30

A'nogo isukwa meneat he, at Yesus it omanogo herakfisaluk inanggele'ma nen siakhogo lagaikhe.

YOHANES 14:9

at Yesus nen he, mel yagatikhe: ”Filipus nagore. An o endamat a'lima nenat ninom welago meneat he, haren an nebe futnobabagagi'lek welagenma higi, i a? At sa nen an eilenggen niikhe andi re, An Neisena eilenggen hikhe o. A'nogo meneat he, haren, Heisena andi yaganisan o, iluk egen andi ninggi'nogo nen egen.

YOHANES 5:12

iren heinok oba wokhikhi logolik he, ”Ap andi sa nen, halit helaluk lan, iluk yagahete,” iluk oba heinok wokhasukwa meneat he,

YOHANES 5:14

A'nogo hilingitukwasik oba nen, hobuk at Yesus Allah awi wuri'mo ap a'nogo emberek ambi agaukwasik he, mel yagatikhe: ”Neisena. Yogondak hat hoba arat fano agen andi re, hobuk weak hokho mene ekhe hoba asinogo nen he, weak mene ekhe hilingitun o,” iluk yagatikhe.

YOHANES 8:59

A'nogo yagaisikhi lagaikhemo, it ap omanogo nen he, at Yesus ebe wasuogeluk helep inenggimo wanhukwa meneat he, Yesus ebe hina'lagaikhesigen, o Allah awi wuri'mo herakfuluk ale'ma lagaikhe.