YOHANES 4:41 - Allah Wene Fano Wene Hupla Inane

⁴¹ Yesus inom andoma logolik, attak inebe endebat hak inendawinggen at oba himbiret fesukwa meneat he, hobuk wene at ebe nen yagaisugunem, inesanggo holhukwasik he, inebe mondok hokhorogo inendawinggen at oba himbiret fesukwasik.

YOHANES 4:41 ပူးပေါင်းရင်းမြစ်များ

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

LUKAS 4:32

Yagaisikhi logolik, wene ebe eisewerek mene nen agarek hak ugunem en, it omanogo nen he, ”Nailo e!” iluk fogerati lagaukwa.

YOHANES 4:40

A'nogo eberogoat himbiret fesukwasigen hobuk Yesus oba wulibi wagaukwasik, mel yagatukwa: ”Hat ninom yoma logouwogo,” iluk fakfesukwama, inom andoma inenggi pire welagaukwa.

YOHANES 4:42

he a'nogo mel yagatukwa: ”Yogondak nit ninendawinggen at oba himbiret fogo yire, wene haren yaganisegen andiba nek ninendawinggen at oba himbiret fogo fuk. Lego. Athe, at ebe nen wene yaganisugunem ninonggwaregen ninesanggo tomok holhik, afuni kweangma mene mondogat telninaferek mene ebe yi aro, iluk futfuluk ninelu agik, ogo andiba nen ninendawinggen at oba himbiret fogo aro,” iluk yagatukwa.

YOHANES 6:63

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

YOHANES 7:46

iren he, mel yagaisasukwa: ”Eige! Wene aren ili'logo andi hak he, it ap ekhe nen wene a'nogo ugunem isogorek lek meneat he, aren wene hunogoat ili'logo andi nen ebe herakfogo o,” iluk, yagaisasukwama re,

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 15:3

It Allah againafuri nen a'nogo isukwasik lakfisasukwama re, o andoma nen he, Fenisia nen, Samaria nen, laga logolik he, mel yagaisilik lagaukwa: ”It afuni endakwe mene inobabut hebelarik inelokhe Allah wogotama o,” iluk yagaisilik lagunem, it Allah againafuri andoma mene inendawimo inagaiyek hokhorogoat agaukwa.

KISAH PARA RASUL 8:12

A'nogo meneat he, at Filipus nen fano wene Allah nen awe a'ma fisikherek wene andi yagaisigik, Yesus Kristus enu andi yagaisigik, fano wene andi ikhi lagaikhemo re, afuni omanogo nen he, ”Wene andi eberogoat,” iluk wanhu mene halok, ap inom, hemi inom, ima pelaginafi lagaikhe.

KISAH PARA RASUL 8:25

A'nogo yagaisasikhemo, it Petrus Yohanes emberegen he, wene fano wene furogo yagaisikhi lagaukwasik, o andoma nen he, fano wene andi, o Samaria o sili yi awi ti awi hokhorogoat yagaisilik, inambotkwe o Yerusalem lagaukwa.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.