YOHANES 4:40 - Allah Wene Fano Wene Hupla Inane

⁴⁰ A'nogo eberogoat himbiret fesukwasigen hobuk Yesus oba wulibi wagaukwasik, mel yagatukwa: ”Hat ninom yoma logouwogo,” iluk fakfesukwama, inom andoma inenggi pire welagaukwa.

YOHANES 4:40 ပူးပေါင်းရင်းမြစ်များ

KEJADIAN 32:26

A'nogo watikhesik mel yagatikhe: ”O arat wei igin mo re, henggi oboget nean o,” iluk yagatikhemo, at Yakub en he, ”Noe, afuni nen munggwarengge wogisagarek hak, haren an fanotnafen halok enek he, oboget heagain o,” iluk yagatikhe.

AMSAL 4:13

An nen yagahetunem helikhi lagen mene andoma hundik-handik ebeti logoino. Komo wene andoma furogo kagalek logogin halok he, wene fano mene andoma nen heluk werek aple faget elok lebethiikhi logogin.

KIDUNG AGUNG 3:4

Iluk heinok wogisigi oba nen welagi'legat an nendawinggen hundik mene a'nogo herakhigi. Herakhigirik an nen nenggi pukhogo fagaisogo, oboget higi'lek waluk he an nagaisa nebe ta'nafe mene awiloba hondok haluk lagi.

YEREMIA 14:8

Nineisena Hat he Israel inaben ninendawinggen hoba himbirik menere we Hat hami hamuat welagen o, nit wa'lasu hak were'ma telninafendek menere we Hat amu welagen. Oba nen Hat he nenahalok nit ninanggweang oba yoma ap pok mene higit welagen nogo? Hat he ap o ekhema lagaikharek mene nen hup inenggi misik nogoluk lagaikharek hak hilingiti lagen andoma re nenahalok nogo?

LUKAS 10:39

At Yesus, he Marta andi agot enu Maria emberek were'ma kwisikhemo, he Maria a'nogo Yesus awe a'ma logolik ane esanggo hologo welagaikhe.

LUKAS 24:29

A'nogo hilingitikhemo re, it ap aremnogo nen he, mel yagatukwa: ”Ah! O hubasigeluk, mo arat kobok ikhe yoma re, ninom yoma nogo uogo,” iluk, fakfesukwama re, inom nogo uogeluk oloba kwisukwa.

LUKAS 8:38

Wesigeluk ugunem he, ap munggwarengge inobabut weak mene endawimo kwisikhemo henegeisogo wulafikhe mene a'nogo nen, mel isikhe: ”Noe. Nemberek nikhi logouwogen, louwogo,” iluk, ane elagaik ane Yesus yagatikhemo, at Yesus nen he, ”Lego,” iluk aiba lakfikhi logolik he,

YOHANES 4:39

Nen, at he a'nogo oloba kwisikhesik, wene mel yagaisasikhe: ”At ap andi nen, an yi hilingitik, ti hilingitik, hilingiti lagi mene mondogat fakhogo yaganete,” iluk yagaisilik nikhi lagaikhe andiba, afuni o Samaria mene andoma inebe hokhorogo inendawinggen Yesus oba eberogoat himbiret fesukwa.

YOHANES 4:41

Yesus inom andoma logolik, attak inebe endebat hak inendawinggen at oba himbiret fesukwa meneat he, hobuk wene at ebe nen yagaisugunem, inesanggo holhukwasik he, inebe mondok hokhorogo inendawinggen at oba himbiret fesukwasik.

YOHANES 4:43

At Yesus enggi pireba andoma inom welagaukwasik he, o Galilea arat lagai wagaikhe.

KISAH PARA RASUL 16:15

Wene a'nogo wanhikhemo re, at ebe inom, it afuni at aiba misi'mo welagaukwa mene inom, ima pelaginafukwa. Pelaginafukwama, at Lidia nen he, ”An faget hit hinendawimo nen, at endawinggen Tuhan oba eberogoat himbiret fikhe higi, iluk hinendawimo anggegep halok he, an ninom logouwogen, ninom louwogo,” iluk ane ninghogo yaganisasikhemo re, ninom lagagu.

KISAH PARA RASUL 8:8

A'nogo hilinginafunem he, it afuni o Samaria mene andoma, inendawimo inagaiyek hokhorogo hikhi lagaukwa.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.