YOHANES 4:39 - Allah Wene Fano Wene Hupla Inane

³⁹ Nen, at he a'nogo oloba kwisikhesik, wene mel yagaisasikhe: ”At ap andi nen, an yi hilingitik, ti hilingitik, hilingiti lagi mene mondogat fakhogo yaganete,” iluk yagaisilik nikhi lagaikhe andiba, afuni o Samaria mene andoma inebe hokhorogo inendawinggen Yesus oba eberogoat himbiret fesukwa.

YOHANES 4:39 ပူးပေါင်းရင်းမြစ်များ

MATIUS 10:5

At Yesus nen it ap inebe 12 nen andi sumburogo lakfisageluk he, yi'nogo komorinafikhe: ”It afuni endakwe mene inawilokwe lagubo. Nen, it afuni o Samaria mene inawilokwe laluk kugubaro.

YOHANES 1:37

agoromi inebe pire aremnogo wene ane yagaisasikhe mene inesanggo holhukwasik he, Yesus ombo'ne lagaukwa.

YOHANES 11:45

A'nogo hilingitikhemo, it afuni Yahudi mene inebe hokhorogo Maria oba wagaukwasik welagaukwa mene omanogo, at Yesus nen hilingitikhe mene andi ineilenggen hasukwasik he, it fena hokhorogoat inendawingen Yesus oba eberogoat himbiret fesukwa.

YOHANES 4:29

”Ap ekhe nen an yi hilingitik, ti hilingitik, hilingiti lagi mene mondogat fakhogo mondok yaganete mene ebe andem hak werego. At ebe Kristus Allah nen telninabigeluk lakfei wesigin a'nogoat he a? Hunogoat he a? Hineilenggen hobagaigen we'ni o,” iluk yagaisilik lagaikhe.

YOHANES 4:30

A'nogo yagaisilik lagaikhemo, it afuni omanogo o sili hokhoma andoma herakfuluk wulibi wagaukwasik he, Yesus ebe ha wesuogeluk wagaukwa.

YOHANES 4:38

It ekhe nen yabu seget hokhorogo hilingita mene, hiren segetlegat enggen palubagaigeluk hinayonggo fuluk lak hinobagagi andi. Iren set kwil-kwalogo ebe weinamet faga mene hiren enggen palhi logobagaigeluk lak hinobagagi o,” iluk yagaisasikhe.

YOHANES 4:40

A'nogo eberogoat himbiret fesukwasigen hobuk Yesus oba wulibi wagaukwasik, mel yagatukwa: ”Hat ninom yoma logouwogo,” iluk fakfesukwama, inom andoma inenggi pire welagaukwa.

YOHANES 4:42

he a'nogo mel yagatukwa: ”Yogondak nit ninendawinggen at oba himbiret fogo yire, wene haren yaganisegen andiba nek ninendawinggen at oba himbiret fogo fuk. Lego. Athe, at ebe nen wene yaganisugunem ninonggwaregen ninesanggo tomok holhik, afuni kweangma mene mondogat telninaferek mene ebe yi aro, iluk futfuluk ninelu agik, ogo andiba nen ninendawinggen at oba himbiret fogo aro,” iluk yagatukwa.

YOHANES 4:5

Lagai waga logolik, o Samaria o sili ekhe enu Sikhar horokhogo kuogeluk kweang ekhe ap Yakub en attagat amlogo Yusuf wogetikheba andoma lagai wagaikhe.