YOHANES 4:38 - Allah Wene Fano Wene Hupla Inane

³⁸ It ekhe nen yabu seget hokhorogo hilingita mene, hiren segetlegat enggen palubagaigeluk hinayonggo fuluk lak hinobagagi andi. Iren set kwil-kwalogo ebe weinamet faga mene hiren enggen palhi logobagaigeluk lak hinobagagi o,” iluk yagaisasikhe.

YOHANES 4:38 ပူးပေါင်းရင်းမြစ်များ

2 TAWARIKH 36:15

It inambu inomba ineisena Tuhan Allah a'nogo nen he it inoba inom, At awi wurik a'nogoba inom, endawi hundik hilinginafu logolik he, it At againafuri omanogo ineluerinabi loageluk he Aren hundik-hundik inayonggo fuluk lakfisikhi lagaikhe.

YEREMIA 44:4

An nen he, hit hinoba hundik-handik ap An namingmingengge nabi omanogo inayonggo fuluk lakfisa wagunem, iren hit hinaniniba mondok hilingiti lagep mene An nabit anggigirek mene andoma a'nogo hilingitu lego, iluk yagahisikhi lagaukwa.

MATIUS 4:23

Lagaukwama re, at Yesus o Galilea tonggwe olokwe lombok andoma nikhi logolik, afuni Yahudi mene samban agarek oba kwisikhesik he, wene fano wene hobuk nineisena Enupogot awe a'ma ninobagagin wene a'nogo yagaisigik, yi ou ti ou fano higirinafik, ikhi lagaikhe.

YOHANES 17:18

Haren an nebe afuni kweangma mene inoba laknobagai wagagin a'nogo hak, an nen it a'nogoat afuni kweangma mene inoba lakfisigi o.

YOHANES 4:37

Wene yi re, inane lagokhogo ikhi logolik, at ekhe nen awi yatik, at ekhe nen enggen palhik, agarek iluk ili'lagwi andi eberogo aro.

YOHANES 4:39

Nen, at he a'nogo oloba kwisikhesik, wene mel yagaisasikhe: ”At ap andi nen, an yi hilingitik, ti hilingitik, hilingiti lagi mene mondogat fakhogo yaganete,” iluk yagaisilik nikhi lagaikhe andiba, afuni o Samaria mene andoma inebe hokhorogo inendawinggen Yesus oba eberogoat himbiret fesukwa.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

KISAH PARA RASUL 4:32

It wene eberogoat iluk wanhukwa mene andi, inebe hokhorogoat he, inendawinggen misigat welagaukwa. Logolik he, inagarek yi mene ti mene mondogat, ”Yi an mene,” iluk igi'legat he, ”Ninebe mondogat ninagarek mene,” iluk, ikhi lagaukwa.

KISAH PARA RASUL 4:4

A'nogo meneat he, it Petrus Yohanes emberek a'nogo oan kwelakfisigi'lek werek kwelek, afuni yagaisasukwama inesanggo holhukwa mene omanogo inebe hokhorogoaren, ”Wene andi eberogoat,” iluk wanhukwama re, it attak mene inom, hobuk mene inom, lambukhogo, ap enek inenggi wenaginafunem 5.000 hangge hilinglagaikhe andi.

KISAH PARA RASUL 5:14

Werek kwelek he, it Allah againafuri hilinglagaukwa mene were'ma re, it ekhe ap inom, hemi inom, inendawimo nen he, ”Ninoe Tuhan Yesus eberogoat,” iluk inendawinggen at oba himbiret fuluk, it inom lambukhogo inebe mondok hokho aga lagaukwa.

KISAH PARA RASUL 6:7

A'nogo hilingiti lagaukwama re, Allah ane hokho aga logolik, afuni o Yerusalem mene Yesus ane wanhukwa mene inebe hokhorogoat hilinglagaukwa. A'nogo hilinglagunem, it ap Allah ane eisewerek mene omanogo inebe esa hokho nen, wene andi wanhukwasik inendawinggen Yesus oba himbiret fesukwaat.

2 KORINTUS 10:15

Allah nen a'nogo nineabu huli warogo wo'nisasikhe mene sebelogo fuluk afane laluk he, it ekhe hilingita mene, an hilingiti halok fogerakhikhi lago lego. Hit hinendawinggen Allah oba eberogoat himbiret fikhi lagep mene andi ekhe inomat wurik agunem he, o hit werekwe Allah nen huli warogo nit wo'nisasikheba, yabu hokhorogo hilingiti logogun anggikhi lago.