YOHANES 4:32 - Allah Wene Fano Wene Hupla Inane

³² A'nogo yagatukwa meneat he, at Yesus nen mel yagaisasikhe: ”Sumburu an mene werek meneat he, ebe ki mene he, hit hinonggoro,” iluk yagaisasikhemo,

YOHANES 4:32 ပူးပေါင်းရင်းမြစ်များ

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

MAZMUR 119:103

Hat hane andi re enduk mondok mitsekma re, kin amusu enduk we endep harek hak oba nen andi nek he enduk mondok fano mit-mirengge o.

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

MAZMUR 63:5

An nebe neluk logolik he, hat fogethafu mondok welagi o. An nen nenggi hoba liakfuluk, samban hayonggo fikhi lagi o.

AMSAL 14:10

Inendawinggen heiselek mene inom, inagaiyek werek mene inom inendawimo hinago were'ma, ap amu mene nen isa lek hak.

AMSAL 18:20

Afuni inane agarek mene andi re inonggwarek ambisangma houwogelugat agarek.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YOHANES 4:31

Ha wesuogeluk oan wagu kwelek, Yesus agoromi ane wanhi lagaukwa mene omanogo nen, at mel yagatukwa: ”Guru noe. Hat sumburu tak nan o,” iluk yagatukwa.

YOHANES 4:33

at agoromi ane wanhi lagaukwa mene omanogo nen it-it heinok wanhi logolik he, mel isukwa: ”Afuni nen yi mene ti mene ekhe at noageluk wogosi wagaikhama nen ikhe he a?” iluk isukwa.

YOHANES 4:34

A'nogo isukwama at Yesus nen he, mel yagaisasikhe: ”At an laknobagai wagaikhe mene a'nogo endawimo anggikherek mene higithogo hilingiti lagi andi inom, an hilingisuageluk nayonggo fesikhe mene andi elugun warogo katokhogo hilingisigeluk ikhi lagi andi inom, an namburu re, andi aro.

KISAH PARA RASUL 20:35

Wene ninoe Tuhan Yesus onggwaregen mel yaganisasikhe andi: It afuni ekhe nen wokhisugunem helaluk hinendawimo agaiyek hakhogoin elo'lego. We, athe, hit hinonggwaregen it ekhe wogisikhi logolik hinendawimo agaiyek hakhogoin o, iluk yaganisasikhe andi ninendawimo eberek logolik he, an nen it ekhe inomame lek mene leberisikhi lagi andi, hiren futnobagambik an nobabut waganogo hinenggi omamerogo leberisikhi logobagaigeluk hinelurogo hilingiti lagi andi,” iluk yagaisasikhe.

WAHYU 2:17

Wene yagaisigi andi, Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin mene halok, sumburu enu manna hinago mene melagatik, enu ket mene salogo helep mola meneba lisu palogo wogetik, igin o. Enu palek andi re, it ekhe inonggot. We, at enu lisu palek helagain mene andi nek elu asigin mene wogosigin, iluk mondogat yagaisigi mene andi, lisu palogo inoba lakfeino o,” iluk yaganete.