YOHANES 4:29 - Allah Wene Fano Wene Hupla Inane

²⁹ ”Ap ekhe nen an yi hilingitik, ti hilingitik, hilingiti lagi mene mondogat fakhogo mondok yaganete mene ebe andem hak werego. At ebe Kristus Allah nen telninabigeluk lakfei wesigin a'nogoat he a? Hunogoat he a? Hineilenggen hobagaigen we'ni o,” iluk yagaisilik lagaikhe.

YOHANES 4:29 ပူးပေါင်းရင်းမြစ်များ

MATIUS 12:23

A'nogo hilingitikhemo re, it afuni era'lu andogorek welagaukwa mene omanogo nen fogerati logolik, ”Eigi! Daud amlogo wesigin iluk ikhi lagaukwa a'nogo ebe yi he a,” isukwa.

YOHANES 4:25

A'nogo yagatikhemo, at he a'nogo nen he, mel yagatikhe: ”Afuni telninabuageluk Allah nen kain enu Kristus andi lakfei wesigin. Lakfei wagunem ebe wesimbik he, yi wene ti wene mondogat nit yaganisikhi logogin iluk an nelu o,” iluk yagatikhe.

YOHANES 4:28

A'nogo kamo isukwasik werek kwelek, at he a'nogo agaiwak andoma hebisaluk he, fungusek o sili hokhoma kwisikhesik afuni andoma mene wene mel iluk yagaisilik nikhi lagaikhe.

YOHANES 4:30

A'nogo yagaisilik lagaikhemo, it afuni omanogo o sili hokhoma andoma herakfuluk wulibi wagaukwasik he, Yesus ebe ha wesuogeluk wagaukwa.

YOHANES 4:39

Nen, at he a'nogo oloba kwisikhesik, wene mel yagaisasikhe: ”At ap andi nen, an yi hilingitik, ti hilingitik, hilingiti lagi mene mondogat fakhogo yaganete,” iluk yagaisilik nikhi lagaikhe andiba, afuni o Samaria mene andoma inebe hokhorogo inendawinggen Yesus oba eberogoat himbiret fesukwa.

YOHANES 7:26

Meneat he, ebe yethani! Nailo e. Ailo legat logolik, wene yaganisugunem iren wene onggo yagati'legat kamo ili'lagwi yi. It ap ninogogwi kaindek yoma inendawimo nen he, Kristus nit afuni telninabuageluk Allah nen lakfei wesigin iluk isikhe a'nogo ebe ariat, iluk inendawimo anggagasigen hilingiri'lagwi he a?

YOHANES 7:31

It ekhe nen fakfouwogeluk ikhi lagaukwa meneat he, it afuni hokhorogo omanogo inebe fena hokhorogoat inendawinggen Yesus oba eberogoat himbiret fesukwasik mel isukwa: ”Ap ari elalin mene hilingite andi re, elo'lek anggegep? Nen, afuni telninabuageluk Allah nen lakfei wesigin isikhe a'nogo wesimbik he, ebe futfouwageluk elalin mene hokhorogoat hilingisigin nogo? Lego,” iluk isukwa.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

1 SAMUEL 9:19

Heinok a'nogo wokhugunem, ”Heinogengge andi, an nebe yi aro. O yogondak hit sumburu an ninom nambik, ohealek hubet siakhogo hit wene mondogat heinok wo'neogoin mene andi onggo yagahisugunemen, hinambotkwe lobagaigen he, o punuba Allah faget hilingisugun oba andoma hit tak lagakhi logoni o. An hinombo'ne lagai wesigin.