YOHANES 4:24 - Allah Wene Fano Wene Hupla Inane

²⁴ Allah ebe re, Areagun mene andi nen he, at fogerasuageluk Areagun inom hundik logolik eberogoat fogerasugun meneat fogerasugun o,” iluk yagatikhe.

YOHANES 4:24 ပူးပေါင်းရင်းမြစ်များ

MAZMUR 145:18

At he afuni At enu hombuk palharek mene inom, nen inendawinggen sebel fakhaluk kino yagatarek mene inom, inoba horokhogo werek.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

MAZMUR 51:17

Neisena Allah, an naneba fogethafi logoigen he, Haren an nambe hutfein o.

MAZMUR 66:18

An nen weak hilingitarek awene nek nagaiyek haluk nendawimo wenggelhi logoilema nen he, ibi-eberogo nen At Tuhan nen esanggo holilep lego.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YOHANES 4:23

A'nogo Allah fogeratorek meneat he, it afuni nen hobuk Allah fogerati logolik hunogoat negen fogerasugun mene weregaro. At Allah endawimo nen he, An Nareagun en, Allah ebe andi hangge, iluk yagaisugunem higithogo eberogoat fogetnafi logouwak, iluk, anggikherek andi nen he, yogondak ya nen a'nogoat fogerati logogun o.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

2 KORINTUS 3:17

”Ninoe Enupogot,” iluk igi andi re, Allah Areagun fageraro. Afuni ninoe Enupogot Areagun inendawimo were'ma re, hele fikhalek inale'ma welagaikharek andi.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

1 TIMOTIUS 1:17

Nineisena kain Enupogot Allah andi alegaro. At ebe nineilenggen hogorek lek. Walhasikhe etok mondok welagarek mene andi aro, iluk, fogeratik, hai watik, ugu mondok logouwogo, iluk, ”Amin,” igi andi.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.