YOHANES 4:20 - Allah Wene Fano Wene Hupla Inane

²⁰ Nen, nit ninambu ninombalagen he, tom yiba logolik Allah fogerati lagaukwa meneat he, hit Yahudi mene nen he, Allah o wele'ma fogerati lagaukwa lek. We, o Yerusalem andomaat fogerasugun o, iluk ikhi lagep andi,” iluk a'nogo yagatikhemo,

YOHANES 4:20 ပူးပေါင်းရင်းမြစ်များ

1RAJA-RAJA 9:3

mel yagatikhe: ”Haren samban noba yaganeten mene andi, hane An mondogat nesanggo holhiri'mo re, o haren an nawi wuten oba yi re An nonggwarek nobaget hilingitu mondok logogun oba hilingisogo figi o. Andi nen he, An nen o yi serogo logolik, tegelhu mondok logogin o.

1 TAWARIKH 21:26

A'nogo palhikhesik he, at Daud en aremnogo Tuhan obaget wam warogo nolhuba misik ekhe wutikhesik, aren wam noletu mene a'nogo inom, lambulogo fisugu mene iluk a'nogo inom, warogo nolhikhe. A'nogo hilingitikhesik he, aren samban isikhemo, samban isikhe mene a'nogo Tuhan en onggo re endu pogoroba nen wam warogo nolek oba a'nogo pelabi wagaikhemo re, wam warogo nolek mene omanogo mondogat endu nasikhe.

1 TAWARIKH 22:1

A'nogo logolik, at Daud en ikhi logolik he, ”O Tuhan Allah Awi andi re, obalik arem at wusugun o. Nen, mezbah yiba re afuni Israel mene nen ineisena Tuhan obaget wam warogo noleti logogun o,” iluk yagaisasikhe.

2 TAWARIKH 7:12

o hubanggo nekhengge At Tuhan Salomo oba weinam asi wagaikhesik, yagati logolik he, ”Haren samban egen mene andi re An mondogat nesanggo holhi, nen o yire enogo An nobaget wam yi mene ti mene warogo nolnesi waguba iluk An mondogat heligi o.

2 TAWARIKH 7:16

O yi re An nen, it afuni nen wene kabogeti logogun oba, iluk wenatirik enogo figimo re, mondogat andi re An nen hilingiti logogin. Mondok-mondok andomaba re An nen fut figik, halogo figik, hilingitu logogin.

MAZMUR 132:13

Tom Sion oba andoma Tuhan hebe logogin oba iluk, wenagaisogo fakhasigin andi nen he, wene yi'nogo waretigin andi.

MAZMUR 78:68

We Aren he it afuni inunggulenu Yehuda mene inom, nen Punu Sion At endawi hundik mene a'nogo inom enek wenakhasikhe.

YESAYA 66:1

Nineisena Tuhan nen he mel ikhe: ”Pogot andi An nebe hurek welagirek oba o. Nen, kweang he neisok sebelek welagirek oba. Andi nen he, hiren An nawi ninggi'nogo mene ekhe wurogo nobagagun nogo. Nen, An nebe logouwageluk obalik ninggini'mo ekhe nobagagun?

LUKAS 9:53

A'nogo kwisukwama re, afuni o Samaria mene nen, at Yesus o Yerusalem pigeluk pi waga, iluk obabut enegat palhukwasik he, at ebe wanhi'lek herakfisasukwa.

YOHANES 4:12

I yi nit ninomba kain Yakub en habulhikhesik, at ebe inom, againafuri inom, anggo inom, ninggi lagaukwasigen, nit hobuk ninggi logouwageluk wo'nisasikhe mene andi, hat hendawimo nen he, At ebe elo'lek hak. Nen, an enek he, nebe kain, anggegendigen egen a? iluk yagatikhe.

ULANGAN 11:29

Hit he neisena Tuhan Allah nen hinebe mondogat o kweang logogun oba omanogo wokhinarek kwi lagu halok he, fanoabet hinobagauwageluk andi re Tom Gerizim oba nen hinaneba ino, nen homan andi re Tom Ebal oba nen ino.

ULANGAN 27:12

”Hit i Yordan mondogat palogo wulibi lambik afuni yi inaiba fanotfisikhi logolik he, it ap Simeon inap inom, Lewi, Yehuda, Isaskhar inap inom, Yusuf Benyamin inap inom, inebe seberogo Tom Gerizim oba mendek logolik inane ugun o.