YOHANES 4:15 - Allah Wene Fano Wene Hupla Inane

¹⁵ A'nogo yagatikhemo, at he a'nogo nen he, mel yagatikhe: ”Noe. An i nele nen i yi hinasi wagi'lek logoigen he, i haren egen andi wo'nom o,” iluk kino yagatikhe.

YOHANES 4:15 ပူးပေါင်းရင်းမြစ်များ

MAZMUR 4:6

Tuhan faget fano mene nek wogosi we'luk, hinendawinggen At oba tibet fuluk logoni.

YOHANES 4:16

A'nogo yagatikhemo at Yesus nen he, mel yagatikhe: ”Hat hagun hemberek yoma wesubagaigen he, wolha lan o,” iluk yagatikhe.

YOHANES 6:26

Aren he, mel iluk yagaisasikhe, ”An nebe futnobagauwageluk elalin mene hilingitunem hineilnggen neegep a'nogo nen hera'nabik wagep fuk. Lego. Sumburu roti mene sumburogo wokhisigimo hinalabut ninghogo nenggep a'nogo nenat hera'nabik wagep hisigi o, iluk eberogoat yagahisigi.

YOHANES 6:34

A'nogo yagaisasikhemo, iren he, mel yagatukwa: ”Noe sumburu andi mene wo'nisikho mondok logoino,” iluk yagatukwama,

YOHANES 6:35

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

ROMA 8:5

It ekhe nen afuni inobabut inetogat logolik hilingitarek mene inobabut wili'lagwi mene andi, inendawimo re wene afuni nen anggagarek meneat oba ebetarego. Nen, it ekhe nen Allah Areagun obabut wili'lagwi mene re, inendawimo wene Allah areagun nen anggikherek meneat oba ebetarego.

1 KORINTUS 2:14

Wene Allah Areagun en wo'nisikherek wene andi re, it afuni Allah Areagun inendawimo werek mene nek futfagarek andi nen, it afuni inobabut inetogat logolik, futfagarek lek. A'nogo futfagarek lek andi re, iren he, ”Wene andi afuni kembu mene nen agarek hangge ili'lagwi,” iluk agarek andi nen, wene andi futfigi'lek werego.

YAKOBUS 4:3

Nen, ekhe Allah kino yagati lagep meneat he, hinonggwarek faget enek hinendawimo nen nunggunem helouwogeluk kino u lek mene yagati lagep andi nen, wokhisili'logo lego.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.