YOHANES 4:14 - Allah Wene Fano Wene Hupla Inane

¹⁴ i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

YOHANES 4:14 ပူးပေါင်းရင်းမြစ်များ

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

YESAYA 55:1

Tuhan nen ikhi logolik, ”Hit hinebe mondogat i nelethinabi'lago mene andoma re, i foukhogo werek enggere na we'ni o. Hit hinauang lek mene re we'ni o, gandum we onggolek hela wesimbik na we'ni! Anggur inom amusu inom foukhogo werek enggere, weat hela we'ni o!

YESAYA 58:11

Kweang iringikwe andoma lagunem An nen hit wokhinarek lagik, hinoba homorogo hilinghinobagagik, ikhi logogin. Hit hinebe fanorogo nek logolik hinomamerogo logouwageluk halogo hinobagakhi logogin. Hit he yabu yagokwe i higithogo were'ma hak, nen i elesi firitok ikherek lek mene hak hilingik logogun.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

YEREMIA 31:25

It inoba lebelekhogo werek mene re An nen inoba fisokhogo hilingfisikhi logogin, nen sumburu nele nen inomame lega'luk werek mene re An nen inoba homot fisikhi logogin.

YEHEZKIEL 47:9

I andi we koma kwe ogo lagunem he i som andoma re, yi mene ti mene hokho-pokhorogo inom ikan yinik hunik mene inom werek. Nen i Laut Mati andi mene ogore i andi nen enduk fano mene hilingfikhi logogin aro, nen i andi wulibi lagukwe andoma re inelugerinafi logogin.

IMAMAT 11:36

Yi mene ti mene amu mene re warek fili nen senhugu halok mondogat emetlaga logogin oba nen he, we i mogo inom nen i elesi agai mene inom enek he lek.

MATIUS 25:46

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.

MATIUS 5:6

Nen, afuni sumburu inom, i inom, nele anggagarek hak, Allah endawimo anggikherek mene esinet fuluk hilingisu inamolo mene andi, sumburu inalabut ninghogo nenggarek hak, hobuk Allah nen inendawimo fanorogo ebe mene wogisagain andi nen he, inendawimo inagaiyek hikhi logouwak.

YOHANES 10:10

Nen, it ap yogot wanharek mene wagaikharek andi, domba yogothinatik, inoatik, inebe mondok legetfisigik, hilingisuogeluk wagaikharek meneat he An wagagi andi nek he, it afuni yi mene ti mene hokhorogo oba heilarogo welagaikharek andi hak, inebe ineluk mondok logouwageluk inelugerinafunem, ebe mene oba heilarogo logouwageluk wagagi o.

YOHANES 11:26

Nen, afuni ineluk logolik inendawinggen an noba eberogoat himbiret fagarek mene nek inebe lombok wa'lagi'lek ineluk mondok logogun o. Wene andi eberogoat iluk futfegen a?” iluk yagati lagaikhemo.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

YOHANES 4:11

A'nogo yagatikhemo re, at he a'nogo nen he mel yagatikhe: ”Noe. Hat hagaiwak lek. Nen, i yi walek ma'limaat hilingi'mo. Haren i inelugerinaferek mene andi, koma mene hinagaisogo wo'nesigilugen egen.

YOHANES 4:13

A'nogo yagatikhemo, at Yesus nen he, mel yagatikhe: ”It afuni yi mene nogoin halok he, hobuk i nele asigin meneat he,

YOHANES 4:36

Ebe arat palhu halok he, ap ekhe awi yaterek mene inom, nen, ekhe enggen palherek mene inom, emberek inendawimo inagaiyek hoageluk, yogondak at ekhe enggen pali'logo mene andi onggo helili'logo andi ebe re, enggen palogo andogorogo fagarek hak, afuni ineluk mondok logouwageluk andogorogo fisili'logo andi aro.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

YOHANES 6:35

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

YOHANES 6:58

Nen, sumburu pogoroba nen pi wagaikhe mene yi re, hit hinombalak ninggi lagaukwa mene inebe wa'laga lagaukwa andi hangge re lek, meneat he, ap sa nen sumburu ebe mene yi nunggu halok, eluk mondok logogin o,” iluk yagaisasikhe.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

EFESUS 4:30

Allah nen hobuk hinebe fanothinabigeluk attagat Areagun wokhisasikhemo hinendawimo werek andi nen endawimo weagetfugubo.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

WAHYU 7:16

A'nogo fisamo were'ma, Domba Eak a'nogo Allah kain welagarek mene obuluk oba ebe tulem logolik, afuni nen wam konharek andi hak, it kwelaginarek mondok logolik, i afuni inebe inelugerinaferek mene noageluk, i elesimo woginarek lagik, Allah nen ineil amusu tetik, ikhi logogun andi nen he, sumburu inom, i inom, nele aga logogun mondok lego. Nen, mo nen inom, endu nen inom, aigen heinet wati logogin mondok legaro,” iluk yaganete.