YOHANES 4:11 - Allah Wene Fano Wene Hupla Inane

¹¹ A'nogo yagatikhemo re, at he a'nogo nen he mel yagatikhe: ”Noe. Hat hagaiwak lek. Nen, i yi walek ma'limaat hilingi'mo. Haren i inelugerinaferek mene andi, koma mene hinagaisogo wo'nesigilugen egen.

YOHANES 4:11 ပူးပေါင်းရင်းမြစ်များ

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

YOHANES 3:4

at Nikodemus nen he, mel yagatikhe: ”Ah! Afuni inalueba nen ninggi'nogo hobuk taginabu hak anggegen. Inagaisawi inalabutmo kumo nen hobuk elok taginabu hak nogo? Elo'lego,” iluk yagatikhemo.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.

KISAH PARA RASUL 10:14

A'nogo yagatikhemo, at Petrus nen he, ”Lego. Noe. An wesa mene fenago lek mene endephogo ninggi'legat welagirek,” iluk yagatikhe.

1 KORINTUS 2:14

Wene Allah Areagun en wo'nisikherek wene andi re, it afuni Allah Areagun inendawimo werek mene nek futfagarek andi nen, it afuni inobabut inetogat logolik, futfagarek lek. A'nogo futfagarek lek andi re, iren he, ”Wene andi afuni kembu mene nen agarek hangge ili'lagwi,” iluk agarek andi nen, wene andi futfigi'lek werego.

WAHYU 21:6

A'nogo yaganetesik hobuk ekhe mel yaganete: ”Ero inom erembul inom anatma, An nebe re eroba nen pikhit, erembul oba netok mondok logogin mene nen, i nele agunem i inelugerinaferek mene i elesimo nen hinagaisogo we onggo legat wogisikhi logogin o.

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.