YOHANES 3:8 - Allah Wene Fano Wene Hupla Inane

⁸ Sogoi andi, we, erabisak hesangge fun hugunem he, ane nek hesanggo holhi lagen meneat he, ebe re, koma nen heat weri'logo. Nen koma kwe heat lili'logo. Honggot andi. Andi hak he, afuni Allah Areagun en inebe lombok a'nogoat taginaferego,” iluk yagatikhe.

YOHANES 3:8 ပူးပေါင်းရင်းမြစ်များ

MAZMUR 107:25

Aren he yi'nogo hilinglasuak ugunem, sogoi aninirogo funha wagunem, i ha'labu hokhorogo hilingiti lagaikhe.

MAZMUR 107:29

O sielu hokho mene waga logolik, i esinggen founalik wagunem, Aren habalok legame ugu halok he lek aga lagaikhe. I ha'labu hokho wati lagaikhe mene, Aren hambuget fikhi lagaikhe.

MAZMUR 135:7

O kweangma unggut-unggut andoma nen he ohena mimingitunem eilabut yegelogo o meiso lakfei wagarek, nen Aren o sogoi andogorogo fisogo werek oba omanogo nen wulibi wesuageluk mimingiterek.

PENGKHOTBAH 1:6

Sogoi funhogo selatan fikhit lagaresigen, andoma kwe nen yunggulogo utara fikhit wasi lagarek, andi nen hobuk kwani-kwani re eroma yinogo kwi wagarek.

YEHEZKIEL 37:9

Allah ane an noba ikhi logolik, ”Afuni wa'lagaikharek mene yi re, sogoi oba hane in o. Hat hane ikhi logolik he An Tuhan Lego Mondok welagirek mene a'nogo nen at oba re o unggut fena-fena mondogaren sogoi funha waga logolik ap warek oma inambotkwe ineluk asuageluk set kwelakfisa wesuak ikhe,” iluk yagaisan yaganete.

YOHANES 1:13

Migininafikhemo, at againafuri agaukwa andi re, afuni inagainafuri takha inamolo nen taginafik mep mene andogorogo taginafarek andi hak fuk. We at Allah nenat taginafikhe o.

YOHANES 3:7

Hit hinebe lombok hobuk hinambotkwe ket ta'lasugun, iluk yagaheti andi nen, Eige! Nailo e, iluk hendawinggen fitun o.

YOHANES 3:9

A'nogo yagatikhemo, at Nikodemus nen he, mel isikhe: ”Wene egen andi ninggi'nogo hilinginabigin mene faget egen,” iluk heinok wokhasikhemo re,

KISAH PARA RASUL 2:2

aremnogoat, sogoi uarek funha waga logolik ane ikherek andi hak, Allah nen pogoroba nen pelakfei wagaikhemo re, it afuni oloba hurek welagaukwa mene omanogo mondogat ane inesanggo holhukwa.

KISAH PARA RASUL 4:31

A'nogo Allah ayonggo fikhi lagaukwama re, o it andogorek welagaukwaba andi abolok isikhe. Abolok ikhi logolik he, Allah Areagun inebe mondogat inendawimo peterogo kwisikhemo, wene Allah nen isikhe mene andi afuni inailo legat yagaisikhi lagaukwa.

1 KORINTUS 12:11

A'nogo wogisikherek andi re, Allah Areagun misigat andi nenat endawimo anggaluk, yi hilingitik, ti hilingitik, ikhi logouwageluk inebe lombok minggilogo wogisikherek andi.

1 KORINTUS 2:11

Nit afuni ninendawimo sa elu. Ninonggwarek ninendawimo lombok ninelu welagorek anggigi. Andi hagat, Allah endawimo re, it ekhe inonggot enek. We, onggwarek Areagun alegat elu welagarego.

1 YOHANES 2:29

At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.