YOHANES 3:4 - Allah Wene Fano Wene Hupla Inane

⁴ at Nikodemus nen he, mel yagatikhe: ”Ah! Afuni inalueba nen ninggi'nogo hobuk taginabu hak anggegen. Inagaisawi inalabutmo kumo nen hobuk elok taginabu hak nogo? Elo'lego,” iluk yagatikhemo.

YOHANES 3:4 ပူးပေါင်းရင်းမြစ်များ

YOHANES 3:3

A'nogo yagatikhemo, at Yesus nen he, mel yagatikhe: ”Afuni Allah nen inebe hobuk inambotkwe taginafi'lek halok he, at awe a'ma fisikherek oba andoma ineilenggen hogoin mondok lego, iluk nane eberogoat yagaheti lagi,” iluk yagatikhemo,

YOHANES 3:5

At Yesus nen he, mel yagatikhe: ”Afuni iba inom, Allah Areagun oba nen inom, taginafi'lek halok, Allah nen awe a'ma fisikherek oba andoma kugun mondok lego, iluk nane eberogoat yagaheti lagi.

YOHANES 6:53

At Yesus nen he, ”An nen wene ekhe yagahisago. An abat ta'lasi wagagi a'nogo nebe ninggik, namep ninggik, ikhi lagep lek halok, ineluk mondok welagaikharek mene, hit eise werek agi'lek welagebo, iluk eberogoat yagahisigi.

YOHANES 6:60

At Yesus nen wene a'nogo yagaisasikhemo, it at agoromi ane wanhi lagaukwa mene omanogo ekhe inebe hokhorogo wene andi inesanggo holhukwasik he, mel isukwa: ”Wene ikhe andi re, enggin hokhoatma, sa hagen wanigin anggegep? Elo'lego,” iluk isukwa.

1 KORINTUS 1:18

It afuni nongasugun mene nen he, mel agarek: ”Yesus watukwa wene andi re, afuni kembu mene nen agarek hangge ili'lagwi o,” iluk agarek andi. A'nogo meneat he, at Allah nen he: ”Afuni inendawimo kagalek mene nen wene kagalogo agarek andi, An nen nonghonget inobagagin o. Nen, afuni inambugunweak mene nen nambelalweak hilingitarek mene andi, An nen legetfisagain o,” iluk isikhemo lisu palogo fesukwama werek andi nen he, nit telninabi'logo mene nen he, ”Wene andi re, Allah omame andi aro,” iluk ogorek.

1 KORINTUS 2:14

Wene Allah Areagun en wo'nisikherek wene andi re, it afuni Allah Areagun inendawimo werek mene nek futfagarek andi nen, it afuni inobabut inetogat logolik, futfagarek lek. A'nogo futfagarek lek andi re, iren he, ”Wene andi afuni kembu mene nen agarek hangge ili'lagwi,” iluk agarek andi nen, wene andi futfigi'lek werego.