YOHANES 3:36 - Allah Wene Fano Wene Hupla Inane

³⁶ Halok he, sa nen endawinggen Allah amlogo oba eberogoat himbiret fili'logo halok ineluk logogun mene eise agasik werego. Meneat he, sa nen, at amlogo andi ane holhi'lek obakhe nene herakfisili'logo halok, ineluk mondok logogun mene andi eise asigin lek. We Allah a'mage oba fembik logogin o.

YOHANES 3:36 ပူးပေါင်းရင်းမြစ်များ

AYUB 33:28

Nen an afuni wa'laluk lagaikharek oba omanogo lanogoluk At Allah nen an nanggwe palnafemo, yogondak neluk welagi andi.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 36:9

Hat hailoba nen nunggu mene mondok hokho pokhorogo wogisikhi lagen andiba it mondogat inoba homot fisikherek, nen inagai re Hat agai meneat eil mondok wurik fano mene wogisikhi lagen andiba homot fisikherek.

MAZMUR 49:19

Ap ekhe ebe eluk logolik yi mene ti mene saburikhe halok onggwaregen fogerakhigik, it ekhe nen ogo fogeratik,

HABAKUK 2:4

Ebereogo nen he, it weak hilingiri'lagwi mene andi fano asugun lek. Oba nen he, it ekhe Allah endawimo anggikherek mene andi higithogo hilingiri'lagwi mene nek he, inendawinggen Allah oba himbiret fuluk logogun andiba, ineluk mondok logogun o,” iluk yaganete.

MATIUS 25:46

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.

MARKUS 16:16

Yagaisilik lagunem he, it afuni ekhe nen wene andi eberogoat iluk anggogoin mene ima pelaginabugun mene halok, Allah nen telinabigin meneat he, it ekhe wene andi eberogoat iluk wanugun lek mene halok, Allah nen wene inoba fembik weagerinabigin o.

LUKAS 3:6

A'nogo hilingitep halok, Allah nen afuni telninabigin mene ekhe lakfei wagunem hineilenggen hogoin o,” iluk, Yesaya nen lisu palogo fesikhe mene higithogoat, at Yohanes nen a'nogo yagaisilik nikhi lagaikhe andi.

YOHANES 1:12

A'nogo herakfisasukwa meneat he, it afuni ekhe nen at ebe wanhukwasik he, inendawinggen at oba himbiret fesukwama, Allah nen at againafuri ebe mene asuageluk miginafikhe.

YOHANES 10:28

Nombo'ne nugu kwelek, it ineluk mondok logouwageluk inelugerinafi logogin andi nen he, it inebe wa'lasimbik nong asugun lego. It an nenggiba werek kwelek, it ap ekhe nen telogo woginabumo elo'lego.

YOHANES 3:3

A'nogo yagatikhemo, at Yesus nen he, mel yagatikhe: ”Afuni Allah nen inebe hobuk inambotkwe taginafi'lek halok he, at awe a'ma fisikherek oba andoma ineilenggen hogoin mondok lego, iluk nane eberogoat yagaheti lagi,” iluk yagatikhemo,

YOHANES 4:36

Ebe arat palhu halok he, ap ekhe awi yaterek mene inom, nen, ekhe enggen palherek mene inom, emberek inendawimo inagaiyek hoageluk, yogondak at ekhe enggen pali'logo mene andi onggo helili'logo andi ebe re, enggen palogo andogorogo fagarek hak, afuni ineluk mondok logouwageluk andogorogo fisili'logo andi aro.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

YOHANES 6:58

Nen, sumburu pogoroba nen pi wagaikhe mene yi re, hit hinombalak ninggi lagaukwa mene inebe wa'laga lagaukwa andi hangge re lek, meneat he, ap sa nen sumburu ebe mene yi nunggu halok, eluk mondok logogin o,” iluk yagaisasikhe.

YOHANES 8:51

Nen, ap sa nen an nane hologo hilingiti logogin halok he, wa'lagi'lek eluk mondok logogin o, iluk eberogoat yagahisigi,” iluk, yagaisikhi lagaikhemo,

KISAH PARA RASUL 14:2

Wanhukwama, it afuni Yahudi mene fena nen, wene andi inesanggo holhukwasik, eberogoat iluk inendawimo anggigi'lek mene nen he, it afuni endakwe mene Allah againafuri inabit asuageluk inendawimo kagalhi lagaukwa.

ROMA 4:15

Wene Allah nen komotninafikhe mene andiba re, Allah a'mage ninoba fikherek. Meneat he, wene komotninabilep le'ma re, wene sebelogo weak hilingiri'lagwi, iluk ilep legaro.

ROMA 5:9

At Kristus amep wulagaisogo wa'lagaikhe andiba, wene ninoba mene korogo wokhaluk Allah ninom hobuk ninambotkwe hunogo ninobagasikhe andi nen he, hobuk Allah a'mage ninoba fugunem telninabigin lek nogo? Telninabigin aro.

ROMA 8:1

Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.

GALATIA 3:10

Nen, Allah nen mel isikhemo lisu palogo fesukwa: ”Wene an nen komorinafigimo lisu palek werek andi mondogat afuni inesanggo holfuluk he, higithogo hilingitarek lek halok, inebe lombok homan inobagagin werego,” iluk isikhemo, lisu palogo fesukwa hak, it afuni ekhe nen wene Allah nen komotninafikhe wene a'nogo higithogo hilingisuogeluk, inendawinggen andiba himbiret fuluk welagaikharek mene halok, Allah nen homan inobagagin weregaro.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

1 TESALONIKA 5:9

Allah a'mage, nit ninoba fuluk weagetninabigeluk wena'ninafikhe lek. We, ninoe Enupogot Yesus Kristus nen telogo fanotninabuageluk wena'ninafikhe o.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

IBRANI 3:18

Allah nen wenagisikhi logolik hombuk yi'nogo palhikhe: ”An nen, hit set walogoin, iluk abok yagahisasigi a'nogo, set walogoin mondok lego,” iluk yagaisasikhe andi sani nogo. Andi re, it afuni Allah ane hologo higithogo hilingiti'lek herakfisikhi lagaukwa mene omanogoat anggigi.

IBRANI 3:19

It andi inendawinggen Allah oba himbiret figi'lek hilingiti lagaukwa andi nen, set wala kugun mondok elo'lek agaikhe, iluk nit yogondak futfikhi lago o.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.