YOHANES 3:31 - Allah Wene Fano Wene Hupla Inane

³¹ Nen afuni mondogat he, inenu lek enek. We, at po'lima nen pi wagaikhe mene andiat kain enu werego. Ap ekhe ebe kweangma nen tago mene halok, ebe kweangma meneatma, wene kweangma aweneat ikherego. It afuni mondogat inenu legat hak werek kwelegat he, ap ekhe pogoroba nen pi wagaikhe mene andiat enu esin lego werego.

YOHANES 3:31 ပူးပေါင်းရင်းမြစ်များ

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

YOHANES 1:15

Wene at ebe faget Yohanes nen mel yagaisasikhe: ”An nombo'ne hobuk ap ekhe wesigin, iluk abok yagahisigirek a'nogo re, ebe yi aro. At yi hobuk an nombo'ne waga meneat he, ebe an oan ta'lagi'lek werek kwelek, at attagat welagaikhe andi nen he, an nebe sebelek mene, noe Kain mene re, araro,” iluk ane hokhorogo yagaisikhi lagaikhe.

YOHANES 1:27

At andi ebe hobuk an nombo'ne waga meneat he, at ebe kain, an nebe yenggerek andi nen he, at eisok sepatu kwelabek mene andi, an nen nonggoligin elo'lego,” iluk yagaisasikhe.

YOHANES 1:30

Attagat wene an nen yagahisikhi logolik he, Ap ekhe nombo'ne wesigin meneat he, an oan ta'lagi'lek werek kwelek, at welagaikhe andi nen, an nebe yenggerek mene re, arenek he, ebe kain mene o, iluk, abok yagahisikhi lagi a'nogo re, ebe waga ari aro.

YOHANES 3:30

Ap andi enu werek asigin obaat, enu werek agik, an nenu legasigin obaat, nenu legagik, igin o,” iluk yagaisasikhe.

YOHANES 6:51

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

YOHANES 8:23

aren mel yagaisasikhe: ”An nebe re, pogot abel ponggwe mene wagarik welagi o. Menere, hit enek he, abel manggwe yoma mene o. Hinawi ero kweangma yoma aro. Mene re, an nawi ero kweangma yoma lego.

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

IBRANI 9:1

Attak he, Allah nen wene warogo againafuri woginafikhe wene andi higithogo, iren at endawimo fanorogo hilingiti logouwageluk yagaisasikhemo. ”Yi'nogo hilingiti logogun, ti'nogo hilingiti logogun,” iluk wene inelu welagaukwa. Nen, o su mene elama faget hilingiti logogun oba afuni nen wutukwama welagaikheat.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

1 YOHANES 4:5

It andi inebe afuni kweangma mene inagainafuri andi nen he, iren wene kweangma weneat ugunem, inane it afuni kweangma mene nenat inesanggo holharek andi.

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.