YOHANES 3:29 - Allah Wene Fano Wene Hupla Inane

²⁹ Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

YOHANES 3:29 ပူးပေါင်းရင်းမြစ်များ

KIDUNG AGUNG 3:11

O Sion helime yi sani, hinebe wulibi wesimbik he, hun raja Salomo agaisa nen at ebe agwe igeti logolik, mahkota puget fugunem agaiyek mondok hilingiri'lagongge andi hineilenggen hani o.

KIDUNG AGUNG 5:1

Nagot ninom lombolek mene yi, an he neabumo omanogo waga lagi, wagiresik he mur inom, amben-ambenengge fano mene inom kaboget fuluk, an nen kin amusu inom awingga sap palek mene andi inom ninggik, susu inom anggur agai inom ninggik ikhi lagi. Sumburu ninggik, i ninggik, ikhi logoni nerugwi, a'nogo nunggu werek kwelek enek he hinoba aik age lagambik ap lugu-lugwi palharek hak hilingisugun.

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

YESAYA 66:11

Omalik misik ekhe agaisa eilak ninggerek hakhogo, hit he hinangge nunggu mene sik-pikhogo were'ma ninggi logogun.

YEREMIA 2:2

”Hat hebe afuni o Yerusalem welagaikharek mene inoba lambik he, wene mel yagaisano: Hit afuni Israel mene yi sani. Aben hemi ket iginapluk, inendawinggen hundik welagaikharek andi hak, hit hinebe oan oba nenat An noba lomborogo logolik hinendawinggen An noba hundik were'ma, o leikwe yi mene ti mene awi yago lekwe andoma nombo'ne mondok nikhi lagagip a'nogo hinoba ebeti o.

HOSEA 2:19

Hobuk hat Israel hebe An nagwe ebe mene higit wokhabimbik he wokharek mondok logogin o. A'nogo wokharek logolik, hebe nendawit habimbik, nendawinggen hundik mene logogin. A'nogo logolik, An nen higithogo hilingitik, tiphogo nek hilingik, ikhi logogin aro.

MATIUS 22:2

”Allah nen awe a'ma fisikhere'ma andoma emberek higit he, ap kain enupogot ekhe amlogo agwe igeti logolik pesta seni isatukwa hagaro.

MATIUS 25:1

At Yesus nen a'nogo yagaisasikhesik he, wene ekhe mel yagaisasikhe: ”Nineisena Allah nen awe a'ma fisikhere'ma andoma emberek higit he, helimenggerugwi inebe 10 nen lampu ibilogo waluk ap ekhe agwe ikhageluk wagunem elokhoma lagaukwa andi hangge aro.

MATIUS 9:15

Yagatukwama re, at Yesus nen he, mel yagaisasikhe: ”Ap ekhe agwe ikhikhi logolik he, at erugwi agaila'lak inomat logolik he, it inendawimo wiik-weakhogo logogun nogo? Lego. A'nogo meneat he, erugwi agaila'lak fisaluk, ap andi waluk logoin oba weregaro. A'nogo waluk lamo nek he, it andi inenggi ekhe sumburu ninggi'lek sambanat ikho logogun aro,” iluk yagaisasikhe.

LUKAS 15:6

oe agot inom, afuni ekhe inawi sili misi'mo mene inom, mondogat wolisaluk he, an nanggo longgoi laga mene a'nogo arat herakhaluk wagi andi nen, ninendawimo ninagaiyegesuogo, iluk yagaisikherek a'nogo lek?

YOHANES 15:11

Nen, an nendawimo nagaiyek anggigirek hak, hit hinendawimo hinagaiyek hikhi logolik, hobuk hinendawimo hinagaiyek hokhorogo ikhi logobagaigen iluk, wene andi mondogat yagahisigi o.

YOHANES 16:24

O attagaren huli yogondak huli, an nenu hombuk palogo yi mene ti mene ekhe kino igi'lek welagepma o. Halok he, hinendawimo hinagaiyek hokhorogo asubagaigen he, at kino yagati logoino. A'nogo yagati logoumo, wokhisikhi logogin aro,” iluk yagaisasikhe.

YOHANES 17:13

An nebe hat hoba wesigin meneat he, yogondak kweangma ya logolik, an nendawimo nagaiyek higirek andi hak, it inendawimo inagaiyek mondok anggoageluk, wene mondogat andi yagaheti o.

YOHANES 3:30

Ap andi enu werek asigin obaat, enu werek agik, an nenu legasigin obaat, nenu legagik, igin o,” iluk yagaisasikhe.

2 KORINTUS 11:2

Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.

FILIPI 2:2

an nendawimo hokhorogo nagaiyek anggikhi logoigen, hinendawinggen misigat logoino. A'nogo logolik hit-hit nendawi-hendawirogo misigat mene hilingitik, hinobabut hinendawinggen misigat welagik, ikhi logoino o.

1 YOHANES 1:4

Nen, wene yi faget ninendawimo ninagaiyek anggikhi lago mene andi, hobuk ninendawimo hokhorogo eberogoat ninagaiyek hakhouwogeluk lisu palogo hinoba lakfei wago andi.

2 YOHANES 1:12

Wene hokhorogoat hinoba lakfei wesu mene werek meneat he, suesingga lisu amusuba palu re, nabiro. We, ninendawimo ninagaiyek hikhi lago mene andi ebenagaik ninagaiyek houwogeluk he, ninom misi'mo weneane ninelhaba yet-yet uogeluk, an nebe hinoba wesigin anggikhi lagi o.

WAHYU 21:9

A'nogo yaganetesi'mo nen ombo'ne re, Allah nen wurep kobokhogo afuni weagerinabuageluk, it malaikat inebe 7 nen Allah a'mage i hak hinago waluk kweisali wagaikha mene omanogo mene ekhe wagasik mel yaganete: ”Domba Eagen agwe ikhikhe mene andi ebe yagahesumo heilenggen yethanogen eme o,” iluk yaganete.