YOHANES 3:21 - Allah Wene Fano Wene Hupla Inane

²¹ A'nogo inendawimo anggagarek meneat he, it ekhe inobabut higithogo hilingiri'lagwi mene nek inebe lombok, inendawimo anggikhi logolik he, Allah ninom hundik logolik yi'nogo fano hilingiti lagoma, iluk, weinam asuageluk. an selek mene noba wagaikharego,” iluk yagatikhe.

YOHANES 3:21 ပူးပေါင်းရင်းမြစ်များ

MAZMUR 119:105

Hat hawene andi re an neisok kwe lagukwe faget esage higit werek, nen an kwe loageluk seleget nafu mene werek.

MAZMUR 119:80

An nenggali asi nogoluk, Haren wene menfegen mene andiba nen an nen taganhogo hilingiti logogin lego.

YESAYA 26:12

Tuhan nineisena, nit ninaiba fanorogo logouwageluk Harenat hilingninobagakhi logoino o, niren yabu hilingiti lago mene andoma re Harenat nit ninobaget hilingninobagakhi lagen.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

HOSEA 14:8

It hobuk inambotkwe noba wesimbik, nawe a'ma logogun. Logolik, inebe gandum yabumo yago mene muli fano agarek andi hak hilinglagik, anggur fano mene yabumo yago welagarek andi hak hilinglagik, e anggur amusu o Libanon mene enu fano lagarek hak inenu yi awi ti awi wialarik lagik, ugun.

YOHANES 1:47

A'nogo yagatikhemo, at Nataniel Yesus oba wesigeluk wagunem at Yesus nen eilenggen yethasikhesik at abok mel yagaisasikhe: ”Ap ari ebe Israel eberogo mene. Ane pire ikherek mondok lek mene ari yethani!” iluk yagaisasikhemo,

YOHANES 3:20

Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

1 KORINTUS 15:10

A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

GALATIA 6:8

at sa nen obabut etogat logolik hilingiri'logo halok, obabut andibaat alomat lakhagain andi. Mene re, at ekhe sa nen, Allah Areagun emberek hundik logolik, at mene hilingiri'logo mene halok, Allah Areagun andi nenat, eluk mondok logouwageluk fanot fagain andi.

EFESUS 5:9

E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

KOLOSE 1:29

An wene andi faget katokhogo hilingisigeluk, at Kristus omame a'nogo an nendawimo logolik, nomamet nafu kwelek, ninghogo nomamerogoat hilingiti lagi andi.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

1 YOHANES 1:6

Nen, nit he, ninaneba nen, ”At ninom hundik welago,” iluk ikhi logoligat he, o mum oba logolik inobabut hilingitarek mene andi hilingiti lago halok he, ebe mene hilingiti'lek nineranen ikhi lago o.

3 YOHANES 1:11

Nagailage, hebe nendawi. Haren he, it afuni inobabut weak hilingitarek mene andi, inobabut wanhuno. We, it inobabut fano hilingitarek mene halok, inobabut wanhi logoino o. Sa nen obabut fano nek hilingiterek mene andi ebe Allah againafuri meneat he, sa nen obabut weak enek hilingiterek mene halok, aren Allah ebe eilenggen hikherek lek, onggoraro.

WAHYU 3:15

Hit hinobabut hilingiti lagep mene andi, mondogat an nelu o. Hit hinobabut minhogo logolik, hinobakhe nene hilingiti lagep legat, nen, aganhanhogo logolik, anggilukhogo hilingiti lagep legat, we, hinobabut minat logolik hinobakhe nene logogun halok, andiat logogun, nen, aganhan logolik anggilukhogo hilingiti logogun halok, andiat logogun o.