YOHANES 3:20 - Allah Wene Fano Wene Hupla Inane

²⁰ Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

YOHANES 3:20 ပူးပေါင်းရင်းမြစ်များ

2 SAMUEL 13:9

A'nogo hilingitikhesik he kue a'nogo panci elema nen heiselogo wulakfei wagaikhesik he, it ekhe inoba wogo'ni, iluk yagaisasikhe. A'nogo yagaisasikhemo nen he at Amnon a'nogo ninggi'legengge logolik he aren he yi'nogo isikhe, ”It inebe mondogat o yi nen wulibuakhogo re yagaisan o,” iluk yagatikhe.

1RAJA-RAJA 22:8

A'nogo yagatikhemo, at Ahab en he, ”Hun Yimla amlogo Mikha andi nek misik ekhe werek. A'nogo meneat he, aren wene hobuk hilinglasigin mene faget wenggelogo ekhe yaganeterek mondok lek, we weak mene nek yaganeterek andi nen, an at ebe mondok nabit higirek mene andi nek werego,” iluk yagatikhemo, at Yosafat en he, ”Ah, a'nogo ugun o,” iluk yagatikhe.

1RAJA-RAJA 3:20

A'nogo wa'lagama, o hup enggen tulem an nogo ugu kwelek, at he yi menlagasik an neak nagaumo were'ma wani wagasik he, an neak at nogo ili'lagoba fei lagasik he, at eak wa'laga mene a'nogo an nogo ikhi lagiba nagoumo fei wagama o.

MAZMUR 50:17

Hit he An nen komo wene yagahisikhi lagi mene a'nogo wanhi'legengge logolik, An Nawene Melalek a'nogo ninabit iluk herakfuluk hilingiti lagep.

AMSAL 1:29

Hit he, wene hinelu logou mondok hinabit logolik, Tuhan hinailorogo ane hologo logou hinabit mondok welagep andi.

AMSAL 15:12

Ap ekhe hempelinabigiluk amolo mene andi re endawirinafu mene re abit anggikherek, nen ap endawinggen kagalek mene oba komo wene yaganesuageluk ambit lagarek legat.

AMSAL 16:30

It ap ineil hombut watik, inoba heanerogo endo mumungutik agarek mene andi inoba re hinafe hebelogo logoino. It andi re wene weak mene inendawimo kagalogo fisogo logolik hilingisugun enggere.

AMSAL 2:13

It he fanorogo welagaikharek mene andi murok lagi'lek mumkwe lagaikharek mene andi inom, weak hokhorogo hilingitarek mene andi inom wenakhaluk he,

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

AMSAL 5:12

A'nogo hikhi logolik hiren ikhi logolik he, ”Eige, nenahalok an he komo wene faget nabithogo hilingiti lagi e, ninggi'nogo nen an yaganetu mene re herakfisikhi lagagi agwi,

LUKAS 11:45

A'nogo yagaisasikhemo re, ap Allah ane yagaisikhi lagaikhe mene ekhe nen he, Yesus mel yagatikhe: ”Noe. Hat egen andi nit ninomat ninenggali watninobagegen higi!” iluk isikhemo,

YOHANES 3:21

A'nogo inendawimo anggagarek meneat he, it ekhe inobabut higithogo hilingiri'lagwi mene nek inebe lombok, inendawimo anggikhi logolik he, Allah ninom hundik logolik yi'nogo fano hilingiti lagoma, iluk, weinam asuageluk. an selek mene noba wagaikharego,” iluk yagatikhe.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,