YOHANES 3:11 - Allah Wene Fano Wene Hupla Inane

¹¹ Niren wene ninelu meneat yagahisigik, nineilenggen hogo meneat eberogoat iluk pilingisogo yagahisigik, ogorek meneat he, ninane andi holhi'lek hinobakhe nene hilingiti lagep iluk, nane eberogoat yagaheti lagi.

YOHANES 3:11 ပူးပေါင်းရင်းမြစ်များ

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

YESAYA 53:1

A'nogo isukwama it inunggulenu a'nogo nen onggo ikhi logolik, ”Niren holugun mene andoma faget sa nen eberogo anggagain nogo? Ap sa nen Tuhan omame andi re weinamet fikhe nogo?

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

YESAYA 65:2

An he nagainafuri woginabigin iluk hundik-hundik fouget fuluk welagiba nen he iren wene oak sagalugun mene nek inamolorogo hilingiri'lagwi. Unggulenu andi mene re wene kwanirek mene nek hilingiti logolik inendawimo nen anggaluk wene melalogo fagarek mene a'nogo murok lili'lagwi.

MATIUS 11:27

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.

MATIUS 23:37

At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.

LUKAS 10:22

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Allah amlogo andi sa iluk afuni mondogat inonggot meneat he, an neisena alegat enek elu welagarek. Andi hak he, an neisena Allah andi sa, iluk afuni mondogat inonggot meneat he, amlogo an nalegat enek nelu welagirego. Nen, Allah amlogo an enat nendawimo anggalugen, neisena ebe afuni ekhe inelu asuageluk nane fakhogo yagaisigirek mene halok it andiat inelu agaikharego,” iluk, yagaisasikhe.

YOHANES 1:11

At onggwarek awiba wagaikhe meneat he, at oe agoren ebe wanhi'lek herakfisasukwa.

YOHANES 1:18

Afuni ekhe nen Allah ebe ineilenggen mondok higi'lek meneat he, at amlogo misigat tago eisena era'lu emberek higit welagaikhe mene andi nenat Allah ebe furogo yaganisa wagaikhe andi.

YOHANES 12:49

an nendawimo nen kagalogo yagahisikhi lagi fuk. Lego. We, an nen yagahisoageluk an neisena laknobagai wagaikhe mene a'nogo nenat, yi'nogo in, ti'nogo in iluk, yaganetu kwelegat yagahisikhi lagi o.

YOHANES 14:24

Nen, at sa nen, an endawinggen hundik lek halok he, an nane hologo hilingiterek lek andi aro. An nane hit holhi lagep andi re, an nane mene fuk. We, an neisena laknobagai wagaikhe menen a'nogo ane o.

YOHANES 3:12

An nen kweangma wene faget yagahisugunem he, hiren eberogoat iluk futfikhi lagep lek halok he, an nen pogoroba wene faget yagahisamo hobuk ninggi'nogo nen wene andi eberogoat iluk futfogoin anggegep? Futfogoin mondok lego.” iluk yagatikhe.

YOHANES 3:13

A'nogo yagatikhesik mel isikhe: ”Ap ekhe kweangma nen pogoroba mondok lagagi'lek. We an pogoroba nen abat ta'lasi pi wagagi andi aro.

YOHANES 3:3

A'nogo yagatikhemo, at Yesus nen he, mel yagatikhe: ”Afuni Allah nen inebe hobuk inambotkwe taginafi'lek halok he, at awe a'ma fisikherek oba andoma ineilenggen hogoin mondok lego, iluk nane eberogoat yagaheti lagi,” iluk yagatikhemo,

YOHANES 3:5

At Yesus nen he, mel yagatikhe: ”Afuni iba inom, Allah Areagun oba nen inom, taginafi'lek halok, Allah nen awe a'ma fisikherek oba andoma kugun mondok lego, iluk nane eberogoat yagaheti lagi.

YOHANES 5:43

An neisena nen lak nobagai wagaikhemo wagagi meneat he, hiren an nebe wo'nafi lagep lek. A'nogo meneat he, at ekhe onggwarek endawimo anggaluk waga halok enek he, ebe wanugun hinobabut hisikhi lagi o.

YOHANES 7:16

at Yesus nen he, mel yagaisasikhe: ”An nen wene yagaisikhi lagi andi, an nendawimo nen kagalogo yagaisikhi lagi lego, meneat he, at an laknobagai wagaikhe mene a'nogo nen yaganetu kwelek yagahisikhi lagi o.

YOHANES 8:14

at Yesus nen he, mel yagaisasikhe: ”An wagagi mene inom, lagain mene inom, hit hinonggot meneat he, an enek he, nebe o andoma nen wagagi, nen hobuk o andoma lagain, iluk nelu andi nen he, an nabok inelu asuageluk nonggwaregenat yagaisikhi lagi andi re, wene andi eberogoat yagaisikhi lagi o.

YOHANES 8:26

An nen yi wene ti wene hokhorogoat yagahisigik, wene hinoba figik, kotik, u higit meneat he, at laknobagai wagaikhe mene a'nogo ane eberogoat enek ikherek andi nen, aren ugunem nesanggo holhi lagi mene andiat hit afuni kweangma mene yoma yagahisikhi lagi o,” iluk yagaisasikhe.

YOHANES 8:38

An he, neisena nemberek logolik neilenggen hikhi lagagi meneat yagahisugu kwelek, hit enek he, hineisena a'nogo nen ikherek mene ane hologo hilingiti lagebo,” iluk yagaisasikhe.

KISAH PARA RASUL 22:18

Nabikanggoba Tuhan nen yaganeti logolik, Haren, heilenggen an neegen mene andi inom, hesanggo holhen mene andi inom, afuni o yoma mene fakhogo yagaisugunem, hane inesanggo holugun mondok lego. Halok he, o Yerusalem yoma nen weak-weak wulibino, iluk yaganetikhemo, nabikanggo oba hasigi.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

WAHYU 3:14

A'nogo yaganetesik, hobuk yaganeti logolik he: ”Eroba nen, yi mene ti mene ero anat were'ma, Allah nen elalhikhe mene andi, at abok nobabut humbunhogo eberogoat enek igirek mene, nenu ebe asuak u hak, Amin, igirek mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Laodikia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen, yi'nogo palin o.