YOHANES 21:7 - Allah Wene Fano Wene Hupla Inane

⁷ A'nogo elok legagaikhemo logolik, at Yesus agoromi mene ekhe, at endawinggen hundik mene a'nogo nen he, Petrus mel yagatikhe: ”Petrus, ap ari ninoe Enupogot a'nogo aro,” iluk yagatikhe. At Yesus agot a'nogo nen, ”Ap ari ninoe Enupogot a'nogo aro,” iluk Petrus yagatunem esanggo holhikhesik he, asu endakwe mene nonggologo fesikhesik welagaikhe mene weak-weak laberasikhesik he, ima pokhogo pisikhe.

YOHANES 21:7 ပူးပေါင်းရင်းမြစ်များ

MAZMUR 118:23

Andi re elalin mene At Tuhan nen nit ninelokhoma hilingitemo o, iluk fogerati lago.

KIDUNG AGUNG 8:7

Inendawinggen ninggerek mene andi re I hokhorogo meneba nen ogore nagulumo re elo'lek, Ap ekhe nen endawinggen ninggerek mene andi onggo palagain iluk at mene angge wogosigin meneba nen ogore we inabiret fisaluk weaget fisagarek mene onggo hela hak.

MARKUS 11:3

A'nogo hele fikhalhunem, it afuni andoma mene ekhe nen he: Wam kombi fikhalhi lagep andi, nenahalok, iluk wene palhu halok he, mel yagaisano: Ninoe Enupogot a'nogo nen wam yi mene legen waluk louwogeluk fikhalhi lago. Aren wam yi ambotkwe weak-weagat lakfei wesigin o, iluk yagaisano,” iluk wene warogo lakfisasikhe.

LUKAS 12:35

A'nogo yagaisasikhesik hobuk yagaisikhi logolik he, ”Ap kain mene hemi iginafunem laluk isago naluk wagunem, agoromi amingmingengge mene yerogo inebe hebelogo were'ma, at ambotkwe we'luk kwe papaget hugunem weak-weak kwe huthagarek hak, hit ogo re, hinasu fanorogo laberogo nen esage ibilogo fuluk logoino o.

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

LUKAS 7:47

A'nogo hilingite andi nen he, an nen hat ekhe yagahesik. At he yi nen weak hokhorogoat hilingiterek meneat he, at endawimo nen he, Yesus nen sebelogo legetfisikhemo, iluk hokhorogo endawitnafe andiba enegat hilinglaga o. It afuni weak endebat hilingiri'lagwi mene, Allah nen sebelogo legetfisugunem we endebat hak inendawiratarego,” iluk yagatikhesik he,

YOHANES 13:23

A'nogo yet-yet ugu kwelek he, it at Yesus ane wanhi lagaukwa mene ekhe at endawinggen hundik mene era'lu horokhogo hurek welagaikhe.

YOHANES 19:26

At agaisa inom, agoromi ane wanhi lagaukwa mene ekhe endawinggen hundik mondok welagaikhe mene a'nogo inom, era'lu a'nogo mendek were'ma eilenggen isikhesik, at agaisa yagati logolik he, ”He yi nagaisa, hat heak ari aro,” iluk yagatikhesik,

YOHANES 20:2

A'nogo weregen eilenggen haluk he, fungusek mondok ap Simon enu ekhe Petrus agarek a'nogo inom, Yesus agoromi ane wanhi lagaukwa mene ekhe at endawinggen hundik mene a'nogo inom, inoba lagaikhesik he, mel yagaisasikhe: ”Afuni nen ninoe Enupogot warek oumo nen waluk wulifasik koma fei lagaikha heatma re, nit ninendawinggen nonghong ikhe o, nerugwi,” iluk a'nogo yagaisasikhemo,

YOHANES 20:20

enggi inom, abelenggen inom, watukwa mene a'nogo agambut inugisasikhe. A'nogo inugisasikhemo ineilenggen hasukwasik he, ”Ninoe ebe aro,” iluk inendawimo inagaiyek hokhorogo agaukwa.

YOHANES 20:28

A'nogo yagatikhemo, at Tomas nen he, ”Eige! Noe, hebe henupogot Allah at hiigi o,” iluk yagatikhemo,

YOHANES 21:20

At Yesus nen wene a'nogo yagatikhemo, at Petrus elokhe hebekhogo eilenggen ambotkwe yethasikhe hak he, Yesus agot ekhe endawinggen hundik mene a'nogo inombo'ne wagunem yethasikhe. At andi ebe re, attagat sumburu ninggi logolik Yesus era'lu horokhogo hurek logolik he, ”Yesus noe. Sa nen noe Henupogot hoasuageluk yonggo lagain,” iluk oba heinok wokhasikhe mene a'nogo.

YOHANES 21:24

Wene Yesus agot ekhe faget isikhe andi, nebe an aro. An neilenggen hasigi mene nenat fakhogo yagahisa hak, lisu palogo figi yi. Wene andi an neilenggen hasigi mene nenat fakhogo yagahisigi yi eberogoaren he, nit mondogat ninelu o.

YOHANES 21:8

A'nogo pugu kwelek, Yesus agoromi fenakwe omanogo it welagaukwaba nen huli i aik oba re, yatma lek. We horogat 100 meter hangge andi nen he, ikan hokhorogo su ikan su ambem peterek a'nogo lisogo waluk e so warogo i aik oba wulibi wagaukwa.

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

KISAH PARA RASUL 2:36

At Yesus ebe re, hiren eba menfuluk watepma, at Allah nen he, Hinoe Enupogot Kristus ebe yiat, iluk menfikhe andi. Halok he, hit afuni Israel mene mondogaren he, Wene andi eberogoat, iluk hinelurogo logoino,” iluk yagaisasikhe.

1 KORINTUS 15:47

Allah nen attak ap Adam andi ebe kweang abu'ne mene elalhikhesi'mo re, obabut kweang mene aro. Meneat he, ap Adam hobuk mene andi pogoroba nenat wagaikhe.

2 KORINTUS 5:14

At Kristus nit ninebe endawit ninaferek andi nen fetninarek welagarek. At alegat nit mondogat faget wa'lagaikhe andi. Halok he, nit mondogat wa'lagagu aro, iluk futfikhi lago.

YAKOBUS 2:1

Nerugwi nagaila'lak. Hinendawinggen ninoe Enupogot Yesus Kristus fogeratarek mene a'nogo oba himbirik logolik, afuni inagap endakwe nek hineilenggen isaluk he, ekhe hinelokhoma fisigik, ekhe hinambotma fisigik, ikhi logogubo.