YOHANES 2:9 - Allah Wene Fano Wene Hupla Inane

⁹ Iren i keralogo wogosi lagaukwasi'mo andi nen he, i ebe yi'nogo mene iluk inelu welagaukwa meneat he, at kain a'nogo nek he, ”Koma nen waluk wagaikha,” iluk onggot logolik he, i a'nogo anggur enggen amusuat hilinglagaikhemo, enduk mikhasikhe re fano nen he, ap agwe igetukwa mene welagaikhe a'nogo ane fakhasikhe.

YOHANES 2:9 ပူးပေါင်းရင်းမြစ်များ

MAZMUR 119:100

An he wene haren tekhogo isigin mene andoma fisogo logolik welagimo re, it ap inaluendegen inelu mene re we sebelek hak hilingik kwelek, an enek he mondok omamerogo futfikhi lagi.

MATIUS 27:34

Wagaukwasik he, anggur enggen amusu inom, wam amise hangge ale weak mene amusu inom, inom misikwe hilingisogo, at noageluk wogetukwama mikhasikhesik he, nabit iluk ninggi'lek, herakfesikhe.

MATIUS 9:15

Yagatukwama re, at Yesus nen he, mel yagaisasikhe: ”Ap ekhe agwe ikhikhi logolik he, at erugwi agaila'lak inomat logolik he, it inendawimo wiik-weakhogo logogun nogo? Lego. A'nogo meneat he, erugwi agaila'lak fisaluk, ap andi waluk logoin oba weregaro. A'nogo waluk lamo nek he, it andi inenggi ekhe sumburu ninggi'lek sambanat ikho logogun aro,” iluk yagaisasikhe.

YOHANES 2:8

A'nogo hinatukwama re, at Yesus nen it yagaisikhi logolik he, mel yagaisasikhe: ”Yogo. Hinatep mene andi ekhe keralogo ap kain seni eisewerek mene wogosi lani o,” iluk yagaisasikhemo wogosi lagaukwa.

YOHANES 4:46

At Yesus ebe a'nogo hai warogo wanhukwama re, attak at i we agai mene i anggur enggen amusu hilingitikheba o Galilea sili enu Kana a'nogo wagaikhe. Wagaikhesik were'ma, ap kain pemerintah mene ekhe awi o Kapernaum mene, amlogo oba ou hokho welagaikhe.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.