YOHANES 2:24 - Allah Wene Fano Wene Hupla Inane

²⁴ A'nogo himbiret fesukwa meneat he, at Yesus onggwarek enek he, it inebe mondogat inobabut elu andi nen he, ”Eberogoat wo'nabugun,” iluk endawinggen it inoba himbiret figi'lek welagaikhe.

YOHANES 2:24 ပူးပေါင်းရင်းမြစ်များ

1RAJA-RAJA 8:39

Hat hebe pogoroba welagen oba andoma logolik inane hesanggo holfuluk he, weak hilingisugun mene sagalogo legetfisigik, yi mene ti mene leberisigik, ikhi logoino o, neisena. Hat hamunek he, afuni inendawimo anggagarek mene andi helu welagendek andi nen he, hagainafuri o nit ninombalak wogisasigin oba yoma logolik, Hat hebe inailorogo hane hologo hilingitu mondok logouwagen, inebe lombok, weak hilingitik, fano hilingitik, hilingisugun higithogoat wene inoba figik, kotik, ikhi logoino o, neisena.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

1 TAWARIKH 29:17

Haren ap inendawinggenma palisaluk, it inendawimo mondok selek mene halok Hat hendawirek welagen a'nogo, an nelu o. An nendawimo healek oba inom, nendawimo nagaiyek oba inom, mondogat yi hat hobaget waluk wokhesi wagi. It Hat againafuri yoma kaboksek mene yi nen, inendawi fanoba inangge Hat wokhesuogeluk waluk waga lagaikha aple an mondogat neil isigi.

YEREMIA 17:9

Afuni inendawinggenma re yi'nogo hilingik iluk futfisa lek hak, yi mene ti mene andoma we endep harek hak, oba nen he afuni inendawinggen andi re awulagam mondok weak, nen obabut ogore mondok weagat.

MATIUS 9:4

A'nogo anggasukwama, at Yesus nen inobabut enegat palhikhesik he, mel isikhe: ”Hit hinendawimo nen wene weak mene ebeti lagep andi nenahalok?

MARKUS 2:8

A'nogo anggasukwama, at Yesus nen it inendawimo anggasukwa mene enegat futfisasikhesik he, mel yagaisasikhe: ”Hit hinendawimo a'nogo anggikhi lagep andi nenahalok.

YOHANES 1:42

A'nogo yagatikhesik he, Yesus oba waluk wagaikhemo, at Yesus eilenggen at yethasikhesik he, mel yagatikhe: ”Simon Yona amlogo yi, nagore. hat henu Kepas ikhi logouwageluk salhafi o,” iluk yagatikhe. A'nogo yagatikhe andi re, nit yoma ninaneba enu helep isa u hak, Yunani inaneba Petrus agarek hak, Ibrani inaneba enu Kepas iluk salhikhe andi.

YOHANES 16:30

Hat he, afuni nen wene ekhe heinok wokhiigi'lek halok he, wene ebe honggot fugo. Hat he yi wene ti wene mondogat helu nek heogo o. Hat hebe eberogoat Allah nen lakhobagai wagaikhemo wagagin, iluk yogondagen futhobagago,” iluk yagatukwa.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

YOHANES 4:16

A'nogo yagatikhemo at Yesus nen he, mel yagatikhe: ”Hat hagun hemberek yoma wesubagaigen he, wolha lan o,” iluk yagatikhe.

YOHANES 5:42

Hit enek he, Allah hinendawirogo welagep mondok lek andi, an hinobabut nelu o.

YOHANES 6:15

A'nogo isukwama, at Yesus endawimo nen he, ”It andi wesimbik, an it inoe kain logouwageluk inane omamerogo mennobagagun anggigi,” iluk inobabut enegat palhikhesik he, o andoma hebisaluk punuba alegat lagasikhe.

YOHANES 6:64

Wene andiba inelugerinaferek meneat he, hit fena yoma eberogoat iluk hinendawinggen an noba himbiret figi'lek mene inom, at ekhe nen Yesus ebe wasuageluk yonggo lagain mene inom, it andi a'nogo hilingisugun, iluk at omanggum elu welagaikhesi'mo andi nen he, wene a'nogo yagaisasikhe andi.

KISAH PARA RASUL 1:24

Inenu isukwasik, Allah ayonggo fikhi logolik he, ”Nineisena. Yudas hat hane yagaisilik nikhi logouwageluk ayonggo fesigin meneat he, aren herakfisaluk wa'lasigin higithogoat wa'lagama, obali'mo ap inebe pire yi, haren ap ki hak ayonggo fegen. Hat afuni inebe mondogat inendawinggen helu andi. Halok, ap ebe yi ayonggo figi, iluk, haren yaganisan o,” iluk yagatukwa.

KISAH PARA RASUL 15:8

At Allah nen afuni ninendawinggen elu mene a'nogo nenat, yi an nagainafuri o, iluk Areagun nit wo'nisasikhe andi hagat it andi wogisasikheat.

ULANGAN 31:21

A'nogo hilingisumo, an nen yi mene ti mene inailo mene hokhorogo inoba fagain o. A'nogo meneat he, wuni yi nek he, afuni nen unggum inoba fugunem pilingiti logolik, it ekhe inelu mene nen, eberogoat yi'nogo hilingita, iluk agarek andi hak, iren he, eberogoat yi'nogo hilingitugu, iluk eberek logolik wuni andi wat logouwago. An nen o it wene warisasigiba andoma oan woginarek kwigi'lek welagi meneat he, it inendawimo eberi'lagwi mene andi An nelu o,” iluk yagatikhe.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.