YOHANES 2:21 - Allah Wene Fano Wene Hupla Inane

²¹ A'nogo yagatukwa mene re, Yesus nen wene Allah awi wurik faget isikhe andi, o wurik mene faget isikhe fuk. At onggwarek ebe fagerat isikhe o.

YOHANES 2:21 ပူးပေါင်းရင်းမြစ်များ

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 2:22

Wene a'nogo isikhesik, hobuk ebe wa'lagaikhesigen eluk agaikhemo, it ap at agoromi ane wanhi lagaukwa mene omanogo nen: ”Wene yi attagat yaganisugunem ninesanggo holhugu mene,” iluk inendawimo ebetukwasik, Allah ane lisu palek inom, wene Yesus nen yagaisasikhe mene a'nogo inom, futfesukwasik inendawimo nen eberogoat anggasukwa.

1 KORINTUS 3:16

Nit ninebe Allah awi wurigat, iluk he, hinonggot nogo? Allah Areagun ninendawimo awi wurogo welagarek, iluk he, hinonggorat nogo?

1 KORINTUS 6:19

Hiren he, ”Allah nen, Areagun wo'nisasikhemo, ninebe at awi wurik welago,” iluk he, hinonggot nogo? Hinebe hinonggwarek eisewerek fuk. Allah eisewerego.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

KOLOSE 1:19

At Allah nen: ”An nendawimo namolo re, an nobabut netok mondok welagirek andi hak, an namlogo a'nogoat nemberek higit mondogat logouwago,” iluk, endawimo anggasikhe higithogoat welagarek.

KOLOSE 2:9

Mene re, Allah ebe abirengge mondogat Kristus endawimo were'ma at ebe afuni higirat ta'lasi wagaikhesik welagaikhe andi.

IBRANI 8:2

A'nogo werek andi, Allah awi su mene afuni nen elama faget wutukwaba werek fuk. Lego. We, Allah onggwarek awi ebe mene wutikheba andoma logolik nit faget hilingiterego.