YOHANES 2:15 - Allah Wene Fano Wene Hupla Inane

¹⁵ A'nogo hilingitunem eilenggen isasikhessik he, hele kumbi meneba wam sapi inom, domba inom, lambisogengge fi'ni-fe'nerogo yei wathigik Allah awi wuri'mo nen mugusogo wulakfisigik, e talek oba Rupiah onggo huniti lagaukwa mene omanogo abel endenogo pilel-palelhogo lakfisigik,

YOHANES 2:15 ပူးပေါင်းရင်းမြစ်များ

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

MATIUS 21:12

A'nogo isukwama, at Yesus Allah awi wuri'mo kwisikhesik he, it afuni Allah awi wuri'mo kwisukwasik logolik, yi mene ti mene onggo wanhik, palhik, ikhi lagaukwa mene felelenghogo mugusogo-magaisogo enda'ma wulakfisigik, it ekhe uang e talek oba fesukwasik onggo wanhi lagaukwa mene inom, it ekhe e talogo inebe hurek logolik sue pel hangge mene onggo wanhi lagaukwa mene inom, e talek mene andi abel enden-fendenhogo potfisigik, ilik lagaikhesik he,

YOHANES 18:6

Nen, at Yesus nen he, ”Andi nebe an aro,” iluk yagaisugunem he, it omanogo maminghogo inalele fat-fat laga logolik he, inalele tagaurogo warilik lagaukwa.

YOHANES 2:14

Pisikhesik he, Allah awi wuri'mo kwisikhe hak he, it afuni onggo palharek mene, wam sapi inom, domba inom, sue pel hangge mene inom, onggo wanhik, it ekhe andoma hurek logolik rupiah onggo palhik ugunem at eilenggen isasikhe.

YOHANES 2:16

it afuni sue pel hangge mene onggo wanhi lagaukwa mene omanogo wenagisigik isikhe. A'nogo wenagisikhi logolik he, ”Sue yoma helaluk wulibi lani o. An neisena awi wuri'mo yoma, yi mene ti mene onggo palharek oba hangge palhi lagep yi re, a'nogo hilingiti logogun mondok lego,” iluk wenagisasikhe.

KISAH PARA RASUL 27:32

A'nogo yagaisasikhemo, iren he, e so endep mene a'nogo kombi kelik welagaikhe mene tekhogo lakfisasukwama i lagaikhe.

2 KORINTUS 10:4

Nit weim yafi lago andi ebe re, afuni inasikhe inarigeba yafi lago fuk. We, Allah omame hokho welagarek mene a'nogo asikhe arigeba, o weim kat oba ninghogo wurik mene andi, elok meisalugun andiba yafi lago. It afuni ekhe inendawimo nen he, ”Allah andi ebe ninabit. It afuni ekhe at ebe inelu asugun legaro,” iluk inonggwaregen fogerakhagarek mene andi, niren sikhe sige andiba re, elok mabenetfisogoin aro. Nen, afuni inendawinggen we mene oba eberi'lagwi mene andi, niren sikhe sige andiba Kristus ane hologo hilingisuageluk awe a'ma elok fisa wesugun aro.