YOHANES 2:13 - Allah Wene Fano Wene Hupla Inane

¹³ Andoma werema nen, it afuni Yahudi mene nen he: ”Attagat Allah nen telninafikhe,” iluk, inendawimo eberek logolik wam domba warogo seni hokho isatarek mene enu Paskah faget nogoin oba arat horok agaikhemo re, Yesus o Yerusalem pisikhe.

YOHANES 2:13 ပူးပေါင်းရင်းမြစ်များ

NEHEMIA 13:8

A'nogo hilingitigisik he an na'mage mondok het-perisigisik he at Tobia asungge omanogo wokhigik hugisa wulibi wagagi.

MATIUS 21:12

A'nogo isukwama, at Yesus Allah awi wuri'mo kwisikhesik he, it afuni Allah awi wuri'mo kwisukwasik logolik, yi mene ti mene onggo wanhik, palhik, ikhi lagaukwa mene felelenghogo mugusogo-magaisogo enda'ma wulakfisigik, it ekhe uang e talek oba fesukwasik onggo wanhi lagaukwa mene inom, it ekhe e talogo inebe hurek logolik sue pel hangge mene onggo wanhi lagaukwa mene inom, e talek mene andi abel enden-fendenhogo potfisigik, ilik lagaikhesik he,

MARKUS 11:15

At Yesus lak o andoma nen o Yerusalem kwisukwa. Kwisukwasik he, at Allah awi wuri'mo kwisikhe hak he, it afuni andoma kwisukwasik logolik onggo wanhik, palhik, ikhi lagaukwa mene mugisogo-magisogo wulakfisigik, it ekhe uang e talek oba fesukwasik onggo awati lagaukwa mene inom, it ekhe e talogo inebe hurek logolik sue pel hangge mene onggo wanhi lagaukwa mene inom, e talek mene andi abel enden-fendenhogo potfisigik, ilik lagaikhe.

LUKAS 19:45

A'nogo yagaisasikhesik he, Allah awi wuri'mo kwisikhesik, it afuni onggo palhi lagaukwa mene mugisogo-magaisogo wulakfisikhi logolik he, mel yagaisasikhe:

LUKAS 2:41

Tahun ebe lombok mo lagagik pigik ugu kwelek, Yesus agaisa eisena emberek domba wam warogo seni Paskah hokhoba isago nouwogeluk he, o Yerusalem pikhi lagaukwa.

YOHANES 11:55

Welagaukwa andem sambul he, it afuni Yahudi mene seni enu Paskah nenggarek a'nogo mene nogoin oba arat horogasi wagaikhemo nouwogeluk logolik, it inenggi sabul horogo iluk, Yahudi mene hilingitarek hak hilingisuogeluk, inawi lombogen o Yerusalem andogoti lagaukwa.

YOHANES 13:1

Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe.

YOHANES 2:23

A'nogo isukwasik werek kwelek, o Yerusalem it afuni Yahudi mene wam domba warogo seni Paskah nunggu kwelek, at Yesus andoma inom logolik ebe futfouwageluk, elalin mene hilingirik lagaikhe andi nen he, afuni hokhorogo ineilenggen hasukwasik inendawinggen at oba himbiret fesukwa.

YOHANES 5:1

A'nogo hilingi'luk he, it Yahudi mene seni ekhe isati lagaukwa mene isatunem Yesus hobuk o Yerusalem pisikhe.

YOHANES 6:4

Nen, andem sambul he, it afuni Yahudi mene nen he, ”Allah nen telninafikhe,” iluk inendawimo eberogo seni Paskah nenggarek a'nogo nogoin oba arat horok asi wagaikhe.

ULANGAN 16:16

Hit afuni Israel mene nen ap mene nek mondogat he tahun misik hinenggi henagan oba obalik At hineisena Tuhan Allah nen wenagaisogo fikheba omanogo At ebe fogerasugun iluk waga logogun. Waga logogun mene andi re, ekhe Linggene Paskah faget a'nogo ebetu sambul, ekhe Linggene Enggen Palek a'nogo ebetu sambul, nen ekhe re Linggene O Sabu a'nogo faget ebetu sambul waga logolik, ap inebe lombogen obaget fugu mene iluk,