YOHANES 2:11 - Allah Wene Fano Wene Hupla Inane

¹¹ At Yesus ebe futfouwageluk elalin mene ekhe hilnigiti'le'ma attak hilingitikhe re, o Galilea o sili Kana logolik hilingitkhe andi. A'nogo hilingitikhe andiba, at fogeratarek mene inelurogo yagaisasikhemo, it at agoromi ane wanhi lagaukwa mene omanogo Yesus ebe futfesukwasik, inendawinggen at oba eberogoat himbiret fesukwa.

YOHANES 2:11 ပူးပေါင်းရင်းမြစ်များ

1RAJA-RAJA 17:24

A'nogo wogotikhemo, at he sogwe mene a'nogo nen he, Elia mel yagatikhe: ”An yogondak en, hat hebe Allah amingmingengge, iluk futhobagagirik, haren wene yaganeti lagen andi, nineisena Tuhan ane eberogoat ikhi lagen, iluk futfigi o, noe,” iluk yagatikhe.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 96:3

It afuni inunggulenu lombok andoma inoba At ebe andungdang welagarek mene a'nogo faget tindelhi logoni, Aren afuni inoba wesa polanhogo hilingiri'lago mene andoma faget pilingiti logoni.

KELUARAN 14:31

A'nogo wulakfisa wagaikhemo afuni Israel mene ineilenggen hasukwasik, Nineisena Tuhan omame hokhore'ma afuni Mesir mene mabenetfisaluk inoate andi nailo e, iluk hokhorogo fogeratukwasik, inendawinggen Allah oba himbiretfigik, At amingmingengge Musa ebe futfigik, isukwa.

KELUARAN 4:9

Meneat he, iren eberogoat iluk futfouwageluk, elalin mene henggi pireba hilingisigin mene ineilenggen hambigen, futfigi'legat inabirat logolik, haren yagaisagain mene andi holhi'legat hilingitu halok he, i Nil mene endebat ekhe hinagaisogo wanimbik he i andi kweangma kweisal hano. A'nogo hilingisu mo re, i andi eilhe mep mene hilinglasigin o,” iluk yagatikhe.

PENGKHOTBAH 9:7

Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

YESAYA 40:5

Andiba re At Tuhan Omame Mondok Hokho welagarek mene a'nogo weinamet fugunem yi afuni ti afuni inebe mondogaren ineilenggen hogoin o. Wene andi eberogo mene, Tuhan ebe nenat ikhe!”

MALEAKHI 2:2

Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

YOHANES 1:43

Enu a'nogo salhikhesik, nogo iluk ohealekwe re, at Yesus o Galilea lagai wesigeluk anggasikhesik lagai wagaikhe hak he, ap enu Filipus emberek ambi agaukwasik he, mel yagatikhe: ”Nagore. An nombo'ne eme o,” iluk ayonggo fesikhemo, at ombo'ne lagaikhe.

YOHANES 1:50

A'nogo yagatikhemo, at Yesus nen he mel yagatikhe: ”An nen hat e ara eroma hurek welagen a'naga an arat neilenggen hiigi o iluk, yagaheti andiba futnobagegen a? Andi re, we endebat hangge hilingitunem neegen meneat he, hobuk hokhorogo hilingitunem heilenggen neagain o,” iluk isikhesik,

YOHANES 10:41

Andoma were'ma, afuni hokhorogoat at oba wagaukwasik he, mel isukwa: ”At Yohanes nen elalin mene ekhe hilingiti lagaikhe mondok lek meneat he, aren ap yi abok ikhi lagaikhe a'nogo ane higit aga o,” iluk isukwasik he,

YOHANES 11:15

A'nogo wa'laga meneat he, hit hinendawinggen an noba eberogoat himbiret fobagaigen iluk, an andoma pigi'lek kamo igi andi, hit faget nendawimo nagaiyek anggikhi lagi o. Halok yogondak nit Lazarus ambit puogen we'ni o,” iluk yagaisasikhe.

YOHANES 11:47

A'nogo yagaisa lagaukwama re, it ap Allah eisewerek inogogwi kaindek inom, Farisi mene inomen he, it ap wene ero pilingiterek mene wolisasukwama wagaukwama re, mel yagaisasukwa: ”At ap andi ebe futfouwageluk elalin mene hokhorogo hilingiri'logo andi re, niren ninggi'nogo hilingisuok anggegep?

YOHANES 12:18

”At Yesus ebe futfouwageluk elalin mene a'nogo hilingite,” iluk isukwama afuni inebe hokhorogo inesanggo holhukwasi'mo nen he, Yesus elokhoma wulibi wagaukwa andi.

YOHANES 12:37

At Yesus ebe iren futfouwageluk ineilhanem elalin mene hokhorogoat hilingiti lagaikhe meneat he, iren, At eberogoat iluk, ebe futfikhi lagaukwa mondok lek.

YOHANES 12:41

At Yesaya nen wene a'nogo isikhe andi re, at Yesus hobuk hilingitunem ebe fogerasugun mene faget eilenggen hasikhesigen, at abok isikhe andi.

YOHANES 14:13

Nen at sa nen, yi mene ti mene an nenu hombuk palogo Allah kino yagate halok he, an amlogo nen hilingitunem, it afuni nen neisena fogerasuageluk, an nen hilingisigin o.

YOHANES 16:30

Hat he, afuni nen wene ekhe heinok wokhiigi'lek halok he, wene ebe honggot fugo. Hat he yi wene ti wene mondogat helu nek heogo o. Hat hebe eberogoat Allah nen lakhobagai wagaikhemo wagagin, iluk yogondagen futhobagago,” iluk yagatukwa.

YOHANES 2:1

A'nogo hilingiti lagaukwasik, nogo inenggi pire ilugen, inenggi ekheba nen he, o Galilea o sili ekhe enu Kana andi, ap ekhe agwe igetunem Yesus agaisa ayonggo fesukwama andoma inom welagaukwa.

YOHANES 2:23

A'nogo isukwasik werek kwelek, o Yerusalem it afuni Yahudi mene wam domba warogo seni Paskah nunggu kwelek, at Yesus andoma inom logolik ebe futfouwageluk, elalin mene hilingirik lagaikhe andi nen he, afuni hokhorogo ineilenggen hasukwasik inendawinggen at oba himbiret fesukwa.

YOHANES 3:2

At ap andi o hubanggo inenggi ekhe sambul Yesus oba wagaikhesik he, mel yagatikhe: ”Guru noe. Ap ekhe Allah emberek hundik lek halok he, haren elalin mene hilingirik nikhi lagen andi hak, hilingisu mondok elo'lego. Andi nen he, haren wene yaganisoageluk Allah nen lakhobagai wagama wagen, iluk ninelu ago,” iluk yagatikhe.

YOHANES 4:3

A'nogo ugunem, ”Inesanggo holha o,” iluk, Yesus elu agaikhesik he, at o Yudea herakfisaluk o Galilea ambotkwe lagai wesigeluk lagai wagaikhe.

YOHANES 4:46

At Yesus ebe a'nogo hai warogo wanhukwama re, attak at i we agai mene i anggur enggen amusu hilingitikheba o Galilea sili enu Kana a'nogo wagaikhe. Wagaikhesik were'ma, ap kain pemerintah mene ekhe awi o Kapernaum mene, amlogo oba ou hokho welagaikhe.

YOHANES 4:54

At Yesus ebe o Yudea nen Galilea attak lagai wagaikhesik afuni nen ebe futfouwageluk wene elalin mene attak ekhe hilingitikhesik oba nen, hobuk lagai wagaikhesik ekhe hilingitkhe andi.

YOHANES 6:14

A'nogo kwalogo fesukwama, at Yesus nen ebe futfouwageluk elalinat hilingitikhe mene andi it afuni ineilenggen hasukwama andi nen he, mel isukwa: ”Ap ekhe nen Allah ane kweangma yaganisa wesigin isukwa a'nogo eberogoat he, ebe yi aro,” iluk isukwa.

YOHANES 6:2

I aik elikwe wulifunem he, attagat afuni inoba ou mene elalinat higirinafunem ineilenggen hasukwasi'mo andi nen he, afuni inebe hokhorogoat esa logalfuluk at ombo'ne lagaukwa.

YOHANES 6:26

Aren he, mel iluk yagaisasikhe, ”An nebe futnobagauwageluk elalin mene hilingitunem hineilnggen neegep a'nogo nen hera'nabik wagep fuk. Lego. Sumburu roti mene sumburogo wokhisigimo hinalabut ninghogo nenggep a'nogo nenat hera'nabik wagep hisigi o, iluk eberogoat yagahisigi.

YOHANES 6:30

Iren he, mel yagatukwa: ”Hebe futhobagauwageluk, elalin mene ekhe hilingitunem nineilenggen healuk ninendawinggen hoba himbiret fouwogen he, ebe ki mene hilingisigin. Ekhe ninggi'nogo hilingisigin.

YOHANES 7:31

It ekhe nen fakfouwogeluk ikhi lagaukwa meneat he, it afuni hokhorogo omanogo inebe fena hokhorogoat inendawinggen Yesus oba eberogoat himbiret fesukwasik mel isukwa: ”Ap ari elalin mene hilingite andi re, elo'lek anggegep? Nen, afuni telninabuageluk Allah nen lakfei wesigin isikhe a'nogo wesimbik he, ebe futfouwageluk elalin mene hokhorogoat hilingisigin nogo? Lego,” iluk isukwa.

YOHANES 9:16

it ap Farisi mene ekhe nen he, mel isukwa: ”Ninenggi sabit oba Allah faget weat logogun iluk, wene palek mene andi sagalogo fikhesik hilingite andi nen he, at ebe Allah were'ma nen waga mene re lego,” iluk isukwa meneat he, it ap ekhe nen he, ”At ebe weak hilingiterek mene logoilepma re, wene futfouwogeluk elalin mene yi'nogo hilingisu hak nogo? Lego,” iluk, it inendawimo a'nogo hunogo tomok anggasukwasik inane sagalogo inebe minggilhukwa andi.

2 KORINTUS 3:18

Ineilenggen inafumak oba it afuni ekhe inebe pikhirat yerisagarek andi hak, nit mondogat ninelokhonggen kwe palek le'ma re, afuni nen ninoe Enupogot fogeratarek mene andi afumak hak ineilenggen yetnisili'lagwi. Nit ninebe at ninoe hangge asuageluk he, hobugalek hilingninafu mondok were'ma fogeratarek mene andi ekhe inomat hokhot ninobagali'logo. At Allah Areagun andi ebe Enupogot atma arenat hilingninabi'logo.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

ULANGAN 5:24

iren ikhi logolik, ’Nit endu oba nen At ane ugunem holho mene andi re nineisena Tuhan Allah At mondok aselek ombak-bak werek aple inom, along hokho mene werek aple inom, a'nogo weinamet fikhemo hogo. Allah ane a'nogo ikheba nen he we elalinhogo a'luk afuni ineluk werek.

1 YOHANES 5:13

Hit hinendawinggen Allah amlogo oba himbirik welagep mene halok hinendawimo nen he, ”Nabulal-habulal eise agosik welago,” iluk, hinelu asubagaigeluk, wene mondogat yi lisu palogo hinoba lakfei wagio.