YOHANES 18:1 - Allah Wene Fano Wene Hupla Inane

¹ At Yesus nen samban a'nogo arat isikhesik he, at agoromi ane wanhi lagaukwa mene omanogo at ebe inom wulibi lagaukwasik, i enu Kidron aik elikwe yabu e enggen nenggarek mene awi yagokwe wulifukwasik Yesus agoromi inomat andoma kwisukwa.

YOHANES 18:1 ပူးပေါင်းရင်းမြစ်များ

KEJADIAN 2:15

Hobuk Tuhan Allah nen he, ap a'nogo nen, e enggen yabu enu Eden ebe hilingitik, kwalogo welagik, ikhi logouwageluk andoma fesikhe.

KEJADIAN 3:23

A'nogo isikhesik, afuni a'nogo e enggen awi yagoma nen mugisogo wulakfisasikhesik he, mel yagaisasikhe, ”Hit hinebe kweang mene hilingi'mo re, hinonggweregen kweang mene sige palogo yabu helikhi logoino o,” iluk mugisogo wulakfisasikhe.

2 SAMUEL 15:23

At Daud agoromi tentara omanogo inom o kota inebe welagaukwa ba a'nogo herakfuluk wulifunem he, it afuni o andoma welagaukwa mene omanogo inebe mondogat inane hokhorogo le agaukwa. A'nogo le agu kwelek, at Daud agoromi tentara esa logalek woginarek nikhi lagaikhe mene omanogo mondogat inom i Kidron palogo wulifukwasik, o leimo afuni le'ma higit andoma lagaukwa.

1RAJA-RAJA 15:13

Aren he, ombalo he Maakha a'nogo nen kembu he mene dewi Asyera yi mene ti mene heiselherek mene iluk mondok elokhe weak mene wutikhe a'nogoba re, he andi hun raja agwe a'nogo agaisa iluk welagaikhe mene a'nogoba nen sanokhogo pelakfesikhe. At Asa nen he kembu wurik mene a'nogo moluluk isasikhesik he o Kidron tonggoma andoma nen endu nolhikhe.

1RAJA-RAJA 2:37

Nen haren hailo legengge wulibi lambik i endep mene enu Kidron andi palogo lagain halok he hat hebe hoasugun o, Nen a'nogo hilingisugun mene andi re hat honggwaregen enek ambisangma saburagain o,” iluk yagatikhe.

2 RAJA-RAJA 23:12

At Yosia nen a'nogo hilingiti logolik, afuni Yehuda mene inogogwi raja attak mene nen wam yi mene ti mene tugwi kembu faget noleti logogun kwe ap raja Ahas aiba o tum ebene wutukwa mene meisa'lambukhogo lakfisasikheat. A'nogo hilingiti logolik, at raja Manasye nen attagat wam yi mene ti mene tugwi kembu faget noleti logogun kwe Tuhan awi wuri'mo o sili abel fena-fena andoma wutikhe mene omanogo meisalogo re, o Kidron tonggoma andoma hugisa lagaikhe.

2 RAJA-RAJA 23:4

A'nogo isukwasik, at raja Yosia nen he, ap Allah eisewerek mene inoe Hilkia ebe inom, agoromi lebethikhi lagaukwa mene inom, ap Tuhan awi wuri'mo kwe kwagarek oba kagalek welagaukwa mene inom, inomen afuni ekhe inandugwi kembu ineisena Baal inom, inagaisa Asera inom, hesagal pogoroba mene inom, fogerati lagaukwa mene andi faget hilingiti logogun kwe yi mene ti mene Tuhan awi wuri'mo welagaikhe mene mondogat wulakfisa wesuagaluk yagaisasikhemo, wulakfisa wagaukwama re, at raja Yosia nen yi mene ti mene andi mondogat o kota leget enda'ma i Kidron tonggoma horokhogo andoma endu nolhikhe. A'nogo arat nolhikhesik, wul he, o Betel fei lagaikhe.

2 RAJA-RAJA 23:6

A'nogo legetfikhi logolik, kembu dewi Asyera alik hilingik mene o Tuhan awi wuri'mo welagaikhe mene a'nogo waluk wulibi wagaukwasik, o kota leget enda'ma o Kidron tonggoma andoma fei lagaukwa. Andoma nen he kembu alik hilingik a'nogo endu nolhukwasik he, endu helangasin he wolelenggen hogo wul alhakhogo tamulogo re it afuni wa'lagunem salinafi lagaukwa kwe omanogo pelabik lagaukwa.

2 TAWARIKH 15:16

A'nogo hilingitukwasik he, at hun raja ombalo enu Maakha a'nogo nen kembu he mene enu dewi Asyera kweang yi mene ti mene heiseli'lago mene iluk mondok weak hokhorogo hilingiti lagaukwa mene a'nogo alik hilingisogo wutikhe andi nen he, at ombalo andi eabu re he raja agaisa iluk u hak he Ibu Suri agarek mene a'nogo halokhogo leget fisasikhe. A'nogo leget fesasikhesik he at Asa nen kembu alik waganek a'nogo o Lembah Kidron andoma nen eraphogo nolhikhe.

2 TAWARIKH 30:14

It a'nogo kabogesi wagaukwasik iren he o Yerusalem andoma kembu dewa obaget wam warogo noletik, amep fanongge hilingiti lagaukwaba mezbah omanogo mondogat hambokhogo waluk he o Lembah Kidron omanogo hugesi lagik isukwa.

NEHEMIA 2:15

A'nogo hilinglagaikhemo, o Kidron tonggoma andoma pisugusigen o wei igi'lek werek kwelegat o kota leget pa'leget wurik welagaikhe mene kogolik kwanirogo re, kwe ambe palek ekhe enu Tonggoma a'nogo kwe nen ninambotkwe o kota kwi wagagu.

YEREMIA 31:40

O tonggo andi mondogat afuni salinafukwe iluk welagarekwe andoma inom, weak-weak engge hugesi lagukwe andoma inom he, i Kidron ima nen yabu waganekwe andoma kwe nen he kwe ambe palek enu Pintu Gerbang Kuda abel timur fikhit andoma re An nobaget enogo fogoin. Kota Yerusalem andi re afuni nen hobuk molulukhogo figik, wolelenggenhogo lakfigik ugun mondok lego,” ikhe.

IMAMAT 2:6

Roti fei wagu mene a'nogo kut-kut hilingfuluk he zaitun amusu a'nogo pelak fikhi logogun.

MATIUS 26:30

Wene a'nogo yagaisasikhesik he, wuni Allah awuni ekhe wa'luk wulifukwasik he, punu Zaitun oba lagasukwa.

MATIUS 26:36

A'nogo isukwasik he, at Yesus ebe inom, agoromi ane wanhi lagaukwa mene omanogo inom, inom Getsemani yabumo lagaukwasik agoromi mel yagaisasikhe: ”An horok ya lambik samban ugu kwelek, hit yoma hurek logoni o,” iluk yagaisasikhe.

MARKUS 14:26

wuni Allah awuni ekhe wa'luk wulifukwasik he, Zaitun punuba lagasukwa.

MARKUS 14:32

Wene a'nogo ilik-ilik he, yabumo ekhe enu Getsemani lagaukwa. Lagaukwasik, at Yesus nen he, mel yagaisasikhe: ”An horok ya lambik samban igin enggere, hit ya hurek logoni,” iluk agoromi ane wanhi lagaukwa mene omanogo yagaisasikhe.

MARKUS 14:42

Halok louwogen he, menla'ni o. Ap an noasuogeluk yonggo laga mene a'nogo re, horogat asi waga,” iluk yagaisasikhe.

YOHANES 14:31

A'nogo meneat he, an neisena nendawinggen hundik welagirek andi afuni kweangma mene inelu asuageluk, an neisena nen komorogo yaganeterek meneat hilingiti lagi o,” iluk yagaisasikhesik he, ”Nagoromi. Louwogen siakhogo menla'ni o,” iluk yagaisasikhe.

YOHANES 18:26

Labelhi lagaikhemo re, ap Allah eisewerek inoe kain mene a'nogo amingmingengge mene ekhe, ap Petrus en esanggo sabelogo lakfesikhe mene a'nogo agailak ekhe nen he, ”Hat he, hebe at hinom yabu e enggen awi yagokwe were'ma neilenggen hiigi anggigi,” iluk yagatikhemo,

KISAH PARA RASUL 21:11

Wagaikhesik, nit ninoba kwisikhesik he, alinggin Paulus ugu welagaikhe mene, aren nonggologo wanhikhesik he, onggwaregen enggi eisok hele homatikhesik mel isikhe: ”Allah Areagun en he, Ap alinggin yi eisewerek mene, ebe o Yerusalem lagunem he, ap Yahudi mene nen hele yi'nogo homakfembik, it ap endakwe mene inenggiba fogoin o, iluk yaganetemo,” iluk isikhe.