YOHANES 17:8 - Allah Wene Fano Wene Hupla Inane

⁸ Wene haren yaganetigin mene omanogo it arat yagaisigimo, arat wanhasik, an faget ikhi logolik he, Allah nen lakfei wagama, at were'ma andoma nen eberogoat waga, iluk inelu agaikhasik he, nebe futnobagaga o.

YOHANES 17:8 ပူးပေါင်းရင်းမြစ်များ

AMSAL 1:23

An nen hinenggali warogo komothinafu halok he, hinafe hebela'luk nanehologo hilingiti logoni o. A'nogo hilingisugun halok he, an nendawimo wene hinago mene andi fakhogo weinama fuluk wene nelu mene yagahisagain werego.

AMSAL 1:3

Wene a'nogo hilingiti logogun mene faget isikhe andi re, afuni inobabut higithogo hilingitarek andi inom, inendawinggen kagalek welagaikharek andi inom, wene heirogo tegetarek andi inom, inane eberogo wene agarek andi inom, fanorogo inelu asuak anggasikhesik komorinafikhe.

AMSAL 2:1

Namlogo e, an nen wene yagaheti lagi mene andoma helikhi logolik he, komo yagaheti lagi mene andoma eberek mondok logoino o.

AMSAL 4:10

Namlogo e, an nane furogo holin o! Nen an nen komo wene yagaheti lagi mene andoma fitfut fuluk hilingiti logogin halok he, hat hebe umur uanhogo logogin o.

AMSAL 8:10

Uang perak andiba inom, emas ebe mene andiba inom, we endebat hangge wanhi logogun meneat he, wene an nen komorinafirek wene andi inom, yi wene ti wene inelu agaikharek wene andi inom enek he, mondok hokhorogo wanhi logoino o.

MATIUS 13:11

at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.

YOHANES 12:49

an nendawimo nen kagalogo yagahisikhi lagi fuk. Lego. We, an nen yagahisoageluk an neisena laknobagai wagaikhe mene a'nogo nenat, yi'nogo in, ti'nogo in iluk, yaganetu kwelegat yagahisikhi lagi o.

YOHANES 14:10

An nen neisena nemberek hundik, nen, neisena nen an nemberek hundik, welagorek andi, hat futfikhi lagen lega?” iluk yagatikhesik he, it mondogat yagaisikhi logolik, ”An nen wene yagahisigirek andi, an nendawimo nen kagalogo yagahisigirek fuk. Lego. We an neisena nemberek hundik logolik, an naneba nen igik, nenggiba nen hilingitik, igirek mene andi, at onggwaregenat hilingiri'logo o.

YOHANES 15:15

It afuni inamingmingengge mene andi, inogogwi hilingitarek mene inonggot andi nen he, an nen huli yogondak yiba nen, hit an namingmingengge, iluk yagahisagain lego. Yi wene ti wene neisena nen yaganetikhe mene mondogat yagahisikhi lagi andi nen he, nagaila'lak, iluk yagahisikhi lagi andi o.

YOHANES 16:30

Hat he, afuni nen wene ekhe heinok wokhiigi'lek halok he, wene ebe honggot fugo. Hat he yi wene ti wene mondogat helu nek heogo o. Hat hebe eberogoat Allah nen lakhobagai wagaikhemo wagagin, iluk yogondagen futhobagago,” iluk yagatukwa.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

YOHANES 17:18

Haren an nebe afuni kweangma mene inoba laknobagai wagagin a'nogo hak, an nen it a'nogoat afuni kweangma mene inoba lakfisigi o.

YOHANES 17:21

Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.

YOHANES 17:23

It eberogoat inebe misigat logouwagen he, it he an ninom hundik, nen hat he an ninom hundik logouwogo. A'nogo logogun halok, it afuni kweangma mene nen ikhi logolik he, At andi re, eisena nen lakfei wagaikhesik ebe endawinggen hundik welagarek andi hak, it inebe at, faget tegelek were'ma endawi hundik hilinginaferego, iluk inelu asimbik futfogoin o.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

YOHANES 3:17

Nen, an Allah amlogo kweangma yoma laknobagai wagaikhe andi re, yi afuni ti afuni wene inoba fuluk weagerinabuageluk laknobagai wagaikhe fuk. We, inebe telinabuageluk laknobagai wagaikhe o.

YOHANES 3:33

A'nogo herakfisagarek meneat he, it afuni ekhe nen he, Aren wene pilingisogo yaganisikherek mene andi eberogoat, iluk Allah ane andi wanharego.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

YOHANES 8:42

aren he, mel yagaisasikhe: ”Hit he, eberogoat hineisena Allah logoilepma re, an nerabisak nendawimo nen anggaluk wagi fuk. We, nebe nero Allah mene, aren laknobagai wagama wagarik welagi mene andi nebe hinendawirogo logoilebo.

1 KORINTUS 11:23

Wene a'nogo hilingiti logogun mene faget, ninoe Enupogoren yaganetikhemo re, an nen hit yagahisasigi andi.

1 KORINTUS 15:1

Nerugwi nagaila'lak. Yogondak he, an nen wene ekhe hinendawimo ebethisak. An nen fano wene yagahisa wagagimo wanhigipsik he, hinendawinggen fano wene andiba wurik agepsik welagep andi.

ULANGAN 18:18

Andi nen he, ap it mene ekhe haren An nane yagaisegendek andi hak yagaisikhi logouwagaluk ayonggo fembik inoba lakfei wesigin o. A'nogo lakfei wesimbik, wene afuni andi yagaisikhi logouwagaluk An nenat yagasigin o. A'nogo yagasumo, aren wene An nen, yi'nogo yagaisano, ti'nogo yagaisano, iluk yagahesigin mene andi mondogat it afuni andi yagaisikhi logogin o.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.