Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANES 17:23 - Allah Wene Fano Wene Hupla Inane

23 It eberogoat inebe misigat logouwagen he, it he an ninom hundik, nen hat he an ninom hundik logouwogo. A'nogo logogun halok, it afuni kweangma mene nen ikhi logolik he, At andi re, eisena nen lakfei wagaikhesik ebe endawinggen hundik welagarek andi hak, it inebe at, faget tegelek were'ma endawi hundik hilinginaferego, iluk inelu asimbik futfogoin o.

အခန်းကိုကြည့်ပါ။ ကော်ပီ




YOHANES 17:23
31 ပူးပေါင်းရင်းမြစ်များ  

Meneat he, an nen hilingitu kwelegat, hit eberogoat iluk hinendawinggen an noba himbiret fou hinabit andi o. A'nogo hilingiti lagi mene andi eberogoat iluk futfeni o,” iluk a'nogo yagaisikhi lagaikhemo,


Hit-hit a'nogo nendawi-hendawirogo hilingiti logogun halok, it afuni mondogat ineilenggen hisaluk, it yi Yesus agoromi eberogoat higi, iluk inelu asugun o,” iluk yagaisasikhe.


An nen neisena nemberek hundik, nen, neisena nen an nemberek hundik, welagorek andi, hat futfikhi lagen lega?” iluk yagatikhesik he, it mondogat yagaisikhi logolik, ”An nen wene yagahisigirek andi, an nendawimo nen kagalogo yagahisigirek fuk. Lego. We an neisena nemberek hundik logolik, an naneba nen igik, nenggiba nen hilingitik, igirek mene andi, at onggwaregenat hilingiri'logo o.


at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.


At Yesus nen wene a'nogo yagaisasikhesik ekhe mel yagaisasikhe: ”Neisena nen an endawinggen hundik welagarek andi hak, an nen hit nendawinggen hundik welagi o. A'nogo hit nendawinggen hundik welagi o. A'nogo hit nendawinggen hundik logoigen he, an ninom hundigat logoino o.


Yogondak an he, kweangma yoma inukhogo logogin lego. We, hat hoba wesigin meneat he, it enek he, kweangma yoma logogun o. Hat weak hilingiti'lek tegelek mondok welagendek mene, Neisena. Nit nemberek ninebe misigat welagorek a'nogo hak, it a'nogoat inebe misigat logouwagen he, hat henu esin mene an salnafigin andiba, it ferinarek logoino, neisena.


Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.


Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.


Neisena, haren an hendawitnafigin a'nogo, it-it a'nogoat nendawi-hendawirogo logolik, an nebe it ninom hundik logouwogeluk, hat henu iluk hawene yagaisikhi lagirik ekhe inomat yagaisikhi logogin aro,” iluk samban isikhe.


It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.


Wene haren yaganetigin mene omanogo it arat yagaisigimo, arat wanhasik, an faget ikhi logolik he, Allah nen lakfei wagama, at were'ma andoma nen eberogoat waga, iluk inelu agaikhasik he, nebe futnobagaga o.


Nen, an Allah amlogo kweangma yoma laknobagai wagaikhe andi re, yi afuni ti afuni wene inoba fuluk weagerinabuageluk laknobagai wagaikhe fuk. We, inebe telinabuageluk laknobagai wagaikhe o.


Ap sa nen an nebe ninggik, namep ninggik, ili'logo halok he, aren an nemberek hundigat, nen, an nen, at nemberek hundigat, logogun o.


At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.


Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.


Wanhigipsik, hobugen he, hit mondogat he, Kristus Yesus hinom hundik logolik hinebe misigat mene welagep andi nen he, hit fena Yahudi mene, fena Yunani mene igik, fena inamingmingengge mene, fena inale'ma mene igik, fena hemi, fena ap igik, ikhi logogun lek.


Halok he, nit ninendawinggen wurik mene yi re, wene andi faget futfikhi logouwogo. A'nogo meneat he, hit hinendawinggen wene amu meneba ebeti lagep halok he, fut fouwageluk at Allah nen furogo yagahisagain aro.


Andi nen, niren he, wene Kristus abok andi fakhogo afuni mondogat inebe lombok yagaisilik laga lago. A'nogo yagaisikhi lago andiba, inebe lombok Kristus inom hundik logolik, inendawinggen wurik asumo Allah ba woginarek wesuogeluk, ninendawimo eberek mondok logolik, komorinafik, wene yagaisigik, ilik laga lago andi.


Hit hinendawinggen ago warogo logolik, hit-hit hinom hundik nendawi-hendawirogo logobagaigeluk a'nogo hilingiti lagio. Hit a'nogo logolik he: ”Wene andi eberogoat,” iluk, futfuluk menenei mondok ebeti'lek logolik, wene Allah endawimo hinago welagaikhe wene andi furogo hinelu asuguno. Wene andi re, Kristus ebe aro.


A'nogo hilingiti logolik, ebe esin hangge re, afuni inebe hinendawirogo logoino o. Inendawirogo welagaikharek mene andiba re, hinebe misiga'luk lambulogo logou hagat logogun andi.


Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.


Ebe nit nineilenggen higik, ninesanggo holhik, isugu mene andi, nineisena Allah amlogo Yesus Kristus emberek ninom hundik welagorek andi hak, hit nit ninom fano hundik logouwogeluk yagahisikhi lago o.


At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.


Attak Allah nen tak endawitninafikhe andi nen he, nit ogo re, nit-nit nendawi-hendawirogo logouwogo.


Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ