YOHANES 17:17 - Allah Wene Fano Wene Hupla Inane

¹⁷ Hat hane ikhi lagen mene andi re, ebe wenearo. Nen, hane ebe wene andiba, it inebe hat honggwarek fagerat logouwagen wenagaisogo fisan o.

YOHANES 17:17 ပူးပေါင်းရင်းမြစ်များ

2 SAMUEL 7:28

Neisena Allah Henupogot mene, Allah hebe aro, neisena. Haren, yi'nogo hilinghinabigin, iluk wene warisegendek mene mondogat ebe tiphogo nek hilingitendek mene a'nogo nen, wene esin mene andi an wa'neten andi, neisena.

MAZMUR 119:104

Hat hawene melalek andi nen he an mondogat nendawimo hebelek mene hilingnobagagunem he, inobabut mondok hena-hena hilingitarek mene andi re an nen mondogat nabit anggikhi lagi.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 119:144

Haren yi'nogo hilingiti logoino ti'nogo hilingiti logoino iluk wene fesigin mene andi re mondok katokhogo nek hilingik werek, an neluk ekhe inom logouwageluk Haren wenggelek mene ekhe inom wo'nom.

MAZMUR 119:160

Hat hane andi mondogat he eberogo mene nek, Hat hawene melalek mondok higit mene andoma re mondok-mondok logogin mene.

MAZMUR 119:9

Ap souge mene re Hat Hawene melalegen ugu mene a'nogo hologo higithogo hilingitu halok he, at ebeba weak mene ekhe agi'lek logou hago.

MAZMUR 12:6

Oba nen At Tuhan nen ikhi logolik, ”Afuni inenggi lek mene enggin-fenggin hilingfisigik, afuni weak-peakhogo welagaikharek mene inom wene palhik, hilingfisugunem, iren ninoba fanorogo nek logoilo ago, iluk anggagarek mene andi, yogondak An nen hilinginabigiluk arat waga lagi o,” ikhe.

LUKAS 8:11

A'nogo yagaisasikhesik he, hobuk ekhe mel yagaisasikhe: ”Wene oba lirogo yagahisigi a'nogo ebe yi. Feik lakfilik lagaikhe igi a'nogo re, ebe Allah ane andi aro.

LUKAS 8:15

Nen, kweang fanoma pisikhe andi ebe re, it afuni ekhe fano wene andi inesanggo holharesik he, inendawinggenma mondok furogo helagaresik herakfigi'lek fisogo logolik, enggen hokho iterek andi aro,” iluk yagaisasikhe.

YOHANES 15:3

Nen, hit he, an nen wene yagahisigirek andi nen he hinawulfuk hangge palogo wusa yogologo hinobagagimo welagebo.

YOHANES 17:19

It inebe hat honggwarek faget ebe weneba tegelek logouwageluk he, an it faget nebe tegelogo fisigirik welagi o.

YOHANES 8:32

wene ebe wene hinelu asigin o. Hinelu asumo, wene ebe wene andibaat hinebe hele fikhalogo hinale'ma hinobagagin o,” iluk yagaisikhi lagaikhemo,

YOHANES 8:40

Menere, an wene ebe wene Allah nen ugunem nesanggo holhigi meneat yagahisikhi lagi meneat he, hiren an nebe noasuogeluk naweim abok ikhi lagep andi hak, at Abraham en a'nogo hilingiti lagaikhe lek meneat hilingiti lagebo.

KISAH PARA RASUL 15:9

It hunogoat hilinginafik, nit hunogoat hilingninafik, igi'lego. We, iren Yesus ane eberogoat iluk wanhukwama re, aren inendawimo horinafikhe andi.

2 KORINTUS 3:18

Ineilenggen inafumak oba it afuni ekhe inebe pikhirat yerisagarek andi hak, nit mondogat ninelokhonggen kwe palek le'ma re, afuni nen ninoe Enupogot fogeratarek mene andi afumak hak ineilenggen yetnisili'lagwi. Nit ninebe at ninoe hangge asuageluk he, hobugalek hilingninafu mondok were'ma fogeratarek mene andi ekhe inomat hokhot ninobagali'logo. At Allah Areagun andi ebe Enupogot atma arenat hilingninabi'logo.

EFESUS 4:21

Hit at abok holhigipsik hinom hundik logolik, ebe wene Yesus hilingitikhe wene andi, yagahisasukwama wanhigip anggigi.

EFESUS 5:26

At Kristus nen a'nogo hilingitikhe andi re, nit Allah againafuri mondogat ninebe ninagambut pale'lek, ninagap pulangsek lek, fano logou hak, at eilhanem wene ninoba lekhogo, fano mondok tegelek logouwageluk, ninebe ima pelakninafunem, at Aweneba sobalogo ninobagaluk, at onggwarek faget fakhasikhesik ebe wa'lagaikhe andi.

2 TESALONIKA 2:13

Nerugwi nagaila'lak. Hinebe ninoe Enupogoren endawi werego. Eroba Allah nen hinebe telhinabigeluk wenak hinafikhemo, hiren ebe wene andi eberogoat iluk wanhik, nen, hinebe Allah Areagun en Allah onggwarek faget fakhaluk tegelogo hinobagagik ikhi logogun andiba telhinabigin andi nen, nit Allah hai wasugun higithogoat hit faget hai watu mondok welago.

YAKOBUS 1:21

Andi nenat, yi weak ti weak inenggali lek hilingirik nikhi lagep mene andi herakfisigik, weak hokhorogoat hilingirik nikhi lagep mene andi herakfisigik, ikhi logoino o. Wene fano wene Allah nen hinendawimo awi yagaisogo fikhe mene andiba elok telhinabigin andi nen he, at awe a'ma kuluk, aren wene hinendawinggenma kagali'logo mene andiat wanhi logoino o.