YOHANES 17:14 - Allah Wene Fano Wene Hupla Inane

¹⁴ Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

YOHANES 17:14 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

AMSAL 29:27

Ap fano hilingiterek mene re ap weak hilingitarek mene inom endawi hundik welagarek lek, ap weak hilingitarek mene nen ap higithogo hilingitarek mene inoba ina'mage fagarek.

ZAKHARIA 11:8

An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.

MARKUS 10:39

iren he: ”Elok nogoin o,” iluk yagatukwama, aren yagaisikhi logolik, ”An yi enggin ti enggin hilingnabugun andi hak, hit a'nogoat hilinghinabugun o. Nen, ima pelaginafarek hak, an pelaknobagagun andi re, hit a'nogoat pelakhinabugun o.

YOHANES 17:16

An nebe kweangma mene lek, andi hak he, it ogo, kweangma mene legaro.

YOHANES 17:8

Wene haren yaganetigin mene omanogo it arat yagaisigimo, arat wanhasik, an faget ikhi logolik he, Allah nen lakfei wagama, at were'ma andoma nen eberogoat waga, iluk inelu agaikhasik he, nebe futnobagaga o.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

YOHANES 8:23

aren mel yagaisasikhe: ”An nebe re, pogot abel ponggwe mene wagarik welagi o. Menere, hit enek he, abel manggwe yoma mene o. Hinawi ero kweangma yoma aro. Mene re, an nawi ero kweangma yoma lego.

1 YOHANES 3:12

Niren he, at Kain ebe Iblis obabut weak mene andi amlogo agaikhesik onggwarek agot watikhe andi hak hilingisugun lego. Aren agot watikhe andi nenahalok watikhe nogo. At hilingiti lagaikhe mene weak mondok, nen, agot hilingiti lagaikhe mene fano mondok, andi nenat watikhe o.

1 YOHANES 3:13

Halok, nerugwi nagaila'lak e. Afuni kweangma mene nen, hit inabit mondok hilinghinafu halok he, ”Nailo e,” iluk hinendawinggen fitubo.