YOHANES 17:13 - Allah Wene Fano Wene Hupla Inane

¹³ An nebe hat hoba wesigin meneat he, yogondak kweangma ya logolik, an nendawimo nagaiyek higirek andi hak, it inendawimo inagaiyek mondok anggoageluk, wene mondogat andi yagaheti o.

YOHANES 17:13 ပူးပေါင်းရင်းမြစ်များ

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

MAZMUR 126:5

Afuni nen, le yagaisogo awi yati logogun mene re, hobuk iren enggen palugun sambul andi re inagaiyegen wuni warogo palikhi logouwak.

MAZMUR 43:4

An nebe Hat faget mezbah wam yi mene ti mene warogo nolhetarek oba andoma nen an nendawimo nagaiyek higirek mene re, Hat hebeat welagen andi nen he nendawimo hokhorogo nagaiyek hikhi lagi mene andi, pinggong aneba fogethafi logogin o. A'nogo hilingiti logolik, neisena Allah, neisena Allah, iluk hai wathafik, fogethafik, ikhi logoigeluk yagaheti lagi o.

YOHANES 13:3

A'nogo endawimo kagalhikhemo, at Yesus endawimo nen he, ”Neisena nen yi mene ti mene mondogat an nenggiba fikhemo werek anggigi. Nen, an nebe Allah were'ma nen pi wagagisik, hombuk nambotkwe at oba lagagin anggigi,” iluk elu welagaikheat.

YOHANES 15:11

Nen, an nendawimo nagaiyek anggigirek hak, hit hinendawimo hinagaiyek hikhi logolik, hobuk hinendawimo hinagaiyek hokhorogo ikhi logobagaigen iluk, wene andi mondogat yagahisigi o.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

YOHANES 17:11

Yogondak an he, kweangma yoma inukhogo logogin lego. We, hat hoba wesigin meneat he, it enek he, kweangma yoma logogun o. Hat weak hilingiti'lek tegelek mondok welagendek mene, Neisena. Nit nemberek ninebe misigat welagorek a'nogo hak, it a'nogoat inebe misigat logouwagen he, hat henu esin mene an salnafigin andiba, it ferinarek logoino, neisena.

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

YOHANES 7:33

A'nogo ugu kwelegat, at Yesus nen he, mel yagaisasikhe: ”An we, elama faget nenggi endebat ninom logombik he, At laknobagai wagaikhe mene a'nogo oba nambotkwe arat lagain o.

KISAH PARA RASUL 13:52

Kwi lagaukwama, afuni o Antiokhia andoma mene Yesus ane wanhukwa mene halok Allah Areagun inendawimo peterogo kwisikhemo inagaiyek hokhorogo agaukwa.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

1 YOHANES 1:4

Nen, wene yi faget ninendawimo ninagaiyek anggikhi lago mene andi, hobuk ninendawimo hokhorogo eberogoat ninagaiyek hakhouwogeluk lisu palogo hinoba lakfei wago andi.

2 YOHANES 1:12

Wene hokhorogoat hinoba lakfei wesu mene werek meneat he, suesingga lisu amusuba palu re, nabiro. We, ninendawimo ninagaiyek hikhi lago mene andi ebenagaik ninagaiyek houwogeluk he, ninom misi'mo weneane ninelhaba yet-yet uogeluk, an nebe hinoba wesigin anggikhi lagi o.