YOHANES 17:1 - Allah Wene Fano Wene Hupla Inane

^1-2 At Yesus nen wene a'nogo yagaisasikhesik he, at ot legeisogo eilenggen pogoroba liakhasikhesik he, mel isikhe: ”Neisena. An hilingnabugun a'nogo arat horogasi waga o. Haren attagat afuni ekhe wo'netigin mene halok inebe lombok an hamlogo nen hilinginabumo ineluk mondok logouwageluk afuni mondogat nenggiba fesigin andi nen he, hat hebe esinet hobagaigen, an hamlogo esinet nobagaime o, neisena.

YOHANES 17:1 ပူးပေါင်းရင်းမြစ်များ

MAZMUR 123:1

Allah awi wuri'mo lagakhi logolik wuni watukwa awuni. Tuhan neisena Hat hebe o pogoroba melalinafi lagen mene a'nogo, an neilenggen Hat hoba liakharek logolik welagi.

YESAYA 38:14

An nane re mondogat wonghogo pilagarik omame le'lek lagunemen, sue mulugen ane nginuk ane ugunem hangge hilinglagari'mo nen. An neilenggen pogoroba liabek-liabek he neil ou nabi'logo o, Tuhan neisena enggin mene ariba nen fikhalogo nobagain o.

MARKUS 14:41

Kamo isukwama re, at enggi pireba eilenggen isa wagaikhesigen, hobuk lagaikhesik isa wagaikhesik he, mel yagaisasikhe: ”Hit set walogo nogo mondok ugu logogun a? Nogo arat egebo. An hilingnabugun a'nogo yogondak yi aro. Ap ekhe nen it ap weak hilingiri'lagwi mene nen, an abat ta'lasi wagagi a'nogo noasuageluk inenggiba arat nobagagun yi yethani!

LUKAS 18:13

at ap uang pemerintah faget kino iluk andogoterek mene a'nogo nek he, ebe yatma mendek logolik ot legeisogo eilenggen pogoroba higit liak higi'lek ailorogo logolik, enggi nen endawinggen fothikhi logolik he, mel isikhe: Allah neisena e! An weak hilingiti lagi mene yi hendawi nean o, iluk yagatikhe.

LUKAS 22:53

Hundik-handigat Allah awi wuri'mo hit an ninom logolik faknobagagi'lek welagepsigen he, yogondak yi nek he, o mum eise welagarek mene a'nogo omame agama re, hiren faknobagagun higit obaat wagep yi o,” iluk yagaisasikhe.

YOHANES 11:4

at Yesus yagasi lagaukwama, esanggo holhikhesik he, mel yagaisasikhe: ”Ou oba agama werek andi nen ebe wa'lasigin fuk, we an nen higitunem afuni nen Allah ebe fogeratik, amlogo an fogetnafik, uageluk ou oba aga andi o,” iluk yagaisasikhe.

YOHANES 11:41

iren helep a'nogo lenggakhogo lakfesukwama re, Yesus eilenggen pogoroba liakhasikhesik he, mel isikhe: ”Allah neisena. An nane hesanggo holhen andi nen he, hai wathafi lagi o.

YOHANES 12:23

A'nogo yagasi lagaukwama, at Yesus nen he mel yagaisasikhe: ”An abat ta'lasi wagagi a'nogo, nebe fogetnabugun oba arat horogasi waga o.

YOHANES 13:1

Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe.

YOHANES 16:32

A'nogo yagaisasikhesik he, ekhe mel yagaisasikhe: ”Hit mondogat pugulogo wulakhinobagaumo, an namu nek heraknobaluk hinawilokwe lombok pugulugun oba oan welago meneat he, yogondak arat asi waga o. Hit a'nogo pugulumo, an neisena nemberek logogun andi nen he, nalegat logogin lego, iluk eberogoat yagahisigi,” iluk yagaisasikhesik,

YOHANES 7:30

iren Yesus ebe fakfouwogeluk isukwa meneat he, at ebe fakfogoin oba higit asi wagi'lek andi nen he, ebe inenggi fak figi'lek kamo isukwa.

YOHANES 7:39

Iluk, wene a'nogo yagaisasikhe andi re, afuni inendawinggen at oba eberogoat himbiret fagarek mene nek inebe lombok Allah Areagun wogisagain, iluk abok isikhe meneat he, andem sambul at Yesus ebe fogeratu kwelek lagagin a'nogo oan lagagi'lek andi nen he, Allah Areagun oan pelabi wagi'lek werek kwelek isikhe.

YOHANES 8:20

Wene a'nogo yagaisasikhe andi re, at ebe Allah awi wuri'mo peti uang Allah faget fisagarek oba era'lu logolik isikhe. A'nogo ugunem, at ebe fakfogoin oba horogasi wagi'lek werek kwelek andi nen he, it afuni omanogo ekhe nen fakfigi'lek kamo isukwa.

KISAH PARA RASUL 3:13

Nineisena Allah andi, Abraham inom, Ishak inom, Yakub inom, ninombalak ekhe inom, ineisena Allah andi nenat he, amlogo Yesus esinet fesikhe andi. Mene re, hiren, it ekhe nen wasuageluk inenggiba fegepma re, at Pilatus nen enggi hele fikhalogo wulakfeigeluk ugunem, hiren he, Ap andi ninabiro, iluk egep a'nogo.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.