YOHANES 16:11 - Allah Wene Fano Wene Hupla Inane

¹¹ Nen, ekhe re, Allah nen afuni kweangma mene inoe kain a'nogo wene oba fikhesik mabenet fikhemo werek andi nen, at lebethisikhi logogin mene andi wesimbik he, Allah nen wene inoba figik, kotik, ikherek mene andi faget fakhogo yagahisa wesigin aro.

YOHANES 16:11 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

MAZMUR 68:18

At Allah re angge kereta mondok hokho pokhorogo inenggi wenasu elo'lekhogo meneba, o Sinaiba nen At Awi obalik Mondok hore'ma omanogo kwigiluk weinam asi wagarek.

MATIUS 12:18

At Allah nen he, ”Yethani! At andi re, An namingmingengge logouwageluk nonggwaregen wenagaisogo menfigi o. An nen wenagaisogo figirik nendawinggen hundik welagi mene re at andi aro. An Nareagun at wogosumo oba louk umo re, an nen afuni wene inoba figik, kotik, higithogoat hilingisigin andi faget, aren it afuni endakwe mene wene fakhogo yagaisikhi logogin o.

MATIUS 12:36

Halok he, an wene yagahisagain mene yi eberek logoino. Hobuk Allah nen inanema waganogo wene inoba figik, kotik, igin andi sambul he, afuni inane we tulemat agarek mene andi faget wene inoba fagain aro.

LUKAS 10:18

at Yesus nen he, mel yagaisasikhe: ”Iblis andi eilabut yegelogo lakfei wagarek hak, pogoroba nen pi wagunem neilenggen higi o.

YOHANES 12:31

Yogondak Allah nen, afuni kweangma mene wene inoba figik, kotik, ikhi logolik, ap enupogot kweangma mene a'nogo mugusogo wulakfisigik, igin oba arat horogasi waga o.

YOHANES 14:30

Afuni kweangma mene inoe kain a'nogo ebe weri'logo andi nen he, an wene hokhorogat yagahisagain lego. At andi wesigin meneat he, an at enggiba welagi lego.

YOHANES 16:12

An nen wene hokhorogo yagahisa meneat he, hit yogondak ya wanuba re elo'lego.

KISAH PARA RASUL 10:42

A'nogo logolik he, niren afuni wene yagaisilik laga logolik he, afuni mondogat, wa'lagaukwa mene inom, ineluk werek mene inom, wene inoba figik, kotik, uageluk, Allah nen Yesus at menfesikhe, iluk, furogo yagaisilik laga logouwageluk ninayonggo fesikhe.

KISAH PARA RASUL 24:25

A'nogo holek werek kwelek, higithogo hilingiti logogun wene andi inom, inendawinggen sebelek logogun wene andi inom, hobuk Allah nen afuni inanema waganogo wene inoba figik, kotik, igin wene andi inom, yagaisugunem, Feliks ailo agaikhe. Ailo agaikhesik he, ”Yogondak wene arat egen o. Hobuk ugun mene higit aga halok he, wolheagain o,” iluk ambotkwe lakfesikhe.

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

KOLOSE 2:15

At Kristus ebe e andiba wa'laga logolik Iblis agoromi kaindek inomame werek mene inom mabenet fisaluk he, afuni nen selei mene inom weim yafi logolik inomame a'luk, inebe ineluk hele warogo afuni ineilhanem woginarek wagaikharek hak, at Kristus nen sele'ma inenggali watikhe andi.

IBRANI 2:14

Aren he, ”Afuni andi an nagainafuri,” iluk isikhe andi re, nit afuni wa'lagorek mene faget isikhe andi nen he, at ebe wa'laga logolik, nit afuni wa'lagorek mene ero at Iblis enggiba welagarek mene andi, at Yesus nen at Iblis ebe mabenet fisigik,

IBRANI 6:2

Ima pagarek wene andi yagaisigik, inunggul sebelharek wene andi yagaisigik, wa'lagunem Allah nen ninelugetninabigin wene andi yagaisigik, wurep oba wene ninoba figik, kotik, ugunem mondok-mondok logogun wene andi yagaisigik, isugu mene andi ninane hebelogo hobuk yagaisogoin legaro.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,

2 PETRUS 3:7

Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.

1 YOHANES 3:8

Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.