YOHANES 15:6 - Allah Wene Fano Wene Hupla Inane

⁶ Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.

YOHANES 15:6 ပူးပေါင်းရင်းမြစ်များ

2 SAMUEL 23:7

Ap misigen ekhe enggimo saplingge e meneba ogo, at he, posiemanggen meneba ogo legengge nen enggi senesu lek hak, afuni ariginik mene andi re endu nen mondogat weraginafunem, elo'lek asuhak enego,” iluk ikhe,

AYUB 15:30

O mum meneba nen he at waganogo lagain lek, endu nen he asimit wulibigin mene omanogo nolinabigin. At ebere Allah eleage nen warogo lakfisagain.

MAZMUR 80:15

Allah nineisena, Homame Mondok Hokho mene, Hat hebe pogoroba nen, nit Hat hagainafuri mene, heilenggen wo'ninabimbik, hambotkwe ninoba eme o.

YESAYA 14:19

oba nen he, hat hebe salhabugun oba re obalik ekhe werek lek, we hat hebe warek he e asimit warogo lakfagarek hak fili asuageluk hukheogoin werego. A'nogo hukheamo hat hebe warek andi re it ap weim yafi logolik inoata mene inebe warek omanogo nen sebelharek were'ma, andoma nen warek omanogo inom mondogat waganogo re helep elema hinobagai lamo, hinebe fili omanogo re, sibil-sebelhogo hinobagagun o.

YESAYA 27:10

O kota leget pak omamerogo waganek mene a'nogo re, afuni inareng mondok le'ma o lei pirimse'ma hakhogo herakfisagama re inareng mondok tiring-terenghogo hilingik. Wam ulukhogo nikharek mene re andoma set warikhi logolik e engga werek mene andoma legabeti logolik werek.

YEHEZKIEL 17:9

Andiba re An Tuhan Lego Mondok welagirek mene a'nogo nen heinok yi'nogo igi: Anggur andi ebe re fanorogo wilipluk sagarik lamo re higira? Sue rajawali attak mene a'nogo nen e andi omanggenet sanogetik, enggen taganhik, enggi sombolhik, hilingfuluk pugasuageluk herakfisa hak nogo? E andi omanggenet sanogesuogeluk he ap hokhorogo inom, athe inunggulenu misik ekhe inomame hokho mene inomen hilingisu lek hak.

MATIUS 13:41

An abat ta'lasi wagagi a'nogo nen nagoromi malaikat Allah pogoroba nen yonggo lakfisa wagarek mene yonggo lakfisa wagunem, iren he, Allah awe a'ma fisikhere'ma andoma nen, yi mene ti mene afuni nen weak hilingisuageluk hilinginafarek mene inom, yi afuni ti afuni weak hilingitarek mene inom, andogorogo fisaluk,

MATIUS 27:5

at Yudas nen uang perak mene 30 nen wogetukwa a'nogo Allah awi wuri'mo woukhogo kwelakfisaluk he, onggwaregen alonggop hele kelogo ebe pinggi waralagaikhe.

MATIUS 3:10

E ero lombok enggen fano mene iti'lek halok, mugusogo endumo lakfisageluk posie e omanggen oba lego werego,” iluk yagaisasikhe.

MATIUS 7:19

Yi e ti e enggen fano iterek lek mene andi re, ero mugusogo endumo mondok lakfisagarego.

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

IBRANI 10:27

Allah a'mage lagambik o wurep oba wene inoba figik, kotik, igin andiba, at inom weak mene halok inebe endu aik oba inoati logolik, nit at ane herakfisaluk weak hilingiti logogun halok, ninomat ninoasinogo iluk, niren futfuluk ninailorogoat logouwogo.

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.