YOHANES 15:5 - Allah Wene Fano Wene Hupla Inane

⁵ Hele ebe an aro. Nen, nenggisok hit aro. Hit an ninom hundik lek, we kobolek logolik, yi mene ti mene ekhe hilingisu mondok elo'lek andi nen he, at sa nen an nemberek hundik, nen, an at nemberek hundik, logogun halok he, at andi enggen hokhorogo isu hak, fano mene hokhorogo hilingisigin o.

YOHANES 15:5 ပူးပေါင်းရင်းမြစ်များ

AMSAL 11:30

Ap fano hilingitarek mene re ineluk fanorogo halogo fakhaluk logogun, ap hebelek mene ombo'ne re ekhe inomat hokho aga logogun.

HOSEA 4:8

Hit he An nagainafuri nen weak hilingituba re hinenggi werek irikhi lagep, andiba re hiren ebeti logolik it he weak enek hilingirik laga logouwak anggikhi lagep.

MATIUS 13:21

wene andi inendawinggenma omanggen yati'legen he, endebat were'ma nen, afuni ekhe nen Allah ane andi faget yi enggin ti enggin inoba figik, weagerinafik, ugunem he inendawimo fageat puk agaresik wene andi herakfisaluk wulifarek andi aro.

YOHANES 12:24

Nen, afuni nen gandum enggen awi kweangma yati'le'ma, afuni wa'lagaikharek andi hak, agap attak mene fili a'luk ket mene fulelhi'lek halok he, enggen misigat awi yasugun mene andiat logogin o. Meneat he, enggen andi kweangma yatunem afuni wa'lagaikharek hak, agap attak mene andi fili a'luk enek he, hobuk ket mene fulelfuluk enggen hokhorogo iterego,” iluk yagaisasikhe.

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

YOHANES 5:19

Weim abok a'nogo isukwama, at Yesus nen he, ap omanogo wene yi'nogo yagaisasikhe: ”Yi mene ti mene an neisena nen hilingitunem neilenggen higi'lek, we, an nendawimo nen kagalogo hilingisu elo'lek andi nen he, an neisena hilingiterek meneat higithogo hilingiti lagi o, iluk eberogoat yagahisigi.

YOHANES 9:33

Ap andi Allah nen lakfei wagi'lek logoilepma re, aren yi hilingitik, ti hilingitik, hilingiterek a'nogo hilingiti logoilep lego,” iluk yagaisikhi lagaikhemo,

KISAH PARA RASUL 4:12

At Allah nen, nit afuni kweangma yoma mene at ekhe nen telninabuageluk enu yaganisigi'lek andi nen he, alegat mene nen telninabigin elo'lego. We, at Yesus nen telninabuageluk, at alegat enu yaganisasikhe andi,” iluk yagaisasikhe.

ROMA 12:5

Andi hak he, ninebe hokhorogoat welago meneat he, Kristus ninom misigat hunogo ninobagasikhemo welago yi. Ninebe misigat mene re, ninenggi nineisok ninebeba hundik welagarek andi hak, ninerugwi ninagaila'lak ninom a'nogoat welago.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

ROMA 7:4

Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.

1 KORINTUS 10:16

Amusu ninggi logolik Allah hai warogo ninggi lago andi re, Kristus amep wulagaisogo watukwa andi ninom hundik welago iluk ninggi lago lek nogo? Nen, sumburu kurogo ninggi lago andi re, Kristus ebe ninom hundik logolik ninebe misigat welago, iluk, kurogo ninggi lago lek nogo?

1 KORINTUS 12:12

Nit afuni ninebe misigat meneat he, ninenggi, nineisok, ekhe ninoba hokhorogoat hundik werek. Ninenggi nineisok ninoba ekhe mene ekhe mene hokhorogoat hundik werek meneat he, lambukhogo ninebe misigat andi hangge re, at Kristus ebe a'nogo aro.

1 KORINTUS 12:27

Hit hinebe lambukhogo Kristus ebe higit logolik he, hinebe lombok, at enggi eisok hak oba hundik welagebo.

2 KORINTUS 13:8

Andi re, niren ebe wene sebelugun he, elo'lek. We, legeisogo fogoin mene nek welago.

2 KORINTUS 9:10

At Allah nen it awi yatarek mene awi wogisigik, sumburu ebe noageluk wogisigik, ikherek andi. A'nogoat, arenat afuni awi yasuageluk palisagarek hak, hinobabut it ekhe leberisikhi logogun andi mene wokhisigik, nen awi yatunem enggen hokhorogo isu hak, it ekhe hinendawi nen leberisugunem hokhotfigik, igin o.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

EFESUS 5:9

E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

FILIPI 4:17

Mene re, a'nogo lebetniikhi lagep meneat he, laknobagai wagunem wanhu mene andi faget esinet fikhi lagi fuk. We, hit onggo hela hak he, Allah nen ebe mene wokhisugunem hit eisewerek asubagaigeluk esinet fikhi lagi o.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

1 PETRUS 2:4

At ebe helep hangge eluk welagarek mene iluk he, oba we'no. Afuni nen he, ”Helep andi weak,” iluk hebisasukwa meneat he, Allah nen he, ”Helep yi mondok fano meneat,” iluk wenagaisogo esinet fesikhe.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.